2025/12/16(二)睡差/還可,新抱返工,午yt瞌,B放學掛住玩,茶大家樂,老婆牙醫覆診,踩車半小時,晚飯5人食.

昨晚早早上床,成12點零才瞓著,0348醒去所後,就瞓不返?捱到成5點鐘才瞓著,0610醒醒,再瞓就0805醒,賴床9點多起床.

如常搞早餐,0950早餐,新抱返工,1030老婆蒲頭,餐後睇電視,1109老婆量血壓,137/73-61,又幾靚? 

1130辦事麻麻?1203開個椰青試吓.

吃後攤床yt瞌吓,1344老婆又來叫食些,勉強食些,1409我就量個血壓139/83-71,3點鐘老婆接B放學,稍後我落商場會合.

1520落到商埸,原來幾個同學仔去咗遊樂場玩,到衰豬返回商場,掛住同同學仔玩,連我喱個呀爺都唔睬?之後玩到連書包都忘記帶入補習社?之後出來拿回.

搞掂我同老婆食大家樂,我要個炒麵餐,老婆熱檸水合共31蚊,吃過坐夠1620上惠康,買條麵包22蚊.

老婆拿條麵包返歸,我就去長者設施度踩單車,1637老婆就過大圍牙醫覆診,踩車半小時後我就返歸.

回家1705,至電過何基吹吹水,話呀輝前列腺有事,要刺針等報告喎?要遲些才茶聚喎?又話個孫仔兩個多月喎?一傾40分鐘收線.

傾完個電話,老婆已返,個仔亦已回來,6點多個仔湊B返.

夜2045麻麻開飯,嫲B我3個人食,個仔倆留飯餸,飯後2110開個椰青過B飲,都係飲唔晒?又要我執手尾.