瞓覺好啲,整朝寫blog,游水600m,759車仔麵,買餸踱路返,麥記又雪糕,晚食5人食.

老婆大假7日忙足7日,終於過去,旅行買電腦總算搞掂,旅行三日團費339+小費180確係抵到爛,電腦踱來踱去,都係枱機好3589元算搞掂.

開心過煩腦過,昨晚終歸好瞓過,昨晚一早便瞓,一覺今早近7點鐘醒,手機賴陣床便起來,梳洗好弄下早餐,食住上網,
寫我旅遊blog,新電腦新技術,還要有排適應,埋頭係咁寫,一寫又一個上午,望吓鐘嘩乜1250,嗱淋關機執嘢去游水.
晏咗出門,去到泳池1329,更衣室遇員工肥仔,又吹輪水,遲遲才上池,大池依然維修,又要行舞雷公遠副池,陽光普照,稍熱身1400一耀而下,埋頭係咁游,600m夠數走得.
更衣室同呀王吹水,問佢點解唔游水?佢話有次游咗50m,上緊到池邊,突然成身軟晒,差點浸C喎,連續幾次都係咁,所以唔敢游喎,佢咁講真係好難講?佢話無游年幾喎?若係咁?真係無得解釋?我亦係時候過759會老婆.
過到759,老婆同步到,每人食個三餸車仔麵,,兩位盛惠50.98元,

吃過坐夠1635走人,老婆要去銀行支票對兌現.搞掂就開始買餸之旅.
行轉百佳有,見冰鮮雞特價50兩隻,都好耐無食,同老婆又挑兩隻,跟住就街市,行轉買有魚胶半斤10蚊,老婆去買豆腐,我就門口坐陣,咁啱街坊呀四老公響度刨馬仔,多口問句佢老婆句,棚假牙搞成點?唉!萬多元副假牙,還是未没去修過,見佢食嘢就辛苦喎?
傾兩句老婆到,我哋都要走,老婆愛踱路,還是公園城河邊走,去到唱歌勁大喇叭處,老婆要去所,我就示意平時坐開處等,勁大喇叭還是向著單車徑個騎樓底,唉!騎單車者每每經過都嚇一跳,搖搖頭口噏噏,.
老婆烚吓烚的回來?原來跑步個街坊話佢知,才知我在這裡,唉!人蠢無藥醫.同老婆繼續踱回家,樓下街市多買點菜返歸.
冰雞兩隻50蚊,芥蘭斤5蚊,薯仔洋葱11.5蚊,魚胶10蚊同豆腐4.5蚊.合共81蚊

番歸以經1815.個仔以回來砌緊佢啲模型,老婆處理今晚餐餸,我就上網寫今日blog,1840個女來電,話番來食飯喎,跟住又問媽咪食唔食雪糕?老婆梗係食啦,咁就連帶我齊齊落麥記,三人三雪糕.

吃過返歸,老婆繼續佢既咖哩雞,我又續寫我今日blog,8點多老婆搞到7,8,我來釀個豆腐煎魚餅,開飯又2129LU.
老婆煮既咖哩薯仔雞

我既煎釀豆腐,

老婆的蠔油淥芥蘭,

5個人食1夜返留飯餸.

夜瞓早醒,整日試電腦,下午茶食粥食雪糕,晚老婆煮4個人食.

昨晚新買電腦回來,一上網佢就打出個畫面,話憑証錯誤,瀏覽以封所?上youtube全部有字無畫面?個blog跟本上不到,個仔回來一直搞到成1點鐘,都係無辦法,為有放棄,明天再算,上床以經點多鐘.

一覺今晨6點鐘以經醒,手機賴床到0740起來,部電腦咁搞法,邊有心機,嗱淋洗個面,睇吓部腦有無得搞?唉?還是一樣,好煩腦,無偈,為有等陣至電過百老匯問吓點.

