睡來唔錯,鼻無事,侄仔註冊觀禮海港飲茶,愉景新城之大,捧細華場唱歌,輸馬20,晚飯兩人食.

昨晚11點半鐘都瞓,夜所兩劑瞓到今早7點鐘醒,非常好彩鼻無事,鼻水只有些少,同昨日天淵之別,稍賴床7點多鐘起來.

梳洗好早餐搞好,正在開始食,突然電話響,旱有whatsapp視像電話?搞到我手忙腳亂,原來係大雞?全不懂智能手機的佢,話撳錯制喎?聊兩句都收線.
老婆瞓醒,上輪網餐後辧埋件事,0841量血壓148/73-52,今日老婆個二佬個仔註冊結婚,要去觀禮喎?都要執執個樣,刮刮啲鬍子,揾衫著?真大碌?大熱天時,邊有件好啲吖?揾輪都係T恤牛仔褲一度,話之佢.
搞掂衣著,刨陣馬仔,投注20元,1010係時候過沙田會堂,參加個侄仔婚禮.過到去1030,至電個女看到咗未?誰知話臨時唔得閒喎?話之你喇.
過到去婚姻註冊處,主人家以經到咗,以經在拍照,打過招呼恭喜一番後,便拍照閒談,1111夠鐘,要雙雙進入禮堂,係2號禮堂,便開始佢人生轉捩點,大個仔LU,
禮成交換過戒指,拍多陣照便去食飯LU,主人家要去到荃灣食,佢話嗰度好食喎?安排部旅遊巴,1225一行近30人,齊齊載去愉景新城隔鄰,間酒樓飲茶,大叫點心.

吃飽飽兩點多啲鐘,謝謝主人我同老婆都掹LU,行過隔鄰愉景新城,嘩!非常大的商場,從未來過的我,行陣開吓眼界,商場泡泡,90蚊一大一細45分鐘任泡喎?

行過略略睇過我都走.

1510離開商場,有美人送花?原來母親節快到.

荃灣白痴的我,還是行去大河道搭車,1538車到,樓上例牌老婆坐靠窗,我近走廊,坐定定搞手機之際,他媽的,突然個女人拿住個大紙袋,迎面前來,個袋角就係咁擦埋嚟?玻璃手的我,手臂針刺一樣?刺痛,個女人行遠後,手臂就立時現起一條血痕,唉!無仇報.

老婆話以後我坐出便,保護我喎?
4點多啲鐘返自己商場,諗住買早餐麵包,突然聽到好嘈雜唱歌聲,才醒起昨日細華來電,說今午會在商場會堂唱歌?叫來捧場喎?於是入去睇吓?嗰然一眼就見到佢,打過招呼後,坐吓傾兩句,下來還有兩首歌未唱喎?叫捧場喎,當然,跟住就睇到散場.

離開還有嘢派,同老婆意外每人份,有即食麵牙膏同江酥餅.

返歸5點半鐘,個仔同新抱在家,說今晚不吃飯喎,之後便出街.睇埋尾場馬仔,輸埋,今日又貢獻20,
埋頭寫輪blog,老婆追今晚食乜喎?嘩!乜已經8點半鐘?嗱淋煮飯,料有旅行買的鹹魚仔,粟米同條臘腸.

2106開飯同老婆兩個人食.魚仔又鹹又碎骨,麻麻,

江西龍虎山+三百山温泉酒店四天(3)回程 龍虎山~三百山

2018年4月20日龍虎山+三百山温泉酒店四天團

2018年4月22日 回程 鷹潭,余江金怡國際酒店~贛州,三百山熱泉河温泉酒店.

靚靚酒店一樣,瞓至半夜又係要醒,瞓不著例牌體育台睇波,望吓瞓吓,晨早點6點幾鐘醒.

梳洗好0727落餐廳早餐,早餐自助型式,落到去時間早?第一批早餐客,無位LU,行轉拍吓照,還好有客離開,有位了,重係個單對單靚靚位,早餐食物唔錯,種類都算多吓.

飽飽後0830便酒店門口拍吓照,環境唔錯,有靚靚噴水池,超級長房車,拍輪照返回房間,執齊行理0900便準時出發.

