生涯~第一份工,彌敦道345號(下)

初入行返工,當年住的係港島,波斯街62號六樓,唐樓無𨋢.返工就要步行出去灣仔碼頭.早餐就途中餐室食,然後趕去碼頭搭船.

船過海到佐頓道碼頭,又步行到地盤,8點前趕到開工.

地盤結構差不多完成,剩下樓內裝修間格同外墻粉色,管工墨斗王都是世叔伯,管工勞庭,負責整個地盤,墨斗王分三組,負責結構陳遇,墨尾陳值培,樓內間格裝修余參,就我拍佢,外墻粉色廖八,墨尾張x勝.

工作開頭一嚿雲我,跟著師傅,點撳就點撳?一頭半個月熟習咗啲工具後,發覺好多嘢係唔識?圖則英文唔識,英制12進制唔識?連中文字都唔識多個?份數唔識,半寸1/2,六分3/4都唔識寫,樣樣從頭來過,人家話比人快一步,我就比人差好多步.

一頭半個月後,同師兄陳值培好朋友,最為關照我,師兄中山人,大陸走落來,響地盤瞓,地盤找個各落用板搭張床搭屋瞓,蚊就多得厲害?靠蚊香點到足,其實大部份男雜工友都瞓地盤,大多來自澳門,揾食艱難來香港,大多都關照我.

返工實在太遠,而且這裡好多節目,夜晚可以行廟街,好多嘢食,好多嘢買,又有歌聽,好快就走來同師兄一起瞓地盤.

廟街差不多每晚都去行吓,最記得有晚賣收音機攤檔,播出美國總統甘廼廸遇剌,起初有點半信半疑?最為心刻.1963年11月22日.

廟街最多賣唱片,靚唱片妹又追吓,有目標後?不停去睇唱片買唱片,買到熟絡見我來,又妝扮吓個頭我看,大胆到知道佢乜名後,又打電話去約佢,結果都係開不到口.有次街上遇見佢,特登隨佢出到佐敦碼頭搭巴士,扮晒嘢打招呼,咁啱呀去街吖?邊度呀?就無說話好說lu,後來有日發現佢有男朋友,見無行就罷lu.

地盤一帶好多妓女,由其廟街,樓上妓女,樓下龜婆兜嫖客,行廟街千奇咪行騎樓底,唔係就煩?

地盤前後左右都係酒店旅館,對面彌敦酒店,右邊4層高好舊旅館,後便一律都係雞竇,左邊新新酒店,由於夜晚地盤黑咪鼆,以為無人?就毫無顧忌,工友就日間無咁勤力,夜間巡到足,什至爬出棚架近距離去昅,地盤大偈銳更誇張,底褲一度,掛住個超級望遠鏡巡樓.

就係咁長留地盤瞓,一半工錢畀過個老母,話咁快地盤接近完工,唔返歸瞓都唔得.

地盤終於起貨,部份工人掉去新地盤,包括我在內.

地盤尖沙咀漢口道,地盤成條街咁長,不過同樣已經拆卸重建.