8月27日(日)睡好,精神差,新抱B教會,老婆大圍買魚,新抱B游水,茶大家樂,惠康,街市,晚飯4人食.

2023/08/27   星期日   晴   30C

昨間12點零瞓,夜所3劑,3點鐘關冷氣,再瞓今晨6點半鐘醒,收音機下賴輪手機賴,9點鐘才起床.

餐後辦埋件事,1045新抱B出門教會,跟住老婆又話過大圍買魚?頭昏昏我無無聊,走去瞌陣?但瞌極唔著?為有平板youtube.

1156老婆返,話車去車返喎?買有95蚊魚,有黃腳𩶘同木棉魚,木瓜個14蚊,眉豆10蚊,雞腳29蚊同豬展46蚊,1256老婆開餐.

百無聊賴響企,1430母女返,回來就嗱淋換游水嘢,1455就出門去游水.

新抱B出門後,我同老婆落街下午茶,到大家樂成3點鐘?依然咁多人?老婆就猛催叫食麥記?唔制下稍等,就有枱,坐下冇耐就大把枱任揀?我就37蚊食個鴛鴦飯餐,老婆依舊7蚊熱檸水.

吃過坐夠上惠康,28級梯撐來可以,惠康無嘢好買,齋11.5買磅麥方包走人,街市買18蚊三樣菜返歸.

回家1650,個仔已回來,在淥即食麵食,老婆就著手搞煲木瓜雞腳湯,我就沖我半包補藥.

藥後手機上網,1800沖涼,涼後新抱B返,我都入房平板上網寫寫blog.寫輪都係要上床攤陣,瞓咗陣果然精神多,2112叫開飯4個人食.