睡來可以,腳痛20日,情況好轉,整日在家,下午茶大家樂,老婆過大圍買餸,同華仔吹水,晚飯4個人食.

昨晚11點鐘以經上床,上床只不過手機YouTube 還是華人移民史金山客-天使島,套片差不多完,都係頂不住睡魔,瞓時都差不多12點鐘.

夜所兩次瞓到今晨0620醒,瞓不返收音機塞耳,7點鐘倫敦bbc時事一週,聽至0820起來.

老婆以醒早餐完在電腦遊戲.

梳洗自搞早餐食,整件芝士蛋冶,鮮奶麥皮食.

餐後電視輪0926量血壓130/74-54,腳痛20日稍好,幾步還可以,多些還是要拐杖篤篤篤.
10點半鐘華仔來電吹水,一傾又11點鐘,老婆上夠網又輪我來上,潭美似乎直吞日本之勢?聽講風力強過早前飛燕喎?唉!多災多難.


youtube睇到佢陳佳,好嘢,果然不是" 似"咁簡單?係有食力的.
https://youtu.be/3Fo9MDgJOVo

3點鐘老婆催叫下午茶,咁就篤篤篤落大家樂,大家樂遇著個仔放工到,個仔買餐返歸同老婆食,我同老婆就堂食,老婆31餐我都係.

吃過老婆話過大圍買餸,我就繼續手機坐.坐夠就走出單車場望吓,單車就爛硬,啲樹木垃圾以清妥.無聊至電過華仔,看他有什麼攪作,說正出門踩兩轉單喎?問我又搞什麼?我話唔想返歸在樓下坐囉,佢話過來吹水,好.
咁就走去平時最好風最寧靜地方坐,坐坐吓唉!竟然來個老人家,拿著個手提唱機,開到極大聲,拆晒聲的,唱60年代好熟悉英文流行曲?唉!大煞風景,乜mood都無埋.

華仔到又傾輪偈,又問手機如何截圖?我話個個牌子唔同啵?小米真係唔識?試過好幾次不成功,我就為有同佢揾揾高生,嗰然搞掂,唉!其實手機嘢可以問吓個仔囉?個仔都讀完中學?唉?聊到6點鐘佢續去踩單車,我就返歸.
回家老婆已大圍買餸回來,已經在電腦遊戲,稍後畀過我用,咁就上網寫寫blog.
7點鐘電視改革四十年,又想起當年1980年從事建築,大埔康樂地盤,公司同大陸公司合作,當時香港派1人,大陸1個人共事,上頭分咐我做一次後,大陸拍擋再做1次,話穩陣唔會錯喎?真搞笑,好明顯係向香港建築取經,最為好笑係當時落石屎,揼車壞咗落石屎不成,拍擋就咁講,我們內地就無有咁麻煩,我們工人將石屎担上去落,就萬無一失有喎,唉!你話當年大陸幾咁落後,38年後今日香港,你還是咁有成見,就無話可說.
8點鐘老婆叫煎豆腐,唉!就等我來啦.

乾煎豆腐.

老婆蘿蔔魚松,煮太乾

灼淥菜芯

2028開飯4個人食.

早瞓睡來有夢,腳痛19日,早餐大家樂,下午茶麥記,晚飯4人食.

昨又youtube又股市奔波咗一整日,累到不堪,10點半鐘都瞓,瞓前發現窗前月光好亮高高卦,望陣都瞓,一撻就著,成晚分兩段瞓,頭段瞓一覺兩點多醒去所,二段稍難下都瞓返著,咁就1一瞓就今早0815醒.

每段發咗個夢,頭段個夢,少有同呀偉在馬場買黃牛票,呀偉買咗,到我買時條友坐地起價,由15.5元要我17元,谷氣同佢週旋,結果我需求無奈付17元,就醒,

第二夢個就忘記咗LU,0815醒聽陣收音機都起床,老婆亦同時起來.
起來老婆梳洗,我就著腦寫下今早事,免得忘記,梳洗後9點鐘同老婆大家樂早餐.
還是篤篤的慢行去,似乎比昨日好了點?大家樂好旺場,幸好找到個單對單好位,老婆30餐我25餐,冷氣迫人下吃過坐夠都走人.

行出商場遇泳池員工,又話腳痛開不到工喎?見大家腳痛?又了解吓,便叫老婆先行回家.倆條友找個位置坐下慢慢傾,傾吓大家啲病痛歷程.

返歸1045,老婆已在電腦,我就手機+電視,電視到1314量血壓129/79-48.一點多鐘老婆上夠網就等來,網上睇吓個風潭美?嘩!似乎直吞日本?
網上圖片

又佢印尼蘇拉威島地震海嘯?唉!一片慘況?
網上圖片.

