瞓覺好的,整日在家無建設,下午茶食阿大,大圍買餐餸,晚飯三人食,玻璃手,撞破手.

前晚完全無瞓過,昨晚10點已經頂不住要瞓,半夜除大雨起來關窗外,就瞓到今早7點鐘,總算瞓覺好的,起來有噴嚏有鼻水,呻一輪就無事,情況還可以.
搞掂一切事務,上陣網又開市,恆指高開百多點,我又神的晚餐,看後又揾啲嘢搞吓,但諗來諗去都唔通,唉!都係唔做.
上吓網望吓個市又3點鐘,老婆放工,,個女又話要食嘢,咁就樓下大家樂,每人食個下午茶餐.

餐後兩母女返歸,我就過大圍買餸.
行轉大圍買有早餐櫻桃方包9蚊,粟米三支13蚊,惠康特價香蕉7.9蚊,佳寶豬扒4件11.4蚊,行過壽司鋪,見人頭湧湧,獅子狗加三文魚頭23蚊喎?咁就執份,返回自己街市佛手瓜同紅蘿蔔8.4蚊返歸.

晚煮飯料有紅蘿蔔佛手瓜8.4蚊,粟米1支4.4蚊,豬扒食半5.7蚊,三文魚頭食半約8蚊.

 粟米紅蘿蔔佛手瓜湯

 甜酸豬扒.ok啦.

 炆三文魚頭,新鮮係唔同.

 紅蘿蔔粟米佛手瓜湯

清湯一度,又係正.

三個人食,極滿意,今餐唔計料頭,盛惠約26.5蚊,

 

飯前無綫套垃圾嘢,綜合三人意見一於轉台.

夜離玻手撞幾鑊,皮破血流,無偈,為有鍵盤座也穿牛仔褲.

失眠完全未瞓過,大市終極反彈無我份,瀝源下午茶,蓮花8號,晚飯兩食.

昨晚出埋編卜12點幾鐘瞓,唔知夜瞓咗定太累,成晚瞓唔著,聽住收音機,半粒半粒鐘的過去,真係從來未試過,完全無瞓過,6點多鐘為有起來,老婆放假亦瞓醒起來,洗個面齊齊上網,8點鐘索性同老婆落大家樂早餐,同老婆每人食個麵餐,我粥老婆飲咖啡,餐後坐咗一輪返歸,
 
回家搞掂一切事務又9點半鐘,個市又開恆指依然低開81點,國指低開57點,內銀股依然要跌,睇嚟要坐艇LU,無眼睇,睇神的晚餐.
12點鐘瞓又瞓唔著,於是上番隻房門,執好啲板出廳叠好,兩點鐘見無雨,同老婆出市中心行吓,先銀行打打薄,老婆要飲下午茶,便走咗去瀝源間酒家,間嘢真係麻麻,毫無進步,待應傳菜依然生手,坐下好久要叫才有人開茶,落單沖水都要叫部長.

 而隔鄰枱兩條細路玩到癲,同個細佬橄頭橄頸未停過,啲大人又唔理,係咁不停地妖妖樣樣,另邊大概兩母女,可能呀婆耳聾,個女講嘢大大聲,唉!好日唔飲餐茶,周身唔聚財,坐咗好一輪,老婆找數106蚊走人.
電視講稍後會8號風球,同老婆街市買點餸,8號將殺到特別多人買餸,啲魚好貴,同老婆買咗半斤蠔仔12蚊走人,經個海味鋪10蚊買包蜜棗便巴士返歸.
巴士又係逼到爆,啲人硬係鍾意塞響樓下,幾咁難才下到車,街市又係人多,同老婆4.4蚊買扎通菜返歸.

回家4點多鐘,攤響梳都係瞓唔著,
夜點有冷飯,有蠔仔12蚊,通菜4.4蚊,薯粉,雞蛋4隻4蚊.

 

煎蠔餅

蝦醬通菜

炒飯同老婆食.

一切良好,大市跌甩費,買番些少,家居改革,拆餐懵,晚飯4人食.

前日失眠,昨晚11點零以經超眼困,一覺今晨6點半鐘醒,老婆在返工,賴床到7點多起來,睡來滿意,晨早幾個噴嚏,些少鼻水,情況還是好的,昨晚餐茄瓜關係,以經急不及待要去,舒服後洗個面,昨日忘記買麵包,今早餐無著落,為有落街買麵包呢,4.5蚊買4片方包返歸.
回家煲少許麥皮溝鮮奶,兩片麵包搽花生醬食,餐後量血壓135/73-55,食今早藥.
又9點半鐘開市,今早收音機講恆指夜市重傷跌775點,恆指開市以經跌564國指跌374點,神的晚餐都唔睇,昅住個市,好快便跌破1000點,咁就睇吓能否執番些少平貨?網絡遲緩,萬過萬金油,落咗個價撳兩撳卡C埋機,又要重身登入,等呀等足知成交咗,是禍是福就睇天?
搞掂好神的晚餐以經完,而我的家居改革又開工,等個仔來幫拖,真係嘥氣,為有做些較輕工作,不如就個電視平幕,稍為諗吓,醒起有些廢膠片.

