起來新抱在返工,如常搞早餐,1001早餐.
餐後電視,一睇1130辧事務,老婆買餸,失眠我1120又去攤床yt試瞌吓?
1227老婆返買咗312蚊餸返,瞓又瞌不成,yt到1點多鐘,不如踩轉單車郁動吓.
一出門口,嘩!走廊𨋢堂乾淨到不得了,似足溜冰場,好舒服.
落到地下同座頭傾兩句,讚吓我層走廊乾淨.
1400單車場起步,一條氣踩到富豪花園,過橋踩到運設施度坐,廁所傍新加咗兩部飲水機.
坐到1438才踩回去城河第一花園.
過到花園1447,花園換晒新椅,坐陣郁吓啲手腳,
1500諗住係時候去接B放學?
誰知一起步,單車甩錬?原來剛才單車瞓低跌甩咗錬?搞咗好一陣,手都黑埋,然後才起步.
以為趕不及?誰知見到老婆剛好過馬路,於是一齊去接B.
睇住部校車到,衰豬一落車就見到我,就狂奔過來.
之後衰豬坐著單車返歸,回到屋企樓下,嫲嫲B先行回家,我就單車場鎖好車才回家.
回家1530,個B要食煎蛋,嫲嫲煎兩隻過佢食,吃後1600嫲嫲趕佢去瞓.
佢去瞓,我稍後都攤床yt瞌吓,結果比我瞌咗陣,5點多啲鐘被個B喊聲嘈醒,起來去睇吓,原來嫲嫲摷醒做功課,扭計喊到七彩,大發脾氣,嬲咗個嫲,後來情緒穩定,就乖乖做工課,我亦返床瞌過.
1842佢老豆返,個B功課由佢老豆跟返,老婆就搞晚飯.
2030開飯個B我嫲嫲三個人食,個仔沖涼新抱夜返留湯飯餸.
飯後2100新抱返.
沒有留言:
張貼留言