河源福盈門温泉酒店+惠州巽寮灣海皇星酒店三天團 (三) 惠東>>>>福田口岸 完結篇

河源福盈門温泉酒店+惠州巽寮灣海皇星酒店三天 (三)   回程  惠東>>>>福田口岸

2017年9月16日

昨晚須然好早瞓,但睡來好差,冷氣好Q凍,較極都係21度,個鼻頂佢唔順,鼻水積聚頂住醒,瞓不返為有望電視,就係咁望吓瞓吓,到5點多鐘,

太辛苦為有落床,走出露台望吓風景,四周全是地盤,無什好看,突然見有人在地盤移動,望真啲?原來工人陸續上班,又會咁早?0615以經見地盤內燒銲工在閃閃吓.

望輪地盤開工,老婆亦瞓醒,不如早點梳洗,落沙灘行吓還好.
坐言起行.

行輪沙灘0730返回酒店食早餐,早餐竟然無收餐券,話之你照開餐,早到人少,揾個靚卡位坐.
早餐都OK架.

吃過早餐返回房間,休息一會,9點多鐘又落沙灘行.感受吓晨早遊船出海情況.

同老婆行吓坐吓,10點多返回酒店,執妥行理準時11點鐘離開,
哈?上到車又輪到老婆忘記交房咭,又要我下車去交回導游.

1248旅遊巴來到惠洲市仲愷站,

這裡食我們旅程最尾一餐飯.





該餐名字叫銷魂鋼管雞+活色生香五香鴨宴.
先來隻鋼管雞拍照,然後拿回去斬.

三天以來大家都食得頗斯文吓,今餐臨別秋波,就略有點離譜,旅行幾天來,只有我餸菜拍吓照,其實我都無刻意去拍,坐位亦無刻意去挑,隨意拍得就拍.
今餐剛巧老婆坐正起菜位,咁就同老婆掉一掉,應該菜來就易拍得多?唉!誰知有個團友,餐餐唔拍今餐拍,拍又要坐到對面位,發起神經,菜一到就車到佢面前?吹漲?我都笑佢餐餐唔拍今餐拍.
佢拍不特止,有個重衰,起菜位我右手便,個女人坐左便,重係左手第二位,

菜一上待應還未離手,佢就車咗去佢嗰便,夾咗自然到對面,拍唔到算啦.
跟住第二個菜到,又比佢車咗去,我一睇剛啱嘛來咗個煲仔豆腐囉?個待應一睇大鑊,嗱淋拿番起啦,跟住個女人叫住,隻匙羹呀?

嗱淋拿回隻匙.

唉?又會唔快手.
若果有兩三個咁既人,幾天來唔搶就有鬼?真係阿彌陀佛.

幾廿歲人又假牙,又食得幾多呢?吃過拍過whatsapp過,wifi關係終於出埋這張相,沖沖便離開.
1350夠鐘上到車,竟然團友遲遲未到,原來兩母子,買鞋喎?買一送一,超抵喎?
1448來到該團最後一景點,惠洲西湖,50分鐘時間,兩個選擇,一就左手便商業街購物,二就右手邊遊西湖.

惠洲未來過?西湖當然未啦?為有選擇西湖,烈日當空,都幾係嘢?

西湖之大沖沖50分鐘,又去又回,腳跛跛的我,來到這裡1513我都折返LU.

沖沖趕回集合點1539,團友大包細包在議論紛紛,由於道路禁區,人齊導遊就call車,車到就上車,跟住開車,眼見個女團友,抽住大細包,飛卉的追車,團友大聲的叫著未齊人呀.

個女團友都犀利,走得飛咁快,相信訓練有數.
上車後展示出一包二包,犀利購物高手.

在車傾吓講吓,大約兩小車程1752便返到水圍,
就係咁結束299+180河源福盈門温泉酒店+惠洲巽寮灣海皇星酒店三天團.

買來手信有支竹13.1蚊,罐頭豆豉鯪魚三罐31.8蚊,豆豉兩包3.5蚊,黑白胡椒粉各一7蚊.
合共55.1元人仔.