上陣網兩點半鐘未夠?老婆又催促下午茶.下午茶食麥當奴,一包一餐一汔水45蚊,

吃過坐夠,老婆上惠康,我就商場坐等,回來齊齊街市買餸返歸.
回家1549,買來有麵包9.9蚊,孖裝芝士53.9蚊,茄子5.5蚊韮菜2蚊同豆腐5蚊合共76.3蚊,

回家老婆處理餸料,我就話之你上網.個仔夜返老婆夜煮.
2056開飯,有藥包老火湯,韮菜豆腐,腐乳茄子,3個人食1夜返留湯飯餸.

瞓得好,腳痛15日,整日在家,下午茶大家樂,晚飯4人食.

昨晚八月十五,,在看不見月光下,食過月餅12點鐘瞓,一覺6點鐘醒醒,收音機塞耳下,矇矓瞓到8點鐘醒,相當好瞓,起來還痛,還是趌跛跛的梳洗,老婆亦瞓醒.
上陣網老婆煮好佢杯咖啡,還有我既麥皮,咁就開餐,我就捱我節後月餅.

餐後老婆電腦,我就手機+電視,
youtube睇到條片,係建築中塌樓面,一生建築奴既我,當然分享有關建築上朋友看看,哈!youtube無厘頭片,嗰然有個frind回應?話...大陸時時有發生,好平常喎?咁好嘢?一估就知大陸事發地?
我話啲人似黑卒卒啵?似南亞裔多啲喎?佢就話大陸兩層係咁起啦,我就話落後國家處處都係咁建造啦?





後來施展我啲鍥不捨精神,掉...原來係印度,唉!香港人心態,大多數都係咁?再抽絲剝繭,睇吓條片日子?係今年8月19日中午13:22,放大啲再睇?嘩!好落後啵,田螺機仔撈石屎,咁既機升降機落石屎?唉!我60年代入行都未見過?

一點多鐘,老婆上夠網,就輪到我來寫寫blog.
成3點鐘同老婆落大家樂下午茶,趌跛跛的似乎好點點?老婆28我29餐.
吃過坐夠老婆去買餸,我就邨外最風涼處坐等老婆.

老婆到坐陣又話煲湯返歸喎?唉!走就走啦?正起身之際萬昌就電話到,咁就老婆先行返歸.
唉!霎眼萬昌已經4年多,得個頭,得個腦正常外,其他全部都廢的?咁情況?摷都摷啲嘢同佢傾吓偈啦.傾輪問好偈返歸.
回家1644,個仔返咗來,老婆又快一步霸咗部腦,我為有電視+手機.6點多鐘老婆才離開部腦,又等我來上上網.
8點鐘老婆煮妥飯,開飯三個人食1夜返留湯飯餸.

一覺天光,腳痛14日,整日在家,下午茶家樂,晚飯4人食,夜食月餅.

昨晚11點多都瞓,一覺今早7點鐘,相當好瞓,收音機賴床到8點鐘,老婆瞓醒同時起床,腳依然痛,似乎好點點?老婆出門,我就番熱埋最後劑木耳上網食.
中秋節whatsapp訊息傳來傳去,又湊吓熱閙,搞搞意思,一搞遲遲才弄早餐,餐後1015量血壓136/72-61.
上輪網盍輪眼睏,1點多鐘老婆返,回來又候來住部電腦,見大市跌到唔清唔楚?不如睇吓有乜平嘢執啲好過?落個盤後,唉!你玩到夠.
去到兩點幾鐘,老婆才關機下午茶,我又趌跛跛的,跟住老婆商場食大家樂,老婆28餐我31餐.

吃過坐夠老婆買餸,我就手機等老,唉!先前仙個盤差一仙?唔到就唔到?得失焉知非福?是但啦?老婆返齊齊返歸.
回家4點多鐘,老婆續電腦我就手機+電視,呀茂整餅又P吓圖.

2122老婆飯好開飯,4個人食.

夜中秋節賞月食月餅.

中秋節

晨早瞓,睡來ok,腳痛12日好轉,早午大家樂,單車盡毁,輸馬20,齊人中秋食餐飯.

昨晚無所事事,10點鐘都上床瞓,夜所一劑便今晨0600醒,去個所收音機賴床,一賴0730起床,老婆同樣.
早餐無著落,為有大家樂,腳痛似乎好些,慢慢篤落大家樂,老婆買餐佢30我29餐,

吃過坐輪老婆買餸,我就單車場昅吓部單車?無囉,軚頭屈曲,個藍扁咗,頭义攣埋,條鍊甩出,唉!好明顯畀棵樹兜頭扑中,玩完.

