4月7日(五)睡可多夢,膝痛可以,踩轉馬長廊,茶大家樂,惠康,街市,晚餐兩人食.

2023/04/07   星期五   晴   22C

昨晚有馬無賭睇到尾,11點幾鐘瞓,夜所三劑就瞓到今早7點多醒,睡可夢多,賴床9點鐘起床.

氣溫22C涼咗,如常烚水搞早餐,0929早餐,1000老婆新抱B陸續蒲頭,個B又乖啵,主動叫早晨.

餐後辦埋件事無所事事,假期無視好睇?戇居咗輪不知如何是好?天氣又唔湯唔水?叫老婆幫手摷條褲落來,真大鑊褲頭扣唔埋,而且還差好遠?為有摷過另條,腰圍最大條,都係緊緊扣得上?

減肥無選擇,為有又踩單車,都諗住起行,諗起華仔?又問吓佢去唔去,原來響度修單車,唔去喎?休息就整單車,簡直嘥人工.

唔去我都準備出門踩,誰知電視播緊愛美麗狂想曲,套劇真係好好睇,正式做嗰時就唔多覺?套劇每人有個故事,每個都做得好.

記得當年2021年4月16日,下載咗這首愛美麗狂想曲mp3,個B剛好兩歲多啲,我就比佢聽,聽完問佢好唔好聽?響邊度聽過?冇耐佢拉我出廳,指住個電視話我知,衰豬真係醒.

睇完套劇差不多1點鐘,不如睇埋新聞才去,新聞期間新抱B有節目出街.

睇完新聞出門,車場取了單車,1330諗住起步,見有塊膠片似乎啱用,結果整咗幾分鐘,都係無用才起步.

還是以往一樣,踩去馬鞍山海濱長廊,1405踩到來長廊第一個亭.

踩到來有些微出汗,坐下wifi輪坐陣,見時間差不多,1451回程.

還是一條氣的踩,沿途好多黃花風鈴木樹,開得好燦爛.

返回單車場1524,鎖好單車,老婆以經在商場,齊齊大家樂,炸髀餐低食,都係咪搞?就食個28蚊米粉餐算,老婆依然7蚊熱檸水.

吃過坐夠上惠康,28級梯上來比上次好得多,惠康行個圈買有香蕉5.5蚊,免冶豬肉25蚊,鰈魚柳25蚊,豬腩肉27蚊同食鹽5.5蚊.

離開街市,老婆買咗三樣菜20蚊返歸.

回家1702,個仔已回來,搞緊佢啲至愛模型,老婆回來就處理買來菜料,我就嗱淋沖涼,涼後入房上網寫寫blog.1815母女返,下來佢三口子忙沖涼忙煮食.

1926老婆叫開餐,有肉片炒脆玉瓜,煎黃花魚,同老婆兩個人食.

4月4日(二)睡好,膝痛,個B學校party,踩轉馬長廊,茶大家樂,街市,晚兩人食.

2023/04/04   星期二   雨   24C

昨晚10點零瞓,夜所一到今晨7點鐘去所,收音機下半睡到8點半鐘起床.

新抱B已出門,氣温24C,外便春雨矇矇雨粉粉,如常烚水搞早餐,0911早餐.

餐後辦埋件事睇電視.

1053新抱B返,原來今日學校復活節party,早返早放,回來放下背囊又話有節目,母女又出去.

睇完電視1145,大杏仁碎食晒,又要來打番啲,一打一樽慢慢食.

日日響企唔係辦法,自從打吡日賽馬,踩咗轉馬場,至今21天未郁過?膝痛全好就無可能?不竟幾拾舊患,為有又踩轉又痛過?

1點鐘新聞都冇睇便出門,車場睇吓條呔,見呔氣還可以,就1304起步,微風微雨,順風順轆29分鐘,1333便來到馬鞍長廊,第一個亭坐.

1333老婆開餐訊息到.

坐輪wifi輪,風雨殺到,還好風大雨細,坐輪係咁易郁個身,1435我都回程.

回程有點吃力,踩來有點熱,唉!都唔知多久無出過汗?返回車場1510.

