慣性失眠,全城禁堂食,個女上來,老婆買餸買茶,至電表姐問好,晚煮飯6個人食.

昨晩10點多都瞓,一覺0251醒,周公又反枱?又拂袖而去,無偈,為有歌仔塞耳等運到?周唔回來都無偈?一直捱到0630收音機新聞,聽來聽去0730起床.

搞掂一切,灌下大杯水,番熱木耳漿上住網食,0805老婆蒲頭,老婆早餐我係時候搞我早餐,0836半茶匙田七粉就早餐.

0930個B蒲頭,嫲嫲餵早餐,佢娘趕返工,肚唔痾就便秘?上陣網1010佢娘返工,老婆搞掂個B又來要電腦,唉!你用到夠,頭號陪玩員又開工喇.

黐身膏藥,成日纒住,連望手機衰豬都搞搞震,曬晾間想整個衣架收納架?但諗唔掂?無嘢好搞,不如蒸埋三條蕃薯食,好不容易才到1300,老婆開飯過B食,我才來上上網.

1320個女上來,個B食飽飽,嫲嫲抱抱都瞓,兩點多老婆買餸買茶,老婆出門個B以經醒?

1505老婆返,買有大家樂餐,個女33餐,老婆27餐我28餐,菜料有雞翼兩磅裝兩包,64.8蚊,油麥菜6.5蚊,兩條勝瓜一個洋葱12.5蚊.炒麵油多到不得了?

用餐期間個B不停搞搞震,想食餐安樂茶飯都難?

1650個仔返,買有大家樂食,日日都話打電話問候吓個表姐,但總是係忘記?1714終於記得,於是一打連表姐夫內.一傾成38分鐘有多,傾的都係健康既多,表姐夫就財經傾不停,唉!錢多就煩惱,無嘛幾好,不用諗,又傾可用醫療卷,配眼镜2千元係獨立喎?照我理解,應該包含醫療卷內?

收線後老婆以經開了冷氣,咪搞,嗱淋沖涼,免得冷襯,

夜老婆處理好菜料,1920又我來煮餸,料有洋葱,勝瓜,木耳,油麥菜,同開罐午餐肉,2021開飯,新抱剛好返到,開飯,話之你哋唔埋位,有淥腐乳油麥菜,洋葱木耳炒勝瓜,香煎午餐肉,5個人食1留飯餸.