昅咗輪部單車返歸.
回家10點鐘,老婆買餸亦回來,買有洗髮液32蚊,三黃雞隻52.9蚊,雞腳7蚊,豬展40蚊同薯紅蘿蔔10蚊.

回家老婆處理煲湯烚芋仔,我就辦我事,1130量血壓133/75-59,個仔郵件到大概又係模型卦?

1115老婆芋仔烚熟.就電腦佢遊戲.

我就食隻芋仔為有看電視,特首高鐵首航又12點多鐘,星期六跑馬,想話電腦刨吓馬仔?老婆又話busy放不下喎?還好頭兩場跑沙地,去到1點半鐘老婆才放手,我才來踱踱馬仔.
3點鐘投下20元第五口孖寶

頭關跑第二輸埋,趌跛跛同老婆落大家樂下午茶.老婆28我31蚊,

吃過就手機樂,朋友明天返重慶過節喎?咁就祝佢重慶月團圓.

坐陣就街市買斤生菜9蚊返歸.
回家5點鐘老婆處理今晚餐餸,有抆牛腩,豉油雞,

我就繼續睇跑馬,一於唔賭輸少啲.7點多鐘啲友陸續到,2122人齊開飯6個人食.

睡來尚可,有夢腳板抽根,腳痛第9日,下午茶食外賣,整日在家,老婆過大圍買餸,消炎藥第6粒,晚飯4人食.

昨日覆診趌跛跛的行餐我C,夜10點多鐘都瞓,太辛苦成晚轉轉則則,右腳板又痛又抽根,睡來又有夢,瞓吓醒吓瞓到6點多鐘,收音機賴床到8點鐘起來.

腳經過昨整日勞碌,重更加痛,連床被都要老婆來執摺,起來獨係梳洗,其他都係老婆來,餐後0937量血壓142/79-55,老婆就上網遊戲,我就梳化攤唞.
兩點多鐘老婆叫去下午茶,唉!咁痛點行吖?無謂一傷再傷,都係唔去,老婆見我唔去,就外賣大家樂,老婆火鴨米餐28,我就义飯餐29.

吃過老婆話來要過大圍買餸,唉!你去啦,諗吓諗吓?不如又食粒消炎藥,看吓有無奇蹟?

3點半鐘老婆身水身汗返,買有抽子兩隻26蚊,薑同粟米10蚊,節瓜11蚊,鹹蛋10蚊,瘦肉16蚊,.豆腐3.5蚊同魚胶10蚊,合共86蚊,話係行路去行路返,豆腐撞到散晒喎?

2014老婆飯妥開飯,3個人食,1夜返留湯飯餸,

失眠未瞓過,腳痛第8天,早餐大家樂,趌跛跛心臟覆診,午茶麥記,晚飯三個人食.

昨晚11點半鐘都瞓,0200醒,去個所就瞓不返,出盡百寶都無辦法?就係咁閉目到6點多,再次去個所就收音機賴床,8點鐘都起來,老婆亦跟著.
早餐無麵包,腳繼續痛,等陣又要心臟科覆診,唉!都唔知點去?
差不9點鐘帶埋覆診所需,趌跛跛的同老婆落大家樂早餐,實在太辛苦,根本靠支拐杖撐著,一步一步的撐去.
風後第二日依然咁多人,難揾位?少許滴水位都要照坐?老婆30餐我25餐,吃過望吓個九巴app,23分鐘會有車?唉!覆診1030,早些出去穩陣啲,成半小時一班車,走雞就大鑊?
趌跛跛出到去,九巴吉車排長龍,職員幾個在指揮,原來車來到這裡,到此為止,要掉頭喎,等咗好一陣0942有車到.
過到李家誠診所0955,腳痛唔想行,便叫老婆去威院嗰邊卦號買票,我就響藥房度坐等,老婆回來盛惠80元卦號費.上到1/F叫老婆去交覆診單,誰知老婆話不用交覆診單喎?就咁等叫名見醫生喎?原來6月1號開始不用此手續.
大堂坐見量血壓排長龍,又叫老婆代我輪住先,老婆話真正做咗菲傭,倍診要收費喎?唉!排啦?排到差不多,我就來量血壓,唉!好失望157/84-68無眼睇?
返回位坐等叫名,大約20分鐘1042,就叫到名,5號房等見醫生,等咗一個病人,11點鐘便輪到,是位女醫生,覆診咁多年?女醫生什少見,好細心,話抽血乜事都無,無糖尿,肝腎膽固醇樣樣正常,我話好彩無有錢佬病?佢話有錢佬才無呀,樣樣食有機食,食健康食物,反而窮人有,食埋啲平價有毒食物,咁又係.
跟住比本血壓薄過佢睇,解釋過佢知,有時兩隻差距好大,佢話通常我哋計高嗰個?老人血管係差喎?我又話天泠高到得人驚?幾次要去看街症,佢睇過我本血壓薄,讚我詳細,叫我繼續.
佢話上次你要傷風藥喎?今次要不要?我話不要.見佢問及傷風藥,不如話佢知對腳事,游水過累對膝痛,第二日夾硬行,行到傷晒?現在痛到唔行得,佢睇過撳過話應該無事,不要游水住,休息輪才游,不如比冬青膏過你,我話屋企還有,咁就比啲paradac止痛藥過你,又好啵.
佢又問俐底丸無攞好耐,要不要呀?我話還有唔要,我嗱淋拿出來過佢看,爛容容個盒佢一睇?同我講2018/10到期啦,我話一比就幾樽咁多?唔用好嘥唔要?係就比以前嗰隻噴劑,佢話好啦,就比噴劑啦,其他照舊喎?醒目的我怕搞錯?嗱淋比上次攞藥啲手機照過佢看,佢話好細心,對過藥無錯,話下次不用抽血,接過藥單預約紙,多謝一句走得.
地吓藥房取藥,我就揾位坐,老婆替我搞,老婆交費回來195元,然後去廁所,我就睇吓睇吓唔對路?唓?藥單都無交過藥房?何來有藥來攞?又要我趌跛跛去藥房交單.老婆回來我話你點做嘢呀Mariane?合約滿踢你返印尼?
一等粒多鐘,1224才輪到,拿了藥行條超長威院走廊,行咗半才後悔點解唔李家誠嗰邊搭的士走呢?行吓途中坐吓,行得我CC,1244才出到巴士站.

