凱利酒店三大自助餐兩天遊(次天)回程

2017年3月2日  凱利酒店三大自助餐兩天團(次天)

昨晚馬未跑完以經瞓著,一覺3點多醒咗,之後就瞓唔返,望住電視賴咗好耐,終於瞓返,瞓返好衰唔衰心醒人唔醒,掙扎好耐,比以往掙扎特別耐,心諗不會就此不醒卦?一額汗下終於扎醒,坐起來不敢再瞓,不竟都係瞓返,咁就瞓到今晨7點鐘,老婆拍我才醒.

賴咗好一會床,梳洗好辦妥一切事務,早些8點多鐘,落地下餐廳早餐,由於午餐11點半鐘食,早些食有著數.
 8點40分來到餐廳,招乎唔錯,叫晒早晨入內,由於早餐團友時間不定,導遊無安排我們坐位,

同老婆坐近窗位,早餐料都唔少,捧著個碟真係不知食乜好,都係盡量少肉少包點為主.

食過早餐嘆至近10點鐘,服務員來温馨提示,快將結束要食就攞,10點鐘離開餐廳.
返回房間攤唞吓.
攤夠11點鬆啲鐘,執齊行理落大堂,行理放在酒店預備好地方,距離午餐還有點時間,

同老婆周圍拍吓照,

11點鐘LU,又進場砌過,

品嘗期間,留意到叫疴到呀媽唔認得位團友,原來係男人嚟,唉!連我都驚起來,魚生都係免,見導遊來同個疴者說,成兩點鐘才出發,還有時間,不如同你去看醫生啦,導遊算係咁,怕有事起來大家都影響?
又觀察到鄰枱對老人家,食量真係驚人,自問真係拍馬不及,最令我著意?佢帶埋支紅酒來,見有支紅酒,我就借意搭吓訕,我同男的講支酒,你一個人飲定兩個人,佢話老婆都飲得架,不過今日佢無飲,一傾就好多嘢講,又講吓報團心得,佢話報團全部係個女同佢攪,上網報咗名,兩老就自動出發,本來不是來這團喎?不成團才來這團喎.

其實有啲係比較難食,肉類,帶子,墨魚仔,韌到不堪,何能我假牙卦?其餘就真係OK嘅.

吃過坐夠聊夠,1點50分係時候離開,車開動導遊例牌提示,檢查有無遺留嘢,哈!果然有大頭蝦,唉!又係個媽咪下車去攞,我同老婆講三口子,何解大多數都係媽咪?

開車不久終於有損失,還差3個月22日就足10年既老花眼鏡,終於敵不過歲月,爛咗LU.

無眼鏡下,3點08分來到堔圳南山區,最後一景點,南頭古城.

門口右手邊就係關帝廟,
 
香火鼎盛,夠正氣.
 

 



 
認真神心,

 

離開關帝廟向前行,兩邊好靚既花園草地,

好快來到個城門入口,

入城住宅臨立,

係個舊城區,

人有三急,老婆嗌水滾喎?問句導遊,說要返回入口才有喎?團友補充句維修呀,咁就大鑊鳥.

還好找兩找,見到這服務中心,不過要撐上三樓咁高,終於解決鳥.

放下些都係時候回程.









新安烟館,



個個攤響度吹,想唔亡國都幾難?



巷窄樓梯窄,十足當年九龍城寨








行到出來,剛好4點鐘,又繼續回程.

4點23分來到堔圳口岸,部份團友886.

行車相當順利,24分鐘,4點47分便來到尾站水圍.
凱利酒店三大自助餐兩天團,便完美結束.

由於口岸禁區,車要停到水圍隻船位置,見時間尚早,行又遠,不如行轉人人樂,到時福民搭個站車走還化算.



超市只行副食品,



行轉買有蝦皮4.7蚊,麥包5.8蚊,豆干10.3蚊,豆卜4.7蚊同碗豆苗4.8蚊,合共30.4人仔.

買完6點04分,福民搭個站出口岸.

18點18分福田口岸這裡嘟一嘟慳3蚊,便過關返歸.

回家才7點半鐘.