老婆又話要等洗衣機衫晾?咁就大家樂等?

等到1540老婆才到,炎明熹18歲雞髀餐送10蚊券喎?咁就整個雞髀炒麵餐35蚊,送張10蚊券,老婆7蚊飲杯熱檸水,一坐4點半鐘走人,離開大家樂遇啱個仔放工到,我倆離開就去街市,街市還是我坐老婆做買,買有菜心兩斤18蚊,洋葱兩個5蚊,蕃茄13蚊返歸.

返回樓下又遇著新抱B返,新抱要街市買菜,少有個B唔跟去?要跟我們返歸先,還要指定我拖?衰豬不扭跟嫲嫲多?

回家1650我都嗱淋沖涼,涼後上網寫寫今日blog.

1918老婆煮妥開餐,有煎紅衫魚,肉片炒旺菜,同老婆兩人食.

2046三口子開飯.

生涯(26)1984/10/18～1986/03/15沙田第一城,五期第48座地盤.

1984/10/18～1986/03/15沙田第一城,新輝建築公司,第五期第48座地盤.

西安旅行回來,揾食關係,無奈至電過4年前上司,就係1980年沙田第一城第一期,第14座舊上司黎華賓,當年佢做助管,現在以經大概係老總級.

安排下同樣沙田第一城,還是新鴻基期下新輝建築公司,第五期第48座,職位平水,日薪108元.

一做就一年零五個月,就辭工無做,期間難忘事.

跟我條友

跟我條友仔,夜間做保安,日間走來跟我做墨斗仔,可能夜更有得瞓掛,佢重話原本佢做開墨斗王喎?不過夜晚要返工,費事傷腦根,做跟尾不用孭鑊喎?

單車代步

嗰時我住得近,早午晚都踩單車返放工,中午還家裡煮埋飯食往返,衰野見我踩單車返放工,佢又學我踩部靚單車往返,鎖響第一城已入伙大廈單車位度,結果有日被人偷咗,得番個頭轆,興得佢紮紮跳.

電腦

條友嗰時有部電腦,可能玩到厭,借過我玩,嗰時叫做第一次接觸電腦,乜都唔識?叫做人撳我撳.

偷嘢

條友住美城,個大佬揸的士,屋企裝修,夜晚同個大佬,揸部的士來地盤偷地台磚,載到部的士車尾揼晒,好衰唔衰遇警察斷正,自此就無見佢返工.

賭錢

地盤終於完成,日日返工打咭,就無事做,唔炒大概留人,等收地盤開工?成班友日日圍住賭錢,搞到我孭咗個助管幾佰蚊債.

兩便收人工

一路係咁等,去到1986年3月3日,我外便揾到工,就係其士建築公司,黃埔地盤,連同跟我個墨尾一齊,於是乎叫跟我條靚,返工先行第一城打我倆人咭,然後返來黃埔開工,我就黃埔地盤打埋佢咭,就係咁二人收兩便人工錢,就係咁,結果打咗12日咭,第一城商場要開工,我倆就要取捨,結果放棄第一城,選擇其士建築公司,黃埔繼續開工。

3月19日(日)睡好,新抱B教會,水浸廚房,入馬場送藍芽,代新抱送票入場,新抱中馬4佰多,禾輋修眼鏡,晚飯4人食.

2023/03/19   星期日   晴   22C

昨晚趕埋編blog,12點前都瞓,睡前所?誰知一等成12點半鐘才有,搞掂才有得瞓.

夜所一劑,就今早0650醒,睡來唔錯,但口有啲乾,手機賴床.

餐後辦埋件事,新抱B出門教會,老婆就收洗晾,搞掂就換床單,兼夾收起兩張電暖氈,摺好我來揾盒入,入妥放好搞掂,以經12點多啲鐘,我亦係時候入馬場,誰知老婆浸菜,忘記關水制?搞到水浸廚房.唉!要幫手梳水,要拆開封好渠口梳水,最慘個新洗衣機,差不多無腳貼晒地,唉!為有盡人事,用布索得就索,搞到我出門以經差不多12點半鐘.

單車過到馬場1257,首要任務,要幫新抱幾張門券,揾人送入場,然後我才進場.

