從化東方夏灣拿温泉酒店+石碣維也納酒店自助餐三天團 (回程)

從化東方夏灣拿温泉酒店+石碣維也納酒店自助餐三天團(回程)

2017年7月12日    星期三

昨晚食完個食自助晚餐,邊度都無去,晨早洗過白白,8點40分以經上床待瞓,半夜1點多鐘醒醒,電視直播女網,睇咗陣又瞓返,就係咁瞓到今晨近6點鐘醒,賴床近7點鐘,老婆追著叫落餐廳食早餐?話早點食中午餐食好過啲喎?

7點鐘落到3樓,奇怪?烏燈黑火嘅?可能未開卦?為有落地下大堂搞清楚,聶堂遇見團友,話7點半才開始喎?咁就大堂坐陣等.

坐到7點半鐘返回三樓,又係烏燈黑火?見有個呀伯,於是問句?唉!原來餐廳四樓,呀伯好禮貌同我們按埋聶,真係烏籠.
上多層4樓,早餐以經開始咗,兩公婆就開始揾食,牙有點痛的我?為有主攻軟性食物,由其皮蛋瘦肉粥,食多兩碗,其他的都係手機食多.

以下全手機食,我無乜點食過,

飽飽後同團友吹,佢又話去邊處來?佢又邊處?而導遊肥仔話去過江邊來,見話江邊?又幾好啵,問佢行法行多久?廿零分鐘喎?真係好想行吓,睇吓條江都好.

吹輪水返回房間休息,辦過一切事務,還有大把時間,

咁多時間,出唔出江邊行吓好呢?老婆想去唔去之間,望吓出便咁既太陽?唉!行轉回來我諗幾辛苦吓?都係咪搞,留響冷氣房hea好過.

一hae11點鬆啲鐘,執整行理11點半鐘落大堂,放妥行理交過房咭,返回四樓開餐,點心任食.

一向小食的我,好快便收工,

咁既時刻肥仔導遊經過,梗係叫佢幫手拍番張相留念啦.

飽餐點心任食後,突然想起好似少咗樣嘢咁?大獲忘記咗個環保袋無攞,?嗱淋知會肥仔導游,經職員對講機下,同老婆返回房間,拿回我們個袋嘢,袋就無乜重要嘢,係兩支水同支神棍風扇咁.
返回大堂攞齊行理上車,1300準時出發.

18分鐘車程來到行程最後一景點,高步鎮,唯美陶瓷博物館.

唯美陶瓷似層來過?老婆硬係無記性,後來才醒起,兩年前舉家跟美食之旅,美林湖+東莞凱利酒三天,團費900多元,形式上一樣,係酒店景點唔同,分錢分貨,美林湖,凱景靚得多,凱景有泳池.
博物館形式嘢,無乜興趣,,係咁易行行算,

來到這裡,哈!你又識唔識佢?老婆話乜水喎?

與明星拍過照後,來到這裡夠經典卦?有意識可惜掉轉咗?

拍完個經典後又繼續回程,同團友吹水,得知堔圳灣返沙田有著數,又同老婆一試.
旅遊車1538到深圳灣口岸.
第一次經深圳灣,幸好團友熱情,又教又帶路,37分鐘時間以經過晒兩關,嗰然快得多,關與關比福田口岸近得多,又免行水圍至福田口岸一段路,以經著數好多,.
B2P搭一個站.16分鐘便到天水圍西鐵站.再紅磡轉東鐵,大圍再轉馬鐵返到歸1725.
全程用咗1小時49分,摷返紀錄時間,同落馬州差不多.車費成人慳1蚊,長者就慳10.8蚊.




從化東方夏灣拿温泉酒店+石碣維也納酒店三天,順利遊畢,499hea三日係超值.
買來手信有黑豆,杞子,花生同枝竹.

從化東方夏灣拿温泉酒店+石碣維也納酒店自助餐三天團(二)

2017年7月11日  星期二

從化東方夏灣拿温泉酒店+石碣維也納酒店自助餐三天團(二)

昨晚温泉完早早10點零以經瞓,夜所一劑就瞓到今晨5半鐘醒,睡來唔錯,賴陣床梳洗好,辦妥一切事務,露台拍拍照,

7點鐘就樓下餐廳,食我們早餐,早餐自助形式,導遊講以往係圍餐,今團才開始轉自助喎?自助有度好,無須等齊人,喜歡食乜就乜.

吃過坐夠,時間有限,9點鐘還要打高爾夫球,還有45分鐘,一於唔嘥,走去踩單車,睇吓週邊環景都好?單車係免費任踩,交下200元押金踩得.

單車座位太低 ,而坐位同腳踏,同一直線,似單輪單車,坐位太低,膝不妥的,未能屈得太上,無辦法踩下,為有老婆來踩,踩出酒店外,全是馬路,車來車往好危險,一聽見引擎聲,嗱淋要閃埋一邊.踩咗10零分鐘,太危險,都係咪搞?嗱淋踩回酒店交車,拿回押金返房間.

攤唞陣1055便落大堂集合,11點鐘準時出發.

