9月5日(二)睡可,精神差,個B病請假見醫生,老婆大圍買魚,整日在家,茶大家樂,晚飯4人食.

2023/09/05   星期二   晴   30C

昨晚11點幾鐘瞓,食粥關係,夜所頻頻,3點半鐘關冷氣,6點半鐘醒,手機賴床,9點鐘起床.

起來新抱B以蒲頭,本來今日個B返第二日學?話個B發燒咳請假,要睇醫生喎?我就如常搞早餐,老婆蒲頭,0930新抱B出門見醫生,餐前量壓,0953早餐.

餐後辦埋件事,精神差我又入房攤床,看能否瞓番陣?結果都係瞓唔到?1105老婆又話過大圍買魚喎?唉!你過到夠?

剛好一粒鐘12點鐘老婆返,話行路去搭車返喎?買來有煲湯瘦肉38蚊,牛蒡14蚊,白豆10蚊,魚80蚊同蜆20蚊.

回來就處理菜料煲落湯,1302老婆開餐.

老婆開餐,新抱B就睇完醫生返,個B食咗藥眼瞓就入房瞓,新抱就落街買餸,精神極差我?1415又嚐試床瞓過?今鋪就瞓著,1454醒老婆問落唔落街?見精神咗就同老婆行轉.

落到大家樂,晏來大把吉枱,27蚊食個雞寶包餐,老婆依然7蚊熱檸水,大家樂好佩服一班常客,個個90歲以上,有個重1百零幾?風雨不改日日聚埋吹水.

吃過坐夠同老婆上惠康行吓,行轉無交易返歸.

回家1630,新抱搞衛生拖地?為有同老婆攤床手機,到新抱搞掂後餵B食藥,唉!慘過攞佢命?個老母勞氣到不得了?唉!我都無眼睇?早點沖涼.

6點半鐘個返仔到,買有麥餐食,我就睇埋個新聞都入房平板寫寫blog.

2059開飯4個人食.

9月4日(一)睡可,頻所,頭昏,個仔假,個B病開學請假,游水600,淥麪食,補藥半劑,個女到,晚煲粥煎餃5人食.

 2023/09/04   星期一   晴   30C

昨晚11點鐘瞓,晚飯後竹蔗水多,夜所頻頻,6點多鐘醒,手機賴床,8點鐘起床.

起來老婆已起床,新抱亦蒲頭,個仔假在睡,本來今日個B開學,新抱話個B唔舒服請假喎,我就如常搞早餐,餐前量血壓,0901早餐,個B亦蒲頭,少許唔舒服咳同鼻水.

餐後辦事都係唔掂?期間0955老婆約咗個女去街,辦完件事,走去床攤吓,結果都係瞓唔著?11點零起來上網.

到1240都係去游水,1255單車起步,沿途單車徑都係樹葉,還未有人清理?過到泳池1310.更衣室搞掂,池面熱身,陽光普照,慢條斯理下1330下水.

100m100m的游,湊夠600m起水走人,更衣室搞掂1451離開,1515返回邨口.

回家1522,三口子出咗街,搞掂好游水嘢,1543煎隻蛋淥個麵食,吃後番熱碗竹蔗矛根紅蘿蔔水飲,1652沖埋半包補藥飲.

1728老婆同個女返,買有蠔仔20蚊同粉絲9.9蚊.

1800三口子返,個B見到姑媽背後,好細聲的叫姑媽?當正面確認到係,就高興到大叫姑媽?佢三口子返,我睇埋個新聞都入房,平板上網寫寫blog.

2107叫開餐煲粥煎餃5個人食.

9月3日(日)睡好,精神差,新抱B教會,單車走位放邨口,茶大家樂,惠康,街市遇新抱B,補藥半包,晚飯4人食.

2023/09/93   星期日   晴   29C

昨晚11點零瞓,夜所3就今早8點鐘醒,手機賴床,9點鐘起床,精神差?

如常烚水搞早餐,老婆蒲頭,跟住新抱蒲頭,個B還在瞓,新抱梳洗好沖埋涼才叫B起床,個B起床都算乖,自動叫早晨,0958早餐,餐前量血壓141/74-50.

1048母女教會,我才辦事務,真大鑊便秘?連續兩日?看來要食草餅?辦事不力?1100老婆落街買嘢,到返原來幫新抱竹蔗矛根料?買咗41蚊喎.

唔精神我就攤床瞓吓,唉!結果都係瞓唔著,兩點鐘一於起來,帶埋支機油,落街睇吓部單車.

過到單車場,紅白條依然欄住,於是嚐試行入去,迂迴曲折的行入去,又比我行到入去,部單車原整無缺?好小心的慢慢的,車前倒後的帶回部單車出來,才每個位加點機油,然後踩去邨口,單車位鎖好.