原來好多人好似我咁?好彩呀叔醒目,行前兩步,收券同收錢之間位置,成功送過兩張比人入場,其實好多人怕事?零願比10蚊入場,都唔敢攞?任務完成,就輪到我進場.

進場收了票就送打吡cap帽一頂,跟住投注有無線藍牙耳筒送,

入到去1301,剛開跑第一場,我都無你咁氣,嗱淋聯絡陳成,原來佢三個人來,我倆拍張照,佢三位坐不到一陣就走LU.

我就通知新抱,以經成功兩張票入咗場,叫佢記緊場外買番些少,投注10蚊好啦.

搞掂我就安心踱馬仔,還是以住一樣賭孖寶,頭關揾隻贏面高熱門,尾關一於大冷門,跑出來孖寶,一定要有一千以上.

唉!頭關大熱門一隻都咁難中?又點賭吖?賭咗兩場輸我30蚊,我都係咁先.

離開要等到第五場完?1445便走去閘口等離開,去到閘口見啲人,重係不停哋進場?連cap帽都派光,入場只派紙一張,日後指定場外投注站取?

見還有排等?我都走入室內遊客專區望吓?嘩!以前wifi區,現在遊戲區?有騎馬比賽,提供遊客玩,還有好多種遊戲提供,又賣紀念品,我係咁易行吓,都走回出便等離開.

出到去剛啱跑第五場,我就把握最後,拍段賽馬video,誰知手機無電,拍不成就等離場.

本來約咗老婆禾輋修眼鏡,見又晏手機又無電,於是至電老婆取消唔去,誰知老婆唔識接電話?手機除時無電,谷鬼氣call新抱代我通知不去禾輋.

在閘口等到1530才開閘,離開就單車回程,誰知踩到將近禾輋,手機還未斷氣?老婆就來電,唉!是但啦,就響禾輋二樓等啦.

去到禾輋鎖好部單車,對腳已經不是我的,趌跛跛的上到二樓,企咗輪唔係辦法?走去美心快餐坐等,又怕老婆到,揾我唔到?哈!電得番1%又會打得通?

1620老婆到,嗱淋去名視搞掂副眼鏡先?唉!眼鏡佬搞咗陣,話無螺絲啱喎?要放低過幾日來取喎?心諗?唔係嘛?咁大間眼鏡鋪無?第二副拆出來都有得換啦?唔知係咪聽到我心諗?後來終於拆第二副來替換.

搞掂肚餓,去食麥當當,老婆同我買咗個28蚊豬柳蛋餐,老婆斷食飲滾水.

吃過坐過離開,老婆又話行多陣,我就咪搞先行單車回家,返回單車場1750.

回家剛好1800,三口子在家,問聲新抱有無下注?說有喎,問佢有無錢收,佢話有中咗隻遨遊氣泡,嘩!好冷啵?派四佰幾喎,好嘢啵,原來佢搏爆冷,大包圍一場買好幾隻W.

跟住老婆返,買咗兩條黃花35蚊返.我都嗱淋沖涼,涼後平板上網寫今日blog.

2035斷食老婆開餐,

2116到新抱叫開飯4個人食.

生涯(25)失業旅行1984/09/25~1984/10/06.

 失業北上旅行

1984年9月15日離開源盛建築亦告失業.

老馬叫北上旅行,見橫掂得閒,而我什少旅行,乜都唔識?就跟隨老馬見識吓,1984年9月25日兩人孭著背囊,自由行北上西安,一去就十二天。

下來旅程難忘的有

兩條友孭著背包,由深圳上廣州,到廣州要買黃牛票,才得上一卡車箱,聽黃牛講這卡箱到長沙就甩卡,叫我們到長沙站下車,再補票繼續行程喎?