原來好多團友都無來,得番9大1細來玩,以前美林湖打過一次,規模靚得多,50個球兩公婆打,打咗陣以經身水身汗,50個球都打唔晒,老婆你打埋佢,大約打咗半粒鐘都走.

返回酒店10點鐘.

返回房間執妥行理,攤唞咗輪,11點鐘準時大堂集合走人.

離開途中導游肥仔大談讀書年代,學校唱歌比賽第二名喎,還即直唱起佢隻得獎歌,保衛黃河
共產黨教育係唱喱啲.

1155來到這家岭南人家,食我們中午飯,茘枝木原味雞宴,

該餐依然一圍8個人,手撕原味雞,我就話麻麻,有團友話至好喱餐喎?求其爬幾粒都收工.

食過這餐原味雞宴,1305來到今日第一個景點,報德祠,太陽勁猛,廟寺細細行吓都走,團友又發揮佢啲購物精神,購物一番.1337離開見有人曬縠,可見太陽幾勁?

1428來到石碣收費站,佢又落起大雨來.

1439終於來到我們入住酒店,維也納國際酒店,獲派房間611,入到房同東方夏灣拿一樣,以經插了房咭開定冷氣,唔知係咪匯景獨有?服務認真唔話得?而兩包迎賓飲品同蛋撻早以奉上,酒店新裝修,夠光猛新束束,兩個大枕頭啱晒我喱個鼻敏感人,可墊得高高來瞓,導遊講前身係蔚城酒店,被維也納收購喎?怪不得在香港時,網上search不到?

無節目,在房間攤夠本,1550都係落街行吓.酒店週邊C城一樣,似乎好多吉鋪吉屋,大概等待拆卸卦?還有個興建中大地盤,未見有人開工,望吓錶才4點鐘?哈?似乎爛尾居多?

無乜好行,便返轉頭,來到這間學校,嘩!乜字呀大佬?碣乜學校?要請教吓內地人仕才知?來到這裡我都唔願行,見襯啲店鋪,大多都係烏燈黑火,半營業咁款?都係返回酒店好過.
返回酒店大堂坐,有接待員奉上一小杯茶,須然一小杯,服務算係咁LU.

坐陣返回房間休息,唞順條氣,1755落餐廳食我們今日的晚餐,
晚餐相當豐富,好過上間夏灣拿多多,

影得就影,可能有許多影漏?

有生蠔老婆攞完又攞,我話鍾意食,都唔好食咁多,肚疴就大劑啦,樣樣食啲以經飽到上心口,

啤酒汔水任飲,我就兩支汔水咁多,老婆就隊咗支啤酒.



飽飽後返回房間,邊度都無再去,就係咁射鵰英雄傳未完以經瞓著.

下篇再續.

從化東方夏灣拿温泉酒店+石碣維也納酒店自助餐三天團(一)

旅行前夕,昨晚執好所須11點零鐘以經上床瞓,難眠下終於瞓著,不知是否冷氣影響,4點多鐘鼻塞鼻水醒,打輪噴嚏祙輪鼻水,還好瞓返 ,咁就瞓到閙鐘響醒.

老婆亦瞓醒,梳洗搞早餐食,搞掂一切,0655出門,大圍站稍等兩輪羅湖車,0715才有落馬洲車,可能隔得太耐,上車無位坐,又好彩到大學站有人下車,就係咁一坐0748到落馬州站.

站內見還有把間,於是試辧我大事,還好都有些,辦妥事0808過關.

2017年7月10日 星期一

從化東方夏灣拿温泉酒店+石碣維也納酒店自助餐三天團

團費449+小費180X2=1358元

順利兩關後0820蒲出福田口岸.老婆匯景29號旗報到,我就四維昅吓,昅輪環境,第一次8點半鐘集合,各公司出團都唔少,哈!由其廣東旅遊,齋孭住條斜帶的旅遊大使都好幾個?似乎好大陣像,學足美食旅遊,好多支旗旅,似乎有點誇?

導遊姓陳叫輝傑,肥仔一名,感覺幾好,問佢整團幾多人?47人有兩個未到,0825以經出發,奇怪?未齊人都出發?

整團落馬州客,齊齊向水圍方向出發,浩浩蕩蕩13分鐘來華強路,旅遊巴以經在等,0838人整開車,9點多鐘到深圳灣口岸,稍等0939正式齊人開車,導遊才開始介紹講解情況,話本應47人,但有兩個趕不及來,可能自行追車會合喎?怪不得人未齊0825以經出發.

1150來到食中午地方,早輪凱利自助餐兩天團也曾來過,食脆皮吊燒雞宴,拍照的我例來得最遲一位,坐下10人一圍,誰知有個團心水清,問導遊剛才你話我們圍得8人,叫食多啲,現在成10個人?肥仔後來拿張名單出來對吓,係喎?8個可解10個人,哈,原來有兩位係隔鄰團,哈!坐錯位,兩個尷尬下走夾唔唞,原本係10個人,就係嗰兩個未能前來,照計唔來既多.若果追車來?車費都唔少?