1122來到廣昌服務區,

團友鬆鬆及補充零食,老婆不例外,買咗包白瓜子5蚊同河魚干25人仔.服務區竟然有部有軍用水陸兩用車賣?

離開又繼續南下,瑞金北收費站.

1302來到贛州,瑞金市,這間紅千喜,食我們中午飯.菜式都係一般,尚算可以啦.

飽飽後繼續行程.

1526來到盤古山服務站,團友鬆鬆所所又起行.

1647終於來到我們入住地方,贛州市,三百山熱泉河温泉酒店.

由於首10位報名,升級入住500尺大床泡池套房,房間就在地下,房前有個天井式園仔,一個温泉池.

泉水標榜79度,小心湯傷.

放下行理,就要去會議中心,食我們晚飯,適逢有車,當然坐車前去,

菜料都係差不多,尚算唔錯.

飯後剛好同正小火車矇面位女團友聊天,大談內地人啲衰嘢?又話澳洲見到中國人點無品,又話日本所見點離譜?其實我都認同,我就講我所見,沙田碰口碰面說普通話,福田就相反?廣東話多過普通話?還有福田區所見,人們好守規舉,紅燈無車都不踏出一步?還有上次旅行,去時火車無位坐,讓我是大陸人,回程紅磡站同樣無位,讓我又係普話內地人,當然這是我個人遭遇.

吹輪水1815踱步經中間園地返酒店,第二次來這酒店,當然知頭知路,10分鐘時間便返回酒店.

返回房間當然第一時間洗洗個温泉池,池水勁熱,熱氣騰騰,放水須時,

又返回房間看電視,適逄佢,那年花開月正圓.

25分鐘時間池水灌滿,太熱落不到腳,又唔想溝凍水,為有又返回房間續看電視,

睇輪9點多鐘才來浸過,實在太熱,幾經習慣下,才能適應浸下,浸不夠10分鐘,頂不蒲又要起錨,就係咁浸咗好幾次,就洗白白上床休息LU.

  

今日旅程就這樣結束,  下篇再續.

掉轉瞓又OK,手機wifi又得,整朝寫blog,個仔倆放假,食大家樂,個來食飯,晚飯3個人食.

昨晚睇完馬仔11點半鐘都瞓,瞓前老婆嗌熱,唉!抽氣扇亦較好位,都話熱?不如掉位換位置瞓,我瞓內便,你瞓出來.

墊褥唔同咗,有點唔慣,幾日來瞓不好,一瞓就撻著,一覺就天光,個鼻又來料,還好呻咗輪瞓返?瞓到今早近8點鐘醒,收音機賴陣床都起來,床褥唔慣,瞓得腰梗梗,老婆亦瞓醒.

梳洗搞早餐,開罐昨日買吞拿魚溝沙律醬夾麵包,還是鮮奶麥皮食,老婆就沖咖啡,鼻水依然又要呻個早上.

食住早餐兼上網,哈!又試吓用手機wifi,連接電腦用,哈!又得啵?下次wifi失靈用手機搞掂.
龍虎山篇blog寫極未完?都要郁手寫吓.一寫又1015,老婆又虎視眈眈,唉!比你用到夠?量血壓130/70-56,辧大事.
11點多老婆上夠網,電腦唔用喎,唉!又等我來趕趕龍虎山blog.一趕不覺已經1點多鐘,原定去游水,都忘記咗?個仔蒲頭兩個出街,原來兩個今日放假,今晚唔食飯喎.
1344龍虎山第二天篇blog終於完成出得,老婆切咗個菠蘿,7.5蚊個又幾抵食.

1444係時候大家樂下午茶,老婆29我23蚊,

吃過坐夠惠康買早餐麵包9.9蚊,街市買個南瓜5蚊,生菜一棵3蚊返歸.

回家1628,老婆又上網遊戲,我就搞啲嘢,就係個抽氣扇個出風咀,
搞掂就揾吓正在收工華仔吹水,1814個女來電說上來食飯,好,
1830老婆上夠網,又等我來寫吓blog,
1738煮飯,料有粟米一條,南瓜半個,生菜一棵,臘腸一條.

1956飯熟,臘腸粟米南瓜飯,灼淥生菜,三個人食,飯後果菠蘿.