6月27日(四)睡可/多夢,神稍好,新抱開工,個B放假,兩老湊B,行馬鞍山公園,富臨下午茶,石門打機場,冷氣機打柴,晚老婆煮5人食.

2024/06/27   星期四   晴   32C

昨晚馬未完10點幾以經瞓,夜所3劑,4點鐘關冷氣,瞓到今晨6點零醒.

個仔返工,新抱今日開工,個B學校其他班畢業禮放假.

賴床8點鐘起床,老婆已起床,水烚妥我就如常搞早餐,0848早餐.

9點鐘嫲嫲氹掂個衰豬蒲頭,又係要氹才梳洗食早餐,我都無你咁好氣,餐後辦埋件超暢快事,睇電視.

睇完集尚食又1130,我都去床開行把風扇瞌吓.

誰知瞌極都唔著?無辦法?索性出街,本來諗住同個B去茶果嶺公園,等個B癲吓?但個太陽咁猛?唉!邊有得玩吖?但衰豬問襯都係話去石門,要玩跳舞機喎?究竟係乜機?真係唔知?

時間唔早唔晏,不如去馬鞍山公園行陣,然後石門富臨下午茶,才還個衰豬心願,都係不到黃河心不C.

帶備兩支水1525出門,落到地下太陽咁猛?老婆竟然遮都無帶?老婆才返歸攞,我同個B就站度等.

老婆到我們三人才開始湊B之旅.

搭程馬鐵到馬鞍山,1309到公園,列日當空,曬到啲設施㷫烚烚,無乜設施可以玩吓,行吓坐吓,好快便公園遊個圈,1349便離開馬鞍山公園.

離開就繼續馬鐵回石門,1416來到富臨皇宮下午茶.

老婆剔點心32.8蚊孖寶3個,1個黑糖糕17.8蚊,3位茶合共158蚊.

吃過坐夠1516離開,衰豬帶住落地吓,轉去後便有個場,睇樣全部中學生,啲遊戲機矮矮,打機排隊全部坐地下,睇住個學生妹打完,又走回龍尾排隊,貪得意問下佢,點解唔繼續?佢話只可以打一局喎,睇吓啲告示?又確係,人家坐跪來排隊同打機,衰豬全程企嚮度玩.

衰豬排隊打咗兩局才離開,跟住返歸.

回家我都嗱淋沖涼,2003新抱亦返咗來,老婆叫開餐,5個人食.以為開冷氣機啦,誰知開極都唔得?13年3個月前3780元買的樂信兩匹冷氣機,宣佈玩完.

回家1640

6月26日(三)睡可/多夢,神差整日在家,修洗衣機,茶大家樂,晚同老婆食,三口子出街食.

2024/06/26   星期三   晴   30C 

昨晚11點半鐘瞓,夜所4劑,3點鐘關冷氣,0615醒就瞓不返,賴床到0715個肚攪攪震,嗱淋起來去,搞掂新抱蒲頭,我又返床賴過,冇耐個肚又來料,又要去瀉多次.

搞掂出來新抱B已出門返學,我才來搞早餐,老婆蒲頭,0940早餐.

餐後電視,12點鐘攤床瞌吓,結果瞌咗寶貴一陣,12點半鐘新抱B返.

攤到兩點鐘聽見有人來咁聲?於是出去望吓原來惠而蒲來修洗衣機,不過出到去,條友修好都走.

修理洗衣機.

1410惠而蒲來修洗衣機,話個電腦板潮濕喎,揭起洗衣機面板,換過塊電腦板就搞掂,快到我走出來,個師父都出門口走lu.

成3點幾老婆來叫下午茶,老婆想食葡撻,就要個义瀨配葡撻餐,老婆熱檸水,合共46蚊.

吃後坐夠4點半鐘,星期三上惠康,買有麥皮兩桶33.75元,廚紙兩嚿40蚊,跟住街市買菜12蚊,燒賣20蚊返歸.

回家1717,個仔已回來,新抱在拖地,搞掂後我才來沖涼,涼後1757飲我第7劑補藥.

夜諗住烚兩條蕃食算,誰知老婆要我炒餸,唉!挨義氣幫你煮埋,1916搞掂都開餐,三口子就出門出街食喎?

餐後夜馬,係咁易踱吓,都係唔識賭,睇跑至尾場才瞓.

2127三口子返.

6月25日(二)睡可/神差不多,新抱開工,嫲嫲湊B,茶大家樂,補藥6,晚老婆煮人齊食.

2024/06/25   星期二   晴   31C

昨晚11點半鐘瞓,0255醒所,再瞓0411醒,關冷氣,捱咗陣再瞓0649醒,就瞓不返,賴床0747肚瀉起來.

辦完件事,新抱已蒲頭梳洗.冇耐個B蒲頭早餐,0850新抱B出門返學,我才搞早餐,老婆蒲頭,0926我都早餐.

