早早瞓,睡來麻麻,鼻水可以,條氣唔妥,一口擴氣管,第二劑中藥,食大家樂,晚二人煎餃飲湯.

昨晚早早10點鐘都上床瞓,一覺0342醒,去個所就瞓不返,歌仔塞耳一小時,依然瞓不著,續後矇矓到6點多鐘,收音機新聞賴床,鼻就無事,但條氣就促,呼吸有點困難,喉嚨不停噓噓聲,賴床到0750起來.
起來條氣依然,烚水梳洗洗鼻後一口類固,搞好早餐,唉!都係要吸口擴氣管藥,吸後當堂順晒,食住早餐上網,

9點鐘老婆起床,自搞早餐食,之後佢電腦我電視,1010量血壓149/76-57,天氣冷血壓又高,唉!都費事理,瞓唔好瞌吓眼睏,1156第三次中醫,第二劑藥煲好飲得.

12點鐘老婆處理吓家務廚房,成3點才同老婆食大家,老婆31餐,獲印花一隻,我就28餐,而最後三個印花宣報用晒,以後不用做支付奴LU.

吃過坐夠街市買餸,今晚得我同老婆兩個食,就餃煎,煮羅宋湯,買有餃子兩盒36蚊,白醋一支8蚊,南瓜,蕃茄,薯仔同紅蘿蔔合共19.8蚊.

回家4點多啲鐘,2018年快將過去,係時候要執執的日記,寫下我的大事回顧.6點鐘個仔返,沖個涼就出去,夜老婆煮雜菜湯,煎餃子,料有南瓜,蕃茄,薯仔同紅蘿蔔,1753開餐食得,今餐老婆個湯同煎餃子又幾得喎?

睡來唔錯,鼻無事,中藥番渣,老婆牌頸巾同帽,行公園做運動,食意樂,老婆買餸,我返歸,晚飯4人食.

昨晚叫做冬至人齊食餐飯,賭過馬食過湯圓,團團圓成12點鐘至瞓,4點多啲去個所,就瞓到今早7點多啲鐘醒,收音機賴床,賴至0845起床.

鼻無事腳好啲,氣温昨日一樣14.5%,烚水梳洗,洗鼻一口類固醇,老婆已醒床,在手機賴床在,說早餐淥米粉,咁就食自己,我就煎雙蛋,豆奶煮麥皮上網食.0930老婆起床,自搞早餐淥米粉沖咖啡食.

10點鐘老婆餐完又來要電腦,好啦你就慢慢享用,我就辦我事.1205第三次中醫,第一劑番渣煲妥飲得,

而老婆織既頸巾同帽亦完成.

1點鐘悶悶哋,叫老婆出街郁吓,還是踱去坐開公園坐,坐吓望望手機,唉!大鑊無電,坐陣踱過城河對面,個老人器械運動區做運動,都係求其做吓算,

去到1425老婆嗌肚餓,咁就踱過好運商場,再過瀝源商場,諗住食吉野家,老婆又話食意樂.,好,橫掂手機無電,禾輋商場义义都好.
又趌跛跛的踱去禾輋,中途遊樂場歇歇腳,過到禾輋商場稍為义义電,以經3點半鐘,意樂老婆辣肉醬芝士焗條26蚊,我就芝士豬扒焗珍珠飯35蚊.

吃過坐夠老婆沿路回程續買餸,我就唔想行,過200元落佢支付寶,我就搭車返歸.
回家剛好5點鐘,著電腦寫寫blog,1744老婆買餸返,買有齋鹵味20蚊,魚胶12蚊,菜心5蚊同豆腐5蚊.

2055老婆飯熟開飯有煎釀豆腐,灼淥菜心同外賣齋鹵味,人齊4個人食.

睡來尚可,天氣寒冷,鼻水,氣促少許,整日在家,食大家樂,賭馬,人齊做冬食餐飯,馬仔輸50.

昨晚11點半鐘瞓,夜所一劑,就6點多鐘醒,就瞓不返,收音機賴,矇矓一賴8點多啲鐘起來,鼻水少許,氣促點點,腳痛還有些,天氣寒冷,曬晾間氣温14.5%,如常烚水,吸口類固醇,洗面洗鼻,梳洗後鼻水有些.
上陣網0905老婆起床,決定煮早餐喎?咁就唔聲唔聲煮埋份,老婆就米粉+咖啡,我就到期麵包,芝士蛋冶+熱朱古力.

餐後老婆電腦我辦事,而我鼻水以經收,回復正常無事,1018量血壓136/78-60,食今早藥.
11點多啲鐘,老婆上夠網,今晚人齊做節去買餸煲湯,1137老婆買餸返.
老婆回來搞蒸雞煲老火湯,成3點鐘齊落大家樂下午茶,今鋪不用做支付奴,麥記優惠期完咗.
大家樂老婆31我26.

茶後惠康買麵包,由於屋企煲緊劑藥,買後嗱淋返歸.
回家1555老婆忙今晚餐飯,我就上網踱馬仔,踱輪眼睏到乜?足知梳化大瞌睡,瞌醒6點鐘,第三次中醫,第一劑中藥煲好飲得,劑中藥用慢火煲,煲足8小時,唉!下次都係常火煲好過.