吃過這個午飯,老實講若果10個人,似乎唔多夠食,食多食少我就無謂,吃過wifi過又出發.
1312來到該團第一個所謂景點,萬達廣場,導遊都知我們心態,都係獨攻超級市場.

女團友發揮佢啲鉄算盤,買下唔少乾貨.我都唔蝕底執咗有杞子17.4,花生7.92,黑豆15.66,同枝竹11.02蚊,4樣嘢合共52人仔,其實好多嘢都好貴,例如蒜頭,賣到8.9蚊人仔一條.比香港貴成倍.



一小時購物完畢又開始向從化進發.
途經我都唔知乜地方,

1630來到神崗村太平鎮,車外整條街都在賣茘枝.

驟眼見,全部清一色茘枝,

1640終於來到我們入住酒店,東方夏灣拿温泉酒店.
入到來有杯迎賓橙汁濕吓口,導遊派過房咭,我們住283房,酒店好大,找咗輪才找到,房間唔錯,

窗前有個大露台,可望見個大泳池.

在房間攤唞陣1715分,由於6點鐘開餐,時間唔好嘥,嗱淋去浸温泉,來到接待處,接待員說泳池游水要戴泳帽喎?我話無點呀?佢話買喎,有5蚊同10蚊,見得幾拾分鐘,話之你再係游至算,更過衣等埋老婆,巡視一番,拍輪照,温泉池唔太多,時間關係就浸得就浸,不久都夠鐘要走LU.

更衣室換回衣服,就直接來餐廳等開餐.
進場後拍輪照,唯一矜貴些啲蝦,以經一掃而清,嘢食唔算太豐富,但又唔算太差嘅.蝦到最後都無再補充,而啲掃蝦者,都剩下不少?可見掃蝦者幾兇狼.

飽餐過後回房休息,1944又來浸温泉,諗住銀包証件放入夾萬,穩陣啲跟圖指示試吓先,誰知關上門開唔番?試咗好多次,嘩!好彩無放証件同銀包咋,唔係就大鑊,放不到落夾萬,為有放落喼鎖好,電話依然跟身.
落到温泉接待處,職員都係嗰句,泳池游水要戴泳帽,諗吓要游香港都游夠啦,都係唔睬佢,一於浸温泉.

白天來過無時間睇真啲,原來有個菇個池係魚療池,同老婆又坐過夠本,啲魚見佢都幾大條,咀得真過癮,牛奶池又靚,射燈射住下好靚,但用閃燈拍又太光,不用又太黑.

同老婆坐夠浸夠2100都走,返回房間洗白白,早點上床,實在太累,10點鐘未夠都瞓著LU.

今篇到此,下篇再續.

從化夏灣拿,石碣維也納三天完畢,新嚐試深圳灣返,老婆靠害咖哩飯,一線之差馬輸20.

昨日旅行回程,聽團友講深圳灣口岸返沙田,怎樣方便同車費點便宜,於是同老婆一試,又團友熱情樂意帶著行.

1538深圳灣口岸下車,兩分鐘以經到口岸過關,關與關距離又近,13分鐘以經行出巴士站,行到較遠B2P巴士,稍等1557以經有車,16分鐘一個站車程,便來到天水圍西鐵站,1617西鐵站開出,1648到紅磡站轉車,到大圍站1703,再轉馬鐵返歸1724.全程1小時49分.

回家統計一吓,過往從深圳灣開始,福田口岸返歸時間差不多,但西鐵返就不用行水圍段同關與關段路,價錢成人就慳1蚊,長者就慳10.8蚊多,下次都係西鐵返有著數.
昨日回來個仔以經在家,又砌緊佢啲模型,買來手信有黑豆15.66,杞子17.4,花生7.92同枝竹1.02.合共52元人仔.

老婆叫不煮飯,見有點飽飽滯,不煮就煮吧,上網放下旅行相,唔駛錢方蝕底?三天竟然拍下4佰多張相?載入電腦都要10幾分鐘.
8點多鐘老婆叫落大家樂,大家樂相當旺場,難得找到三個位,我就坐定定霸住位,事前同老婆講,我同你一個飯就夠喇,唉!誰知老婆回來,好失望,今日頻頻講住我牙肉痛呀,老婆竟然來個咖哩牛腩飯,嬲得我吖?

吹到我啤啤響.牙痛之苦又點敢食吖?求其爬兩粒白飯算,兩個飯又成93蚊,唉!煮好過啦.
回家都無心機,乜都唔鬼做,睇跑馬,跑到第六場,拿住隻慣性聆聽,閃電王好呢?定係騰煌好呢?結果揀隻冷啲騰煌,就係咁Q同PQ各10蚊.
020212-07-2017
22:06跑馬地
星期三連贏位置Ｑ7 場    1 騰煌 + 2 慣勝聆聽 $10
$20.00 020412-07-2017
結果跑出慣性聆聽搭閃電王,5佰多元Q,谷鬼氣,餘下還有場,都唔鬼賭,這晚看埋個晚間新聞11點半鐘都瞓.