餐後電視,一睇又1150,老婆去接B放學,我亦係時候去床攤唞瞌吓.

1225老婆同B返,好好彩一入屋就傾盆大雨,老婆返就處理佢兩嫲孫中午,餐後嫲嫲督B做功課.

瞌極唔著我為有手機上網,摷輪料又3點幾鐘,衰豬來叫下午茶.

大家樂我就28蚊米粉餐,老婆熱檸水,個B就28蚊兒童餐.

吃過坐夠上惠康,未到惠康就扭嫲嫲文具鋪撳撳機,消費4蚊後才惠康,13.5買嚿方包走人.

跟住街市買有菜18蚊,蕃薯兩袋10蚊,蜆30同豬肉60蚊返歸.

回家1700,個仔已回來,我都早點沖涼,涼後飲我第6劑補藥.

藥後wts同啲友吹水,2025衰豬來叫開飯,新抱已放工回來,齊齊開飯5個人食.

我還是裝開食,衰豬又要黐住我食,我食飽衰豬碗飯還未郁過?後來還是要出去,佢娘督住食.

6月23日(日)瞓可/多夢,新抱教會,個B唔去,新抱B合唱團,踩轉馬場替新抱攞藍芽,個女到,晚三人食.補藥第四劑,馬輸10蚊.

2024/06/23   星期日    晴   33C

昨晚成員生日,搞兩搞連blog都無寫,11點半鐘都瞓,3點所5點所關冷氣,之後就瞓不返,到6點半才瞓返,7點半醒,睡來多夢,賴陣床大事到.

辦完事洗個面搞早餐,新抱老婆蒲頭,話個B醒咗在房手機,唔去教會喎?蒸下燒賣叫嫲嫲安排個B早餐,0908我都早餐.

餐後新抱出門教會,我又走去房床瞌吓,瞌咗陣昨日編blog未寫過,才來手機寫.

攤到1點鐘起來,新抱返母女跟住扮靚,到1425母女出門哈唱團.

母女出門後諗吓?不如早些入馬場,替新抱攞個贈品藍芽.

1445出門行到𨋢堂,摷吓個孭袋?封信無帶?好彩,若果到馬場就大鑊.

返歸拿了,1452車場出發,踩到馬場1516,太耐無運動,對腳好唔掂.

1520順利進場,都嗱淋走去二樓,禮品換領中心,嚮𨋢口遇見游水友,話次次賽馬都來喎?𨋢到二樓我出𨋢,過到禮品部1526,得10個8個人排隊,好快就換妥.

任務完成就室內涼冷氣.，

唞順條氣就出外睇跑馬,黃昏馬冷清清,入場客大多大陸客,1600開跑,睇完頭場馬我都走.

1611離開馬,1648踩回單車場.

回家1650,個仔已回來,砌緊佢至模型,老婆就同咗個去街,我就唞順條順條氣才去沖涼.

6點鐘老婆同個女買餸返,母女回來就搞煮.

1855就新抱B返,馬會對藍芽係新抱的,我就交過新抱,新抱話比過奶奶喎,比後我就交個波個仔教用,人齊回來我又走房攤床唞吓,實在太累.

1926老婆叫開餐,個女我老婆3個人食,有最後三隻糉,我同個女食.

餐後沖我第四劑補藥.

飲後又望啲馬,見還有口孖寶玩吓,見隻5號熱到贏Q晒咁滯?又整10蚊玩吓,搭尾場揾隻大冷門.

他媽的,頭關以經玩完,嘥Q氣.

6月14日(五)失眠多夢神極差,新抱開工,整日烏眉瞌睡,姑媽到,茶大家樂,晚首度開冷氣,老婆煮6個人食,.

2024/06/14   星期五   紅雨   31C

昨晚睡前煲劇,11點鐘瞓,唉!無晴晴失眠?係就係熱咗啲?轉轉反則,歌仔捱完30又30分鐘,相信成兩點幾鐘才瞓著,0526已經醒,睡來多夢,瞓就係咁多,手機賴床,wts傳來條youtube片.

7年漸凍人,睇後想起位同事,同佢遭遇不相百仲,片中人7年,我位同事成10年,2014年4月至今,得番個頭,其他只得對震過貓王對手,拿著隻羮,勉強震吓震吓送入口,而佢個仔都瓜埋,佢現在還在上水李莊月明護飬院.

睇完條片0845老婆起床我起床,起來如常烚水搞早餐,0953早餐.

餐後辦事務,外便倒水一樣,傾盆大雨,辦事又出奇哋順暢?舒暢後睇電視.

一睇又1150,新抱開工老婆代接B放學,又好彩無乜雨落,失眠我又去床瞌吓,瞌前至電過華仔吹水,一吹成粒鐘,結果完全無瞌過,老婆接B以返咗來,嫲嫲蒸有燒賣同炒蛋過B食.