廣州妹

最記得火車在廣州還未開動?突然熄了燈,黑麻麻聽到面對兩個廣州妹對話,佢咁講?若有日能出外旅遊?一定去台灣,睇吓啲人係咪講得咁衰喎？

長沙甩卡 

火車到長沙真係甩卡?車站又鬼咁好服務?招代我倆在間房候車?還告訴我們,有啱火車到,就來叫我們上車。

逼爆車卡

到上到火車嚇QC,迫到爆,簡直難民一樣,插針不下?連櫈底都瞓滿晒人?先前以經有人教路,叫走去第13卡車箱,補卧床票喎?幾艱辛苦走到去第13卡,又驚打荷包,去到誰知硬卧爆棚無位?叫我們去餐卡等,到有才來叫我們喎?

去到餐卡,原來未到用餐時間,係不淮入內坐?好在老馬識做,整包煙過條友,當堂任坐唔嬲?條友廣州人,好好傾,還沖埋茶飲?條友一見有人走入來,就喊打喊殺趕回出去,等咗好耐終於有床鋪,我倆才有覺瞓繼續行程。

寒冷鄭州

火車到鄭州下車,嘩!車站人多到乜?好多瞓晒响地?個個著晒棉衫棉褲,我就凍到縮吓縮吓,鬼咩?我重係著住條短褲?走出鄭州車站,嗱淋去食個早餐,餐後返回車站買票,等車去西安.

等車期間遇見兩個香港女仔從西安到,叫唔好去喎?話西安落雨路爛不堪,塞車嚴重喎?而兩個女仔係從蘭州到西安來,皮膚乾到脫皮,但我倆無選擇,一於前往.

冷凍買衫

就係咁去到西安,一點唔覺困難,但係超凍,嗱淋去買衫,我就買咗件長袖厚底衫.

西安之旅

去過乾陵,兵馬俑,華清池,半坡遺址,華山,大小雁塔,洛陽,白馬寺,龍門石窟,最後關林廟,行程大多都係跟當地旅行團.

期間好多都忘記

兵馬俑

深刻記得兵馬俑,係不可以拍照,但我靜雞雞偷拍了好幾張.

華山

矇查跟住老馬,佢點行我就跟住,無異議,滾雪球下兩個男青年,一對青年男女,去到華山腳,原來要住一晚,才第二朝才開始上華山.

原來住宿有分男女,男的住上層一個大聽,當晚幾條麻甩仔,幾驚有人打劫,我們縮埋一堆,而個女仔就單獨在下層,真戥佢擔心?

翌日好彩無事發生,早上8點鐘,人齊夾錢請咗個導遊,就開始上華山,跟隨導遊係咁上,沿途好多挑夫擔住少量東西上山,大多是水坭,大約三分一包份量而上,沿途所見好多細細個石窟,大概用來落雨歇息用掛?又有好多小童,係咁跟住叫替你孭背囊,一路纒你好耐好耐,都沒放棄?又遇見抬橋的,抬到半途才講數?見到咁情況,乜都唔敢假於人手.

實在太辛苦,去到景點長空棧道,我實在行不郁,我放棄無前去看?就地等他們回來,繼續前行,上到華山頂晚上8點鐘,要住一晚,水源矜貴,每人得半壼滾水,一張床位,當晚諗晨早睇日出,可惜整晚下雨,日出就無lu。

早起來用簷前滴水來洗面潄口,這朝就看到好美麗雲海.

深刻景點見西峰頂劈山救母,真的有個好大鐵斧頭,而上便真的有塊大石劈開兩邊?奇景.

又南峰頂個天池,真係好微妙?個頂唔大,真係有個池?大約4尺乘6尺,水深約1尺,水源靠天落雨?天然定人工?真係不得而知?峰頂太高太險,不敢行近俯望,我要趴在地上,慢慢爬去看,腳軟畏高呀?

到落山封山,許落不許上,才離開華山.

龍門石窟

離開後大小雁塔,白馬寺,跟住就龍門石窟,石窟就大開眼界,簡直巧奪天工.

離開石窟開始思家,不竟拾多天,掛住揾食,老婆及仔女,都忘記去到什麼地方?那時我們還未散band,我就喉嚨痛睇醫生,個醫生見我們香港客,好開心係咁請教我們啲英文,啲友又去郵局寄信,人寄我又寄,結果回家好幾日,封信才到.

關林廟

最後係咁易去埋個關林廟,舉舉關公把關刀,就火車回程返港,結束二人12天西安之旅.