上網到7點鐘賭馬,個個陸續來齊,到2005老婆飯熟,開飯,有南乳蓮藕豬手,手撕雞,灼生菜,藥材螺片雞殼老火湯,人齊6個人食.

連場敗北,最後重吹漲,輸50元

夜團團圓圓食湯圓.

睡來可以,鼻可以,早餐麥記,揈腳,老婆大圍買餸,下午茶大家樂,第三次中醫,傑仔月曆,晚飯3人食.

昨晚11點零都瞓,夜所一劑便今晨6點多鐘醒,去個所就瞓不返,收音機賴床,矇矓到8點鐘,千禧年代北角大車禍事件,聽陣都起床.

起來腳好啲,鼻好點鼻水啲啲,如常一口類固醇,烚水洗面洗鼻上網.上網到0915,老婆要叫才起床.
早餐無麵包,老婆搞掂一切,老婆拉埋車仔,話要過大圍買嘢喎.
齊齊落到麥記,支付奴又要昅輪手機,算吓支付寶優惠,睇輪後還是各自手機買餐,我手機25.5蚊早餐,就麥印花兩個慳10蚊,

而老婆手機新買餐,得添麥記同支付寶印花各1個.

吃過坐夠,老婆拉車仔過大圍,我就手機輪便行去遊樂場,做我鐘擺腳,遊樂場風都好大吓,有幾個人還在運動,我還是不敢大動作,求其輕輕擺佢1百幾拾吓算.坐咗好一會,鼻水都出埋,再擺多幾拾吓都走.

離開1140返到樓下,剛好老婆返,話買不到冰鮮雞喎?要我先拉車仔回家,佢街市再買喎?
返歸1155,跟手老婆已經返到,買有冰鮮雞一隻50蚊,啤酒半打49.9蚊,乾螺片250蚊乾,冰螺頭250蚊,薑11蚊,蓮藕6蚊,乾螺頭仔101蚊同干葱4蚊,合共1021.8元

返歸後一直youtube,到3點多,係時候落大家樂下午茶,老婆支付寶印花買餐減5蚊36蚊,我就百達通買餐25蚊.

吃過坐夠1616離開,過博愛看我第三次中醫,沿路風好大,一路行一路祙鼻水,過到去1635,登記好診金200元,醫療券付,搞掂坐等到1700輪到見醫生徐教授,坐下問過一切,我話鼻水收得多,但來時風大,鼻水就多些,建議我戴番頂帽,又張我氣促事件話過佢知,之後把過兩隻脈,看過我條舌,就話今次開多一劑藥過我,而坐在則位學生又把把我脈,出過藥單後前後都係10分鐘.
離開就藥房配藥,藥房話多一劑藥要補錢,又登記處付錢,還是醫療券付55蚊,跟手預約埋下星期二1600點鐘,三劑藥搞掂1719走得,

返歸途中又試吓笠頂帽,哈!果然無流鼻水.
回家1735上網寫今日blog,1814敲門聲,原來鄰舍傑仔媽送來月曆,年年有我心多謝.

1843個女上來,無買餸,限米煮限飯,雪柜料有椰菜,鴛鴦腸各一,椰菜切碎,臘腸切粒,一煲搞掂,誰知椰菜有多,就兩蛋义燒切碎,一於煎椰菜餅,臘腸菜飯,椰菜餅,2038開飯,3個人食.

睡來尚好,鼻水收歛,有點氣喘,早餐老婆麥記,腳差咗,揈揈腳,中藥,下午茶大家樂,番渣藥,晚飯4人食.

昨日入馬場累碌咗日,晚早早便瞓,夜所一劑便今晨7點多醒,收音機賴床到0840起來.

鼻水無乜,條氣就有點促,?腳經昨日一行差咗,唔理啦,照常烚水梳洗兼洗鼻,搞早餐豆奶麥皮,芝士飛碟上網食.

0930老婆起床,自搞早餐食,沖好咖啡,原來食餅乾?唉!咁點得呀,不如落街食麥當奴啦,由如答應大堂食蕉呀姐,送頂馬場帽過佢,於是帶同頂帽落去.送過比佢,鬼咁高興?傾兩句便去麥當奴,用我支付寶買25.5蚊餐,減10蚊,多個M記印花同花一個支付寶印花.

吃過坐夠上惠康,想話買麵包,但剩番包倉底貨,唔買就老婆繼續,我就走去遊樂揈揈腳.
經昨日入馬場一役,趌跛跛,都唔敢大動作,求其揈吓算,老婆到,剛好區辦派月曆,老婆攞番個都走.

回家1127,老婆煲我藥茶,我就上網.1345藥煲妥飲得,係第二次中醫,第二劑頭劑藥.

老婆電腦我電視,到兩點多三點鐘,老婆硬係唔肯關機?我就話之你,一條友篤落大家樂,老婆遲遲才找到來,咁就叫餐,老婆豬扒米線餐31蚊,我就鴨米餐29蚊,老婆無分只賺印花只一個,我就三個印花慳5蚊,無印花.

吃過坐夠,老婆去買餸,我就手機等老婆返.老婆買餸返就返歸.
回家1645,買來有椰菜一個5.5蚊,韮菜兩蚊,豆腐5蚊同鯇魚一嚿20蚊.

上網到1822老婆番渣煲藥妥,飲得.

2054老婆飯熟開飯,有豆腐煮魚,韮菜煎蛋,炒椰菜,4個人食.