讀書不成,年年留級,小學未能畢業,一嚿雲我,終於要出來社會工作.
我未能畢業的母校,香港學校.
1963年6月就輪到我入行,入行第一個地盤就係油麻地彌敦道345號,樓高16層高,有地牢,公司名稱大生建築公司,當年建築業大部份工種都係散工,而墨斗學師就長散,比較穩定,人工日薪5元,朝8晚6,中午食飯一個鐘,有三点三飲茶時間休息,長散返工有錢,唔返工就無,無病假無假期,有時靠管工体卹病就唔扣你錢,有時加吓班做吓其他工作,開夜就4粒鐘一工,補水就兩粒鐘為半工.15天一期糧,每期有三兩工補水幫補吓.
地盤完成後就富都酒店.不過都已經拆卸.
1999年7月就今日的九龍永安中心.
2022/04/15 星期五 26C
昨晚如常早早都瞓,瞓至3點零又醒?又瞓不返,捱輪為有手機上網,上輪網臨天光又比我瞓番陣?0630醒,瞓就咁多?手機賴床,0840同老婆齊齊起床.
氣温26C,老婆處理洗晾,我就搞早餐,三大杯水後,0926同老婆齊早餐.
餐後辦埋件事,昨晚三粒西梅,叫做有點效?新抱B亦蒲頭,復活假期電視無乜好睇,無無聊攤響床手機,手攰又瞓陣覺,1256個女來電嘈醒問啲嘢,咁就起來摷過比佢.
1405佢娘出街買餸,諗起救命木耳都無食好耐,係時候整番劑,浸下木耳後見新抱出咗街,不如整啲嘢食氹氹個B.
於是叫個B攞張櫈入來睇住我整.開些麵粉漿,烘幾塊粉皮,早前打落啲花生杏仁碎,加啲沙糖,包起再煎煎佢,個B睇見以經急不及待,眼看差不多完成,聽見敲門聲?大鑊?嗱淋抱番個B出廳,老婆開門,嗰然佢娘返?呵可個B無得食lu?
唉!煎時見佢咁恨食?我又點忍心佢無得食?見佢走埋來想食,我就話食一件咁多啦?誰知佢娘立即阻止,話我哋有嘢食,但個B依然想食,我就拿件過佢啦?佢娘立即轉呔,喝住話未洗手?留件過佢啦?見佢娘遲遲未同個B洗手?我就叫嫲嫲同佢洗,洗後食吓一件又一件,足知食咗好多件.
吃後我都話之你,入房手機寫寫blog.1545又輪到老婆出街買餸買茶.
1634老婆返,買有菜芯兩斤34蚊,蘋果三個11蚊同椰漿兩盒23蚊,鯪魚25蚊,茶餐有我义飯餐26蚊,老婆就墨西哥意粉餐41蚊.餐後鼻水關係,打鉄趁熱又沖劑補茶飲,已經21劑.
2021/12/19 星期日 17C
昨晚如常10點零都瞓,夜所一劑就今晨0620醒,個仔在返工,所後手機半賴床,睇吓東睇吓西,whatsapp群組下,收到位移民英國同事訊息,提醒群組各位今日投票?哈!跟住下個訊息就係湖北高速公路段,橋面則翻垮塌,3C4傷,跟住就話(大陸啲天橋事實好流).
見佢移咗民?都重咁關心香港投票同大陸事故?不如整首歌仔過佢聽,等佢暖暖個心,就係紅線女隻昭君出塞,
賴床到0900起床,嘩!屋企氣温17C,拍埋賴床老婆起床,齊梳洗烚水搞早餐.0956同老婆早餐,新抱B亦蒲頭.
餐後辦埋件事,無所事事,新抱就教B做功課.11點多同華仔吹水,吹完水12點多鐘,不如落去投票.
兩公婆落到社區會堂1230,嘩!原全無人嘅?聽住工作人員指示,好快便投完票出來.
出來老婆又話想過市廣場睇衫?我話免費乘車,不如搭條新線,入屯門行吓?去到站入閘,不用拍咭,免費都知人多?以經行到車頭等車,結果車到都係無位坐?連抱住個細路個女人都無位座?到大圍站有人下車,我才有位坐.一路坐到上緊到宋王臺站,硬係聽到廣播,話前面有事故,請剩客下車,同老婆講?老婆話係聽見有廣播,不過聽唔到有事故叫下車喎?但車以經到宋王臺,唉!都係咪搞?不如落車先.
下了車列車又繼續開啵?似乎無事?落咗車一睇?嘩!一眼睇晒,就係咁多?前面一堆人,一排廚窗排晒隊睇?唉!晒氣,同老婆外圍睇睇,我倆都走LU.
唔睇去邊呢?上返車去屯門?定點?唉!決定都係出閘,好耐都無來過宋王臺嚿石?出閘廢一片爛地,亂草叢生?沿住有蓋通道行,大約10分鐘出到去,過條馬路就係宋王臺花園.
花園細細無乜人,行陣拍張照,想話坐吓?見張張櫈都吉?行去睇吓,全部都雀屎,無得坐就坐無水既噴水池邊,坐陣太陽又晒,同老婆都走.
1343離開,去邊好呢?向土瓜灣方向行咗陣,見有26號車去尖東,老婆又話去尖東,唉!是但啦.
1426來到尖東,公園好少人,又唔想多行,見無嘢啱食,同老婆坐81C走人.
返回沙田1527,商場1538食大家樂,老婆30炸髀餐,食百達通送雞翼,我就义米餐30-5=25蚊.
吃過坐夠1616離開,離開老婆又話上惠康,買有特價香蕉5蚊,冰鮮雞隻33蚊同廚房紙23蚊,跟住街市買菜,椰菜花,紹菜同雞髀菇20蚊,蠔豉74蚊,薯仔個3蚊,搞碎豬肉23蚊同雲吞皮5蚊返歸.
回家1650母女出咗街,我都嗱淋沖涼,啲衫洗得就洗,涼後沖劑補茶飲,以經第11劑,
茶後上網寫寫blog,冇耐個女到,1903三口子返,下來佢三口子忙沖涼,2031叫開飯.7個人食,個仔沖涼留飯餸,呀偉留就拿走.
