江西龍虎山+三百山温泉酒店四天(2)龍虎山 下午,

2018年4月20日龍虎山+三百山温泉酒店四天團

2018年4月21日 龍虎山下午 棧道~花語世界~金怡國際酒店

吃過中午飯1400返回龍虎山境區,又要憑票返回景區,持票進場.

 同樣剛才懸棺表演個碼頭落船,國內團太多,通通尖得就尖,有大隊人馬尖,有尖個一個尖,總之混亂不堪,工作人員喝罵不停,時不時同打尖客嘈大交,大條理由的打尖. 

幾個打尖客在等候機會,工作人員守住,見幾次趕雞仔的趕,中國人劣性無得改?

終於落到船,過對岸上船,1435集合好又起行.

人山人海

行完斜行梯級,

 大約行咗20分鐘上到來,坐環保車站地方,太辛苦,我都要坐吓唞唞.其間同圍條肥佬上到來,同地陪報到,睇住佢站不住腳,差點倒下來,嚇得我一跳.

導遊就在這裡宣報,有誰不行棧道,就分兩路,不行的就跟導遊乘車去花語世界,行棧道的就跟地陪行,個心在考慮緊,?已經咁辛苦?行唔行好呢?後來都係C就C啦.
大約有5,6個團友不行棧道,誰知一行出條馬路,旅行團隊等候車,話多唔多,連我們有三個團咁上下?工作人員指示我們團排中間,不知有意定無意?環保小火車就停在我們團隊面前?而上下兩邊大陸團,一窩蜂擁過來,打仗一樣.

當我正踏前上小火車,竟然有個半個身上了車女人,用手攔住我,拉我左手便兩位團友上車,我一望原來14人大party個女人?拉佢party中兩位朋友上車.
個心打咗個特?見自己友當然讓一讓,之後心諗有無搞錯?咁樣為自己友?有無咁自私呀?就係咁火車一行4個位,我同老婆就上不到車,為有搭下班車.
下班車一到,同樣打崩頭,一樣咁多內地團湧上,同樣車就停在面前,一行4個位,老婆上第二個,第三係內地人,我第四個,剛好滿咗,而同枱位男團友跟著我,就無位LU,有見及此,我就同老婆講,坐埋啲,老婆話個女唔肯呀?個女人有條巾矇住面,我就夾硬一迫,實在很窄,團友想退回去之間?我話唔怕啦去,好快到,可能頭個女褪一褪,團友才坐咗落來,後來一睇他媽的?原來嗰個女人係佢老婆.（掉…香港人?大陸人?）

7分鐘車程上來,象鼻山東站下車.

又要持票嘟QR曲入閘.

唉!邊有時間了解張圖吖?又繼續前行.

1512來到這裡,便開始龍虎山棧道之旅.

抬頭看看這個景,象鼻山觀景台也.

行咗我12分鐘上到來,以經攞我命了.

唯一一個所謂觀景台擠滿人,

唉!原來被收費影相佬霸佔晒,

嘥氣,求其則近拍番兩張相我都走.

棧道平坦係好行,但腳不靈我,就難得多.

極之辛苦下,捱到這裡,沿途一個團友都無見,心諗不妙,肯定尾過邁亞尾,都不敢怠慢,相都少影咗,就係咁行.

來到這裡見到車路,相信都差不多卦?

誰知又要落樓落梯,

以為行到差不多到啦卦?誰知轉個彎,又一個大山谷.

人頭石喎?其他景點乜名堂?我都無時間去了解?求其拍張照又繼續走.

偶爾迎面來遊人,問聲還有多遠終點呀?一句話快喇?又篤著拐杖繼續前行.

C捱爛捱,1658終於見到這個畫面,浴仙池站,亦是棧道終結,

真係好開心,地陪以經在這久候,說我們是最後兩個喎?
多口問句?早我一批到?是什麼時間?15分鐘前喎?唉!咁都好啲,不算太離譜.
回來一算?1小時47分行畢這條棧道.

稍等1700環保小火車到,下個景點花語世界.

3分鐘車程便來到花語世界,其他團友老早觀賞完,坐埋一邊休息,導遊話半小時要集合喎?

咁就嗱淋行吓,經棧道一行,重邊有能力吖?
求其附近行吓影幾張相算,好衰唔衰不時下雨,大大粒,又要走回大門口避雨.

就係咁1730集合去食晚飯.

步行廿多分鐘,來到這間叫龍虎大院食飯.
喱餐又幾特別?每枱有啤酒兩支,雪碧一支,又有包食,較為特別係包夾扣肉,唔肥膩好食.



胃口差我,飯無食,剩係食咗啲包算.

大約半小時車程,來到酒店附近,見有激光閃閃,大形音樂噴水池,正在激光投射表演.

1925便來到這間金怡國際酒店.

導遊派房完畢,我就問句導遊,訊息講,話無咗歡迎活動,會有土產茶餅一份?導遊話有,在車上臨尾才比過我們喎?跟住又話你有個按摩器,等陣查房我比過你先,等你舒服吓,好不好?當然好啦.

派了房咭上了房間,又幾靚,夠新淨.

開放式廁所同浴室,磨沙玻璃門兩度,若隱若現,哈!同住兩條麻甩佬,就尷尬LU?

果然導遊查房送到.

按摩吓又幾棧鬼.

酒店附近有大型表演,實在太累,無能為力,食點帶來餅干,洗個白白就上床,電視備瞓LU.

就係咁結束今日極度艱苦之旅.     下篇再續.