走轉南昌公園孭大袋返,瘦肉兩食一蒸一滾湯,隔夜竹薟食埋佢,兩人食先一留飯.

昨晚啪粒收鼻水藥,一覺瞓天光7點鐘,賴床8點多鐘,無鼻水終於有覺好瞓,日日如常食過早餐上輪網又10點多鐘,瞓好咗不如揾啲節目,近日FB見威龍兄,講南昌公園睇黃花風鈴木,不如我又去行吓,咁大個仔南昌街去得多,但到茘枝道再前就未去過.

風和日麗一於同老婆闖闖,落到巴士站11點鐘,剛好有車到,條巴士線左兜右兜,出到茘枝角道都成11點50分,落車沿南昌街向前行,從未來過這裡,竟然有間古老屋,原來係深水埔醫局,嘩!小有剩餘古蹟,個名重係用個埔字,犀利.

 

深水涉最多班馬線,六七間鋪就有條,街短無偈?

行穿南昌街便是通州街公園,咁南昌公園在那裡?

問聲小食停老闆,一指直行灌穿公園便是,深水埗即深水埗,公園零捨多老人閒人,不是聚賭便獨自瞓覺.

公園都幾長吓,行咗我15分鐘,終於灌穿通州街公園,過條馬路便是南昌公園.

可能來遲咗,花都落咗不少,若果兩傍樹長滿花,一對新人穿過就靚絕.

都係無謂發夢,賞花好過.

我只不過劃蛇添足,加多兩筆啫.

主角看夠又睇吓配角,都長得唔錯.

公園不大行吓賞吓坐吓,又返回這裡,

佢影我又影啫

3月15日的南昌公園

1點半鐘離開南昌公園,沿欽州街直上.

早前電視講天橋露宿者,原來這裡.

 

再行又係古蹟深水埗差館.

行到腳跛來到西九龍中心,上到最高揾嘢食.

 

老婆永遠都係辣嘢.

我就窩蛋牛肉飯,連湯28蚊,新法高速壓力煲仔飯,唔錯.

食完飯周威鱷吓,上一層唔知乜乜樂園?呀婆係咁入銀,啲票係咁疴.

我多口問句呀婆,好犀利喎,贏咁多,哈!我都唔識?我問佢一日玩幾多銀,?又贏過幾多?不過都知佢唔講,佢話有多玩多囉,無定喎.

離開西九中心行鴨撩街,條街都係呃人既多,都係睇吓多過買.

行到有老麥,幾大都上去坐吓,兩公婆各食杯雪榚,地區關係特別污糟,人流又複雜,乜人種都有,大概以經融為香港人LU.
食完杯雪糕坐夠,正離開剛好上層有間超市,又上去刮吓,超舊式,還以為番咗大陸啲超市,地方好大貨多到乜咁,走廊窄到兩人則身差點過不到,手多多又執大袋,比錢後好彩計計數,差點坤我10蚊雞,孭住大袋走人.

腳以經跛又孭住袋嘢,又罐頭又樽裝想唔C唔都難,沿南昌街行到石硤尾街市,才有車搭,返到歸以經5點半鐘.

 

攤唞陣落街買餸,買有枸杞菜7.5蚊,瘦肉10蚊.

 

今晚餐料有枸杞菜7.5蚊,瘦肉10蚊,鹹蛋2蚊,隔夜竹薟魚.

 鹹水蛋蒸肉餅.

竹薟魚碌

 枸杞滾瘦肉.

 二人食先一人留飯餸湯,今餐唔計隔夜魚,盛惠19.5蚊.

飯後果木瓜