2025/07/18(五)失眠/麻麻,新抱返工,個B要整班戟,午yt瞌,茶薩莉亞,差點哽C,惠康,晚飯5人食.

昨晚11點半鐘瞓 ,0350醒去所,所後見老婆在睇平板?失眠喎?成未瞓過喎?

結果連我都瞓不返,捱到5點鐘為有手機寫昨日blog.

一寫6點鐘,又嚐試瞓吓?結果瞓到0817醒, 賴床9點鐘起床.

起來枱面一堆小禮物,係昨晚佢哋去飲,回來啲毛巾仔同糖小禮物.

我就如常梳洗辦事搞早餐,1017早餐,新抱蒲頭,1050返工,衰豬蒲頭C蛇爛鱔,嫲嫲跟個B梳洗同早餐.

餐後我都去攤床yt瞌吓,誰知衰豬走來叫整班戟?其實貪玩,唉!於是啦又教你玩吓.

1203開始教佢開漿,到搞掂1248搽花生醬食得.

吃後衰豬又話要食杯麵,嫲嫲又淥個比佢,我才攤床yt瞌吓.

yt一瞌成3點鐘,又齊齊下午茶,商場衰豬堅持食薩莉亞.

1541到薩莉亞,兩個茶餐76蚊.

吃過坐夠食藥,5粒藥一啪,大鑊卡住在喉嚨,猛飲水都唔落?咳餐C才咳出兩粒藥,嘩!驚險.

1632離開,過惠康買雞蛋,結果咗有生命麵包13.9,香蕉7.7,水蜜桃26,芝士片26,餅棒兩12,雞蛋排46,合共123.6蚊,1652離開就街市買咗50蚊菜料返歸.

回家1718,個B老豆返咗來,我都早點沖涼,涼後攤床寫blog兼瞌吓.

2011開飯嫲B我三人食,個仔新留飯餸.