河源福盈門温泉酒店+惠州巽寮灣海皇星酒店三天團 (二)河源>>>惠東

河源福盈門温泉酒店+惠州巽寮灣海皇星酒店三天 (二)河源>>>惠東

2017年9月15日

昨夜睡來麻麻,半夜3點鐘以經醒,瞓不返望電視,睇輪翻炒大陸波才瞓返.

瞓到0610醒,鼻又發作,頻鼻水頻噴嚏?電視出現個好型好潮廣告,個男仔好型,好有外國時尚feel感覺,夠竟係乜水呢?韓國仔日本仔?於是乎記下個名字(華晨宇),返港摷吓料至得.
鼻水噴嚏難頂,0645都係起床,梳洗好辦妥一切事務,0730未夠以經同老婆落二樓餐廳早餐.

早餐自助形式,中餐為主,種類都幾多吓,夠健康唔錯.

餐後酒店外圍行下,其實都無乜好行,見10人大part圍住部電砰車,似乎有所行動,多口問句攪邊科?似乎好神秘,我都費事多問?聽講環村一周喎?無什好行便返回房間,哈!拍咭放水又浸過.

1050執妥行理離開酒店.

在車等候其間,導遊沖沖上來,係咁望坐位號碼?原來9人party中有人未交房咭?導遊收回房咭後,party中就互相指責,哈!有人竟然話,導遊唔識上來收嘅咩?
旅遊巴終於出發,1206來到中途這間泰源酒店,食我們中午飯

飯菜來講算可以.

食完個飯1250開車無耐,團友曬出佢啲戰利品,大大包菜脯14蚊人仔喎?話剛啱食完飯買喎?犀利?飯後短短十多分鐘就有收成?

跟住講起購物,話佢哋9人party中,有7個每人買咗隻新鮮雞,就係今早酒店附近,問人家門口啲雞賣不賣,100蚊隻活捉,劏好用鹽住,10點鐘來取喎?犀利.活雞真係香港人至愛?

傾吓講吓1423來到巽寮灣,旅遊巴進入海灘條路,大大話話行咗十幾廿分鐘,沿途都係剛建好高樓大廈,大多數還未入伙.
1450來到概團第三個景點,惠東巽寮灣奇石群.磨子石公園,陽光超曬,團友好多唔願下車,唔願行.
下車後要廁所二蚊雞,咁大個旅遊點竟然無公廁,做就人揾錢,弊點?

原來要行成10分鐘路,才出到海灘,又做就駁腳車揾銀,兩蚊雞一個人,載你前去,唔行得唔曬得幫襯.
老婆担著傘遮著我行咗10分鐘路,終於出到來沙灘,真係好曬,影輪怪人怪石相雞咁腳走LU.

離開返回停車場處,才發覺入公園係要買票架?若果旺季來,你話唔墟撼就假喇?

返回旅遊巴1535,旅遊巴跟沙灘對比,可見陽光幾猛烈?

幾分鐘車程,1600來到我們入住酒店,海皇星酒店.

酒店房間唔錯,夠光猛夠新夠乾淨.

有個露台,可惜面對係個大地盤,而最尾張圖,唯一出沙灘一條路.

安頓好後4點多啲鐘,要成6點鐘才晚飯,時間充裕,一於去游水.
從唯一條路下去,兩分鐘便出到沙灘.

稍熱身下水,好失望?所謂私家泳灘,海裡浮波,一個大範圍括住,水污糟不特止,重好多石,銀得我左搖右擺,步步驚心下行出較開些下水.

拍過照,叫做下過水,1505以經返回酒店.
洗過白白,露台企陣,以經日落西山.

1800上車去晚飯.

20分鐘車程,我都唔知在那裡,這間半島漁村食我們晚飯,

入門兩張咁擺設,可想而知地方幾大?



菜式唔錯架,299想點吖?

食過晚飯7點鐘,門口擺賣又擠滿團友買嘢,老婆人買佢又賣,老闆見咁好生意,一蚊都無得減?老婆就成交咗4扎雞骨草10蚊,一包黑眉豆10蚊. 8蚊斤,.

1920離開,返回酒店1950,見時間尚早,同老婆又行吓入夜巽寮灣.
水靜河飛無乜客.

行陣都返回酒店2020.
洗過白白,早早上床瞓LU.

下篇再續.