返歸1300處理好啲藥,老婆電腦遊戲,我累得要命瞌眼睏.

電視+瞌眼睏1500出街下午茶,趌跛跛的搖吓搖吓行去麥當奴,一包一餐一汽水40元兩個人食.

吃過坐陣老婆買餸37蚊早餐9.9麵包,我就麥記坐等老婆返,然後返歸,返到門口,鄰舍見我趌跛跛多天,就贈我藥膏,盛情難卻接過試吓囉.

回家1630,長長的blog為有慢慢寫,6點多鐘啲友續繼返,個仔回來嗱淋沖涼,話有人請飲就出街lu,夜1958老婆煮飯好,三個人食.

飯後果士多啤梨.

防風設施,腳痛難眠,10號風球,入住34年打風未驚過,山竹真的嚇C,中午煮麵食,晚飯4人食.

昨晚臨瞓前,曬晾位上防風板,上妥又輪到㕑房個抽氣扇0隆位,趌跛跛的為有叫個仔幫手,臨急臨忙,用我智慧,拿塊差不多尺寸膠片,鋸條棍,又用個嘜仔,鎚鎚啱尺寸,攝住頂住當,至於穩不穩陣就天曉得?交帶個仔係未瞓著,就久久望吓啦,搞掂2340我都去瞓.
半夜去個所,望望廚房防風設施,風無滴雨無粒,就係咁轉轉反則的瞓到7點多鐘,腳痛瞓不好,8點鐘起來老婆亦跟住,梳洗後腳痛關係老婆幫煮早餐,

餐後老婆又用咗部腦,去到0955去辦大事,嘩!啲風才來料,嘭嘭聲呼呼風,咪話唔驚?嗱淋了事出來周圍昅吓,

一條木一個罐攝住

由於家廚房向正東南偏南,首當其衝,還好昨晚所建做設施還頂得住吓,但打風墻壁滲水,就繼續滲漏,

漏水都係小兒科,到我向東正面窗,現在我才知驚?若果偏南就一定吹正,幾拾年來打風未驚過,今次迎面吹正東南偏南,鋼窗睇住佢震吓震吓係咁熬?窗玻璃都吹有樹葉?現在來講無嘢好做?等個風快啲過,就阿彌吉帝.
見個風咁勁,就赤著腳趌跛跛的,趌去屋前屋後拍番條video,經過走廊都要等風等時機,稍細就急急腳走過,屋前屋後差天共地.
屋後

屋前

回來唞順條氣,唉!當年今日福盈門温泉+海皇星酒店三天,撞正山竹颱風,唉!分享咗兩日,唔通就咁爛尾?唉!C都C埋佢,執執篇blog成兩點鐘才發放出去,終於了件事.

3點鐘下午茶都不用旨意,就同老婆淥兩個麵食,

吃過麵唔係上網便窗前睇打風,4點多啲鐘,茂茂樹林變成光禿禿?

山竹終於竹走,安樂晒.

1954老婆煮好飯,開飯有糖醋骨,椰菜蝦米粉絲,蒜頭豆豉煮蕃瓜.

4個人食.