河源福盈門温泉酒店+惠州巽寮灣海皇星酒店三天團(團費299+小費180元)

河源福盈門温泉酒店+惠州巽寮灣海皇星酒店三天團(首天)

2017年9月14日

望穿秋水終於到出發日,昨晚旅行前夕,睡來算唔錯,10點零都瞓,晨早6點鐘醒,梳洗好早餐埋,執齊行理0720出門,落到街無遠摷吓個袋,神棍呢?老婆話無咩?老婆話我上去攞,咁我就過火車站等,後來老婆來電,說無啵?唉!原來發雞盲,響個袋內.
0740老婆到,便一同火車到大圍站轉車,一上月台剛啱有落馬洲車到,人多無位坐,都有位女仕讓坐,可惜距離對面太遠,為有碗拒,一直企到上水站,才有位坐吓.
0820以經到落馬洲站,距離集合時間還有粒多鐘,同老婆站內坐吓wifi吓,到0900才過關.
好順利0907以經步出口岸,同20號旗報到,但20號旗還未到,要等到0920才到,導遊姓張女仔,黑黑細細粒,點好名還差兩個未到,要去到0934,終於人齊出發.

還是以往一樣要行10多分鐘,來到水圍,才有旅遊巴出發.

整團50人,有10人party,有9人party,其如兩個4個之類,有一個單身男.
0945開車,1121來到行程第一個景點,海天堂.

入到去首先參觀餋龜場,規模不大,有龜池,所謂餋龜地方,跟住經過劏龜工場,但又無人劏龜,
行出無人工作工場,來課室聽講座,有片睇,鬍鬚佬講解龜成長,苓膏制做同功效,還有每人一盅龜苓膏,凍熱任揀,聽完講座吃過龜苓膏,就海天堂超市,嘩!出乎我意料?都幾多團友幫襯.

買完就二樓食飯,菜就粗粗哋,相當份量,湯就無啦,夏枯草兩枝代替.
飯後我忘記咗支夏枯草,又勞煩老婆走上二樓攞,結果兩支回來,原來有支係團友,變相幫人一把.

1300繼續河源進發,

1400來到行程第二個景點,大型超市.

超市之大獨行副食品場,望吓價格有點失望,係稍貴一啲,正諗住買不買之間,突然有人話,喱隻好抵買,好好食好難得這裡有,而且又平,見佢部車仔,嘩?十幾罐?於是埋去睇吓,貨架成層,唔見咗大截?有辣有原味,辣味無咗大截,價錢15特價10.6人仔,唔執輸我,執咗三罐試吓.
續後聽吓團友意見,又買咗些其他,合共55.1人仔.

離開超市繼續向河源進發,

1705來到河源市紫金縣九和鎮幸福村1號,福盈門温泉酒店.

分派了房間8518,房間真係唔錯,房間好大,好新好乾淨,

房間尾有個温泉池,好先進,有支壓力水槍,方便清潔池仔,有個水錶,拍咭兩次温泉水用.

看過房間稍休息便酒店二樓晚飯,

到埋席有兩個團友遲到,沖沖的來,滿頭大汗,坐下猛嗌好熱,問可解咁熱?原來剛浸完温泉趕下來,話泉水好熱喎?問佢無溝凍水咩?佢話梗係唔溝啦,原汁原味嗎?
唉!嗰廿零分鐘時間都唔肯嘥?趕頭趕命都要浸?重要熱得咁交關浸?成晚溜溜長,還有明天一個上午,咁又何必呢?之後我才找到個活動窗,一開大家都話正.飯餐餸菜就麻麻,哈!連饅頭都有?

吃過柜枱有嘢賣,客家黃酒喎,賣到100蚊支,呢啲環境邊有平嘢吖?同老婆一於外出行吓.
鄉效地方,無嘢好睇,行個圈便返回酒店.

大堂拍個照都返回房間,來時拍個照,回房時拍照,
紫金縣九和鎮幸福村,的日與夜

返回房才1750,大把時間,洗淨個池,浸温泉LU,出水相當快滿,15分鐘以經注滿12寸水,

係咪好sweet呢?

就係咁浸吓唞吓,10點零鐘早早便瞓,3點多鐘醒醒,望吓電視又瞓過.

就係咁結朿首天行程.

下篇再續.