11月11日(五)睡好,B旅行,鹽蛇,腳痛整日在家,茶大家樂,補茶3,有馬無賭,個B發燒,晚飯4人食.

2023/11/11   星期六   雨   27C

昨晚12點鐘瞓,夜所一劑,就今早0723醒,手機賴,0804個B突然走入來,問攞紙巾,冇耐新抱B出門,個B今日學校旅行,出門後我倆老才起床.

0833起來如常烚水搞早餐,忽然一望,發現垃圾兜內有條鹽蛇仔,須然益蠱,但都好怕啲咁嘢?於是膠袋笠住,後樓梯一啪放走,

回來繼續搞早餐,0933早餐.

餐後辦埋件事,無所事事睇電視,腳痛好幾日?真大鑊?落樓梯都麻煩要續級落,藥箱摷啲乜都搽吓,1115老婆落樓買餸?

1130老婆已經返,原來買料煲湯個B,買有粟米紅蘿蔔17蚊,豬肉64蚊,烏頭38蚊,老婆返,累累哋我都入房床攤陣.

又比我瞓咗陣,舒服多,醒來1255老婆正在開餐.

1點多鐘睇電視,諸朋好友,方中信講經歷,講到大陸拍劇同孫麗,孫麗嗰種認真,又幾佩服,睇完兩點幾鐘,諗住早啲下午茶,老婆又話晏啲?3點鐘無意中轉台,咦?有馬跑既?望真啲香港騎師?原來今日跑馬?又踱吓?都係唔識賭?落大家樂下午茶.

落到大家樂依然冷清,星期六都係咁靜?見有個飯,於是就食佢37蚊,老婆熱檸水,合共41蚊.

吃過坐夠上惠康,腳痛為有搭𨋢,惠康買有麵包12.5蚊,雞蛋一排27蚊,澳洲柑16蚊走人,街市老婆買有菜20蚊,紅衫魚25蚊,牛仔骨盒58蚊返歸.

回家1637,我都沖下第3劑補藥,沖完涼飲.

藥後繼續睇跑馬,都係無下注,1745三口子返,回來個B發燒,認真麻煩?今日旅行圖片.

回來馬亦跑完,我都入房平板寫寫blog.

2047叫開飯4個人食.