拍醒老婆齊齊食早餐,餐後0941量血壓150/86-55,食過今藥辦埋大事,又來試吓部腦,去到10點鐘至電過百老匯,誰知響極無人聽?上網摷吓佢營業時間,掉...原來11點鐘,為有繼續試繼續等,哈!試兩試佢又得喎?唉!真係唔知搞邊科?好彩電話無人接,唔係就運吉,
見電腦無事,又寫輪blog,一寫又一個上午,新抱番工,又試登入其他銀行同馬會試試,總算無問題,唔夠瞓對眼頂唔順,去到3點幾鐘,唉!都係唞唞.
同老婆樓下揾嘢食,商場去食碗粥一碟炒麵,兩位盛惠50蚊,

吃過坐夠行惠康.行轉買有朱古力兩盒22蚊,朱古力批10.9蚊,麥方包9.9蚊同,兩罐午餐肉27.4蚊.

離開又走入麥記食雪糕,坐吓,

坐夠街市買菜,買有通菜一扎5蚊,鹹蛋4隻10蚊,瘦肉一舊10蚊.

回家1711,又試埋個CD ROOM,大至上無問題,8點鐘老婆叫煮飯,唔夠瞓賴得去煮,足之老婆煮,
9點鐘開飯,4個人食1夜返留飯留餸.

半夜醒失眠,整朝在家,三人大家樂,賭馬輸20,市廣場百老匯買電腦,廣場食晚飯,新腦搞成晚.

昨日同個侄吹輪無謂水,回來街市菜檔都收,無餸買下回來,同個仔三人為有食大家樂食,每人食個飯都140元,吃後又走去麥記食雪糕,買一送一13蚊,我同老婆一杯兩份食,吃後回家沖個涼,早早10點零以經瞓。

一覺半夜兩點多鐘又醒,瞓不返,為有手機寫陣blog,寫後又試歌仔下瞓過,聽了好耐,還是瞓不著,為有又機賴床,一直賴到8點鐘起來.

梳洗好搞掂一切,拍起手機賴床老婆,同食早餐,餐後9點鐘量血壓,竟然高到161/83/53，食過今早藥,辦埋個大事,0946再來量過血壓,136/71-55,咁都好啲.

一切妥當後,唉?來做點嘢,就係電飯煲個木蒸架,全木制無金屬,

搞掂1050,不如順手搞搞個廁所窗,窗撐加多個隆,個窗可以撐開些,鑽好又諗起把氣扇周邊,空盪盪點抽氣呀?又順手整埋佢,早前執回來二分發泡膠大派用場,剪裁界好,搞掂又12點鐘.

下午約咗個女買電腦,同老婆在家等啦,新抱今日放假,2點幾鐘蒲頭,問落唔落大家樂食嘢喎?於是齊齊落大家樂食下午茶,三人三個餐食咗76蚊,吃後新抱出街,我同老婆轉場走去麥記坐,其間買場馬仔,正Q位置Q共20蚊,影都無輸埋,
成3點45分個女才來電,話去得買電腦?約好城市廣場等.過到市廣城4點鐘,稍等個女到,齊齊上6樓,先行望吓蘇寧,問吓料問吓價,跟住豐澤,百老匯,了解輪女又要拿部手提去華碩修理,.
我同老婆就坐響欄邊河級坐等.
等咗好耐,成5點半才回來,才開始又去格價選型號?看過幾家,還是集中豐澤同百老匯揀,不停穿梭攞料同問價,又電話問吓啲朋友意見,豐澤百老匯我都不知來回幾多次?連售貨員都認得我們,哈!我反而忘記佢哋誰打誰?

終於扑定搥百老匯部Acer Axc-780-3714Gitg i3-7100 價錢3578元, 連個店員都熟晒,話我個女好犀利,我話係呀,無佢我哋啲邊識買電腦吖?而另個職員就負責裝機,搞到5點37分才完成.

個女付了錢,拿住部腦去揾嘢食,就上多層揾嘢食,處處都爆棚,足知去咗食西餐,薄餅飯同意粉,

三樣嘢以經290多元,吃過坐過離開,個女返大圍，我同老婆返歸.

回家2135,嗱淋開箱裝同電腦駁線,搞兩搞個仔返,個仔話我插錯線,話我插錯線喎?後來佢來搞,搞咗好耐,都係打出憑証錯誤,瀏覽已封鎖,唉!谷歌太複雜,搞極youtube有字無畫面,搞到深夜成1點鐘?無辦法,為放棄明天再算.