坐陣又走去瞌過,始終瞌唔著,為有又youtube睇吓追吓劇,1417姑媽到,我都起來,成3點鐘齊齊下午茶.

大家樂4個餐128蚊,吃過坐夠街市買餸,買咗88蚊返歸.

回家1623個仔剛好返,我都早點沖涼,

涼後返床攤過,終於比我瞌咗陣.

1840出廳睇新聞,1905新抱返,我又返床攤過兼煲劇.

2026老婆來叫開飯,又叫開冷氣,6個人食,我還是裝開食.

6月10日(一)端午節,睡可,神可,個仔假,午應節食糉,行轉中央公園,沙角大快活,晚手撕雞兩人食.

2024/06/10   星期一   雨   29C

端午節

昨晚睡前手機,11點幾鐘瞓,夜所兩就今晨6點醒,還好收音機下瞓到7點鐘,手機賴床8點半鐘起床.

起來梳洗好辦埋事,才來搞早餐,老婆蒲頭洗晾,0937我都早餐.

餐後1055三口子蒲頭,個仔出門買早餐,我都入房攤床手機,同華仔電話吹水,吹輪又1145,三口子出門睇龍舟喎?

三口子出門後,我就電視睇龍舟,1218老婆番熱兩隻糉食,一人食隻.

吃後同老婆出外行吓,1245出門,兩老踱去中央公園,睇吓賽龍後嘉年華.

過到來城河過橋1316,見有人在河裡捉魚.

過橋後行去表演大帳篷台,我對腳都夠皮,襯有幾粒雨,嚮小賣部坐歇腳.

坐到1345見演未開始,就外便攤檔行吓.

行吓睇吓打吓咭,手機無電?

1400走回表演台睇表演,班年青人打band唱歌.

聽完班姐仔唱完歌後,又話要清場?相信下場有嘉賓有頒獎掛?我同老婆都走.

離開過瀝源橋,過橋後便踱去沙角邨商場,來到沙角街市門口1510,門口棟晒牌貼滿紙,積分送乜送勿,怪不得咁旺,還有水泉澳邨特別優惠,唔旺都難.

1515來到大快活,兩人兩個餐62蚊,

吃過坐夠1550離開.

離開經乙明街市,買咗20蚊4隻紅肉火龍果,30蚊兩份提子同串茄仔走人,返回自己邨,老婆又話上惠康買冰鮮雞?唉!我對腳真係唔掂,你去買到夠,我嚮球場仔等你,之後56蚊買隻三黃雞就齊齊返歸.

回家1657,老婆處理隻雞,我都嗱淋沖涼,涼後攤C一樣,攤嚮梳睇電視.

1850三口子返,老婆1915叫開餐,手撕雞一碟兩人食,餐後果火龍果.

吃後C蛇一條攤床寫blog,三口子就忙佢的.

6月8日(六)睡可,多夢神差,老婆沙角魚,踩轉城河,新煤氣爐,茶大家樂,晚兩人食,輸馬20.

2024/06/08   星期六   晴   27C

昨晚11點零瞓,夜所一劑就今晨6點鐘醒所,睡來多夢,手機賴床,8點半鐘老婆起床我起床.

起來如常烚水搞早餐,0929早餐.

餐後辦埋件事1015,見天氣好有太陽,部單車又好耐無郁過,於是出門踩番轉,咁啱老婆又話過沙角買魚?咁就齊齊出門.

出門後各有行,1022到單車場,睇過部單車兩條呔?又幾足氣,跟住就向馬鞍山踩去.

去到馬場對開大直路,都係坐陣休息吓,端午將近,龍舟加緊操練,休陣息1110來到孖橋算,過橋就回程.

一直踩到來禾輋瀝源之間1130,飲包綠茶休息陣,跟住踩回單車場1215.

回家1225,新煤氣煮食爐到咗,老婆正在煮佢中午餐食,而新抱B剛好食早餐畢,我都嗱淋沖涼.

涼後睇陣電視,1325新抱B有節目出街,累累哋我都去床瞌吓.

瞌咗陣手機陣,兩點半鐘起來,3點鐘同老婆下午茶,大家樂食個义飯餐,老婆熱檸水,合共38蚊.

吃過坐夠上惠康,買蛋兩排46蚊,街市買肥牛27蚊同粉絲12蚊返歸.

回家1651,個仔剛跟住返,1715沖粒鐵+C飲.

回來繼續睇跑馬,7點鐘新抱B返,個B劃到塊面花喱轆?話去完同學仔生日party喎.

1923老婆叫開餐,老火煲鵪鶉,甘菇肥牛粉絲煲,兩個人食.

馬又輸我20,算數.

