2026/04/13(一)早醒/麻麻,新抱返早,個仔假接B返放,茶大家樂,外科信到,晚飯5人食.

昨晚睡前2330啪兩粒樂可舒,啪後成12點幾鐘才瞓著?0335醒所,老婆失眠還在平板.

我再瞓0519醒,肚開始有料到?嗱淋要去開大,一爆半粒鐘0550,肚瀉粥一樣.

之後返回房再瞓過,可惜瞓不返?賴床8點半鐘,以為放個屁啦?誰知一褲都係?又嗱淋去開多鋪大,兼沖個涼.

新抱今日返早,個仔放假7點半鐘代新抱接送B返學,8點幾鐘新抱出門返工.

辦完事沖埋涼,0915才洗面烚水搞早餐,烚埋老婆兩隻蛋,0956早餐.

餐後電視11點鐘老婆才蒲頭,1130我都攤床yt瞌吓.

一瞌1點鐘起來電視新聞,1440老婆叫醒放假個仔,3點鐘去接B放學?

3點半鐘輪到我同老婆下午茶,1535大家樂,乳鴿炒麵餐29蚊兩人食,老婆又麥記凍咖啡18蚊.

吃後老婆話唔夠飽?1606整多個魚蛋米線餐34蚊,吃過坐夠老婆街市買餸,我就車場昅吓部單車,見還有氣就返歸,球場仔老婆亦買餸到,買咗35蚊菜就齊齊返歸.

回家1645,李家誠專科終於有信到,由於三星期前心臟覆診,話過醫生知便秘,佢話便秘係屬於外科喎?就寫封推介信過我去排期喎?望穿秋水三星期限終於有信?拆開一睇?排到9月7日,都係幾個月啫?再睇真啲?掉原來係2027年9月7日?嘥氣,到時有病都C咗啦,一係都好番?

收咗信就了咗件事,早點沖涼,涼後寫寫blog.

衰豬補習成8點半鐘返?佢老豆還買有片皮鴨過佢食.

衰豬補習夜,飯就夜到2108才開飯 嫲B我三人食,個仔倆留飯餸.

2153佢娘返,我都差不多準備瞓.