陽光台山三天完，廣場睇電腦，美快食晚飯，電腦打柴，早早瞓。

陽光台山三天旅程1722返回福田，福強路，就完滿結束三天旅程。
順利過關後，火車途中個女來電，說現正科技園收工，於是約好在沙田站等，到沙田站6點半鐘，出閘後稍等個女便到，便一同城市廣場6樓睇電腦，看完聯想鋪，跟住看華碩鋪，華碩傾咗好耐，個女帶同下認識咗很多，了解過要去醫肚，就去咗沙田中心美心快餐食飯，晚飯超貴，坐底40元以上，三個人一共吃了140多，個女比錢，吃飯其間我話專門店標價貴，無價講，其他鋪賣應該平得多，個女有點不相
信？續後要買個飯給過個仔，老婆買個外賣飯40多蚊，買後離開，由於太夜，我同老婆先行返歸，個女再去百老匯豐澤再睇過 。
回家都2115，先行開著部電腦，誰知以經唔著，開了成晚都係VV聲，看來今鋪正式玩完。
無腦用這晚早早11點未夠以經上床瞓。

睡來尚可,賴床8點鐘,游水600m,回水三雞,中心食美心,又掃759,晚飯4人食.

昨晚滑鼠唔郁,等咗好耐才能關上機,11點鐘我都上床瞓,上床又睇陣youtube,發現首英文歌.好好聽,睇吓內文,原曲原來係王菲隻傳奇,恕我耳拙,從未聽過?【傳奇】英文版- 【Fairy Tale】- Michael Learns to Rock- Lyrics.好好聽.
 一覺5點鬆啲鐘便醒,瞓不返為有塞耳歌仔瞓,矇矓瞓到7點鐘,轉聽收音機,新聞講台灣有個叫谷阿莫,二次創作搞到滿城風雨?於是網上搜吓乜料,原來用人家啲片料,做佢二次制作,大條道理說合法?又摷吓佢料睇吓,叫5分鐘看完2017祝你幸福.

手機賴輪床,8點鐘都起來,天氣和暖陽光入屋,搞搞曬晾,番熱救命木耳漿,洗個面上住網食,寫下今早事弄早餐,餐後0908量血壓133/78-57,食過今早藥辦大事.
事後續上網,滑鼠好唔掂?為有關機看電視,望吓個仔房,個衰仔還在瞓,大概放假?電視無嘢睇,為有不停新聞又新聞,中吓眼睏又差不多1點鐘,還欠呀王3蚊雞,一於去游水.
出門單車踩到公園城門河,嘩!超多人踩單車,條單車徑塞到呀媽唔認得,要下幾次車才能踩到泳池.
更衣室搞掂一切,行到老遠副池,太陽超猛,稍熱身1333下水,有點涼,游過50米才開始適應,埋頭游佢600米,1403夠數起水走人.
更衣室呀王已開工,嗱淋比番3蚊雞過佢,了咗件事,更衣室搞掂一切,至電個老婆,約好市中心食美心,手機寫陣blog,同王吹句水走人,嗱淋要過美心.
過到美心1510,老婆以經到咗,假期下幸運地還找到個對號位,老婆芝士撻碗仔翅餐27蚊，我芝士碎蛋豬餐26蚊,

吃過手機過走人.
離開美心買餸,還是三超一街市,巡過百佳落街市,再過佳寶同759.
759還是全場七折,不過米售罄,花生醬無,鮮奶無,好多嘢都清倉,其他都買到七八,同老婆行咗兩轉,係咁易執番些.
離開返回百佳買番啲,然後街市買件豆腐,搭車返歸,樓下街市買條勝瓜4,5蚊,韮菜兩蚊返歸.

回家1742,個仔又切緊佢啲模型,切到一枱都係,買來有百佳4支飲料17.6蚊,麵包兩個22蚊,其他759有沙律醬一樽20.2蚊,檸檬夾心兩盒10.6蚊,雜餅一盒7.4蚊,鹽水浸沙甸魚兩罐8.4蚊,花生兩包10.6蚊,合共96.8元.

1934來煮飯,料有豆腐,韮菜,勝瓜同罐頭沙甸魚.

蠔油韮菜煮豆腐,蒜容蒸勝瓜同茄汁沙甸魚.

2034開飯4個人食1夜返留飯餸.