6月6日(四)睡可,神差,草餅料到,老婆沙角,整日在家煲劇同瞌睡,茶大家樂,個女到,晚三人食.

2024/06/06   星期四   晴   27C

昨晚出埋篇blog,啪兩粒草餅,成12點鐘才瞓,0420所,就今晨0610醒,到6點半鐘,草餅有料到,辦完件事7點鐘返床賴過.

一賴9點鐘老婆起床我起床,如常烚水搞早餐,其間新抱以經返,0957早餐.

餐後電視,老婆又過沙角買魚,一睇1130,瞓不好就返床平板瞌吓,1140老婆返買咗90蚊魚喎,

老婆返又輪到新抱去接B放學.

我就繼續平板攤床瞌吓,又幾好可以瞌咗陣,之後煲劇山河令.

一瞌一煲又兩點半鐘,係咁時候出廳坐到吓.

3點鐘同老婆下午茶,落到大家樂又忘記帶銀包,老婆話幫我回家攞,目的茶我付錢.

等咗陣老婆到,我就食個28蚊餐,老婆熱檸水,合共30蚊.

吃後1610個女到,個女食個燒髀咖哩角餐.

吃後個女要影印,影印後齊齊行轉惠康,無交易出來遇著個仔去惠康,我哋就落街市,都係無買嘢返歸.

回家都成5點鐘,三口子都返齊,衰豬見到姑媽高興到大嗌?回來我都早點沖涼.

涼後繼續攤床平板煲劇,山河令,煲到1927老婆叫開餐,三個人食,我同個女又蒸熱隻糉兩人食.

餐後又輪到下家,三口子忙煮食.

6月5日(三)失眠,神稍好,假牙最後,茶沙角百匯軒,週三惠康,個女到,爐敲定,B第一志願,晚三人食.

2024/06/05   星期四   雨   25C

昨晚11點前都瞓,湯水多1點要所,到4點半鐘又所,所後就瞓不返,兩次醒都係有夢,收音機捱到6點鐘無電,谷鬼氣义電,閉目就咁捱,結果瞓到8點鐘醒.

咁都好啲,起來老婆已蒲頭,我就搞早餐,0839早餐,個B亦蒲頭準備返學,早餐後0850新抱B出門.

餐後辦埋件事,0945同老婆出門,踱去乙明聯合牙科,過到乙明邨街市,錢大媽排晒隊?唔係低得咁交關嘛?

我都入診所,診所一等1045輪到,睇過執過好快1056搞掂,醫生話半年內,有乜唔妥,電話再預約執喎?咁就7500元下顎全副假牙叫做終結.

1057離開診所,就乙明沙角之間,老人運動設施度坐.

老婆話想飲茶,早市以過午市又唔想?兩公婆就坐嚮度吹水,吹到1325才離開.

過到沙角商場,見還早就惠康行陣,見有個呀伯在揀金奇偉果,揀係無問題,不過見佢揀個拋個?拋波一樣?後來再見佢部超市車係吉既?唉!乜心態?

離開惠康1341,就間百匯軒下午茶,下午茶要兩點鐘,老婆叫咗碟星洲米,及5個點心,就咁一坐1516老婆找數175元走人.

離開就經乙明返歸,去到乙明青年中心,見班青年人在畫畫,又幾有朝氣.

行到乙明街市,香港地乜Q人都有?街市買餸時間,人流多到痺?條友竟然停低部單車在路中心?人來人往佢就走咗去買生果,去咗成10多分鐘才回來?唉!又係四個字?關人嘟事,放埋一邊唔可以?

睇完啲人生百態,老婆家喜買4片方包5.5蚊都走,行多兩步見有間鋪裝修,鋪瓦地台磗,嘩!用到咁厚英坭沙?眼睇有2寸幾多?有冇咁必要呀?不過先進?竟然用到紅外線平水儀來做地台磚,真係第一次見?唉!時代變遷我都out?

離開繼續回程,返回自己邨商場,我都筋疲力盡,唉!又適逢星期三上惠康,惠康一掃有常温鮮奶兩包25.2蚊,泰國大蛋兩排43.2蚊,兩條廁紙50蚊走人,跟住個女來電,在途中喎叫街市等喎?街市等咗陣個女到,齊齊買咗菜返歸,正離開遇著新抱來買餸.

回家1727個仔已回來,個B就做緊功課,冇耐新抱買餸返,話煤氣煮食爐已買,星期六按裝喎?而個B派位就第一志願喎,咁就恭喜晒.

回來我都早點沖涼,涼後我都入房寫寫blog,跟住夜馬又跑,邊踱邊寫.

2001老婆叫開餐,個女我三個人食,我就煎隻糉同個女食.

餐後我又繼續入房睇跑馬,下來佢三口子沖涼煮食,馬始終有睇無賭,寫埋篇blog瞓覺.