鎖好1423,時間唔湯水?做乜好呢?就坐響花糟樹陰下手機,見無wifi,於是走去麥記坐手機,以為老婆會揾我?到1515打電話比老婆,誰知老婆在等我電話?老婆才下來.

來到星期日麥記無特價餐,同老婆又閃去大家樂,大家樂1544要個28蚊米粉餐,老婆依然7蚊熱檸水.

吃過坐夠上惠康,1638惠康買三盒麥精維他奶30蚊走人,返回街市,我坐老婆買,咁啱新抱B到街市,老婆買咗40蚊菜,新抱買完,4人齊齊返歸.

回家剛好1700,個仔亦剛好返到,我都早點沖涼,涼後1728沖半包補藥飲.

藥後又床攤陣,7點多鐘才起來寫寫blog.

2041新抱開飯4個人食.

9月2日(六)睡可,精神差,蘇拉8號,個仔假,三口子街,我就茶大家樂,單車無事,晚飯4人食.

 2023/09/02   星期六   雨   28C

昨晚趕埋編blog成12點幾鐘瞓,夜所兩,瞓到今早成8點鐘,手機賴成9點半起床.

起來如常烚水搞早餐,衰豬跟住蒲頭,又乖啵,叫早晨,一蒲頭洗面擦牙乜都唔做,就劃劃?同嫲嫲話佢都唔聽?1048我都早餐.

餐後精神唔好我,要走入房攤床瞌吓.

2點多鐘三口子街,我老婆到3點幾鐘才出街行吓,離開屋企又兜去另邊,單車場望吓,嘩!欄住晒,風打到樹木斷晒下來,所有單車被啲殘枝樹葉冚住?哈!喱回部單車無梗都得?

行不得入去,響外便遠遠望吓都走,離開入商場大家樂下午茶,去到1540,晏來有度好?無乜人有枱,同老婆揾張靚枱,我就要個米粉餐28蚊,老婆7蚊熱檸水.

吃過坐夠1635走人,老婆先行返歸,我又再去睇吓部單車,去到好多斷樹枝欄住?無辦法行得入去,為有行上巴士站行人路,居高臨下,嘩!非常好彩剛好砸唔正,隔鄰左右都砸到,無事就返歸.

回家1650,廁所打風吹走條窗撐,就嗱淋用條木做撐番住.

搞掂早點沖涼,涼後1722至電過華仔吹水,一吹1820三口子返才收線.

收線後睇電視,到7點多鐘才平板上網寫寫blog.

2024叫開飯4個人食.

9月1日(五)睡可,蘇拉8號,個仔如常返工,打風整日在家,茶大家樂,晚飯4人食.

 2023/09/01   星期五   雨   29C

昨晚打風打風前夕,曬晾間上晒防風板,關妥窗11點零瞓,夜所三瞓到今晨7點鐘,手機賴床,0845起床.

颱風蘇拉8號一點料無到?無雨無風得靜字,如常烚水搞早餐,0930早餐,老婆才蒲頭.

餐後辦埋件事,新抱B蒲頭,瞓不好精神差我,又走入房攤床瞓吓,結果都係瞓不到?為有廳看電視,電視無嘢好睇,又返回平板上網,衰豬湊熱閙,又走入來攤床手機.

1315個仔放工返,買有百份百餐食,呃Q個衰豬有薯條食,衰豬才走出去,冇耐返回來,話無薯條喎?

平板上到冇電才起來,新抱搞炒飯,話啲蛋唔掂壞喎?後來新抱拿蛋落街去換?我就幫佢炒埋堆冷飯.

炒妥兩點多鐘,老婆見個仔話商場有開,大家樂同百份都有開?老婆叫落街行吓,橫掂悶悶哋,又落去行吓.

落到大家樂人就多,大多數買外賣?有枱就食個37蚊豬扒烏冬,老婆依舊7蚊熱檸水,老婆飲過杯檸水話上惠康睇吓有乜好買?我就繼續食埋個餐.

到老婆返,話得啲番茄,買咗36蚊蕃茄喎?同老婆離開就街市,35蚊買包三文魚鰭返歸.

回家1530,打風百無聊賴,就窗前睇風景,風平浪靜,一點都唔似打風?無聊就攤床聽歌仔.

聽吓瞌吓到4點多5點,風就來料有雨撇入來?跟住開始大風,大風到窗都開不得,越來越犀利,跟住曬晾間防風板吹到呯呯聲,廚房抽氣扇吹到罩都甩埋,新抱煮完飯,嗱淋揾塊月曆紙皮,暫時封住頂擋.

2123開飯4個人食.

飯後睇電視,到12點鐘才來寫寫blog,一寫12點幾鐘才瞓.