動吓腦郁吓手又12點鐘收市,唉!恆指還是繼續跌,以經1049點,
搞掂個電視卦好,又2點半鐘 ,昅吓個市,嘩!跌成1500點,又落個盤,今趟落個舞公咁低盤,

落完個盤又3點鐘,老婆放工來電,叫下午茶,話個仔嚟緊喎,咁又掉低落大家樂,出門前諗起啲廢紙,不如順手拎去賣,嗱淋叫老婆上來幫手,老婆拿大袋廢紙,我就抽大袋公仔書,睇見就肉赤,結果老婆廢紙10斤,我啲公仔書12斤,6毫子斤,共賣得13.2蚊咁大把.

賣完廢紙個仔已經在大家樂等,每人食個茶餐.

餐後街市買點菜,紅莧菜8蚊同10蚊瘦肉返歸.
回家繼續搏殺,多個仔幫手,首先上格床裝層板,跟住裝埋塊隔墻板,搞掂後拆房門,張柜搬出,太多嘢,要左搬右搬,才可以拆埋張高床,地方淺窄,拆餐C,板又霉羅司多過乜,好在有把電批,搞掂後老婆清潔,執埋啲架生成8點幾鐘.
老婆煮落飯滾好紅莧菜瘦肉菜,我來煮個不知名魚.

金針雲耳蒸鹹雞

紅莧滾瘦肉

新抱收工上來,成9點40分才開飯,4個人食.

 

飯後果食埋幾隻香蕉.

昨夜又失眠,腳痛消炎藥掂,休息日,下午茶食呀樂,昨日餐餸今日煮,三個人食.

昨晚阿聾燒砲散晒,能夠砌得好個碎濕濕爛鬼淘寶柜,我都比個讚自己,搞掂個柜個女放衫,我就看電視,搞到成1點多鐘才有得瞓,唔知夜咗過咗廟,定係太累,撻極都唔著,右腳腫痛,左腳抽根,起來又唔係?攤低又唔得?聽著收音機,半粒鐘半粒鐘的過去,去到3點幾4點鐘才叫做瞓著,到6點多啲鐘老婆番工,我又醒.賴至7點多啲鐘為有起來.

昨晚粒消炎藥又湊效,腳無咁痛可以不用拐杖,今日乜都唔好做,好好的休息,食完個早餐量血壓,嘩!上壓167?都係辦埋個大事再量過,又大鑊,一啲都無?再量過血壓,無偈?都係高.

 

上陣網又9點半鐘開市,恆指高開155點,跟住我就神的晚餐,越睇越有點悶,似乎拖得太過?

看完10點半鐘,望吓個市,恆指又升變跌,國指跌得更多,大陸股重勁跌成4%以上.

昨日做成日,傷過双蒸, 瘀到一撻撻,手就以為可以坐低,誰知坐空,人仰馬反,腳就跌下鎚仔所至,為有老年跌打酒來摔.

2點多鐘個女話肚餓,佢來煮野食,整咗以下啲咁嘢食..

吃後老婆放工,又食大家樂.

夜無須買餸,昨日的餸今日煮.

 

料有夜香花約5蚊,瘦肉10蚊,茄瓜兩條4蚊同倉底鹹雞

茄瓜鹹雞焗飯

 夜香花滾瘦肉.

 三個人食.

睡來尚可,家居改革,妙手回春,大市跌甩髀,午晚揾樂哥,腳又痛過.

昨晚12點前都瞓,一覺今晨6點半鐘便醒,老婆在返工,在廳梳化賴至8點多才起來,睡來尚可,一切正常,洗個面上網及早餐.

早餐搞掂一切事務又9點半,神的晚餐,個市亦開,恆指輕微高開幾拾點,看來無乜影響卦?繼續神的晚餐,看完10點半鐘,又昅吓個市,嘩,4百幾點,犀利,走得快好世界.

話之你家居改革又開工.

 

今鋪個女個垃圾柜,遷過隔離房,喱啲碎碎濕積木切成柜,醫番都殘廢,買又無咁快,盡吓人事啦,攤開大堆工具,係咁做,一路一路諗?做呀做,一做又3點鐘,老婆放工來電,我話邊度都唔駛去,就樓下大家樂啦.

出門前望吓個市,嘩!恆指跌過千點,大大鑊,大家樂,老婆熬熬聲在等,每人食個下午茶餐.

  

餐後上惠康,8蚊執份特價蕉,街市買點菜,瘦肉一舊10蚊,茄瓜兩條4蚊返歸.

 回家又砌過,6點15分老友來電,說幫我攞咗啲料,於是落樓下收料,一望嘩!唔係嘛?咁重料?吊坦克都得,佢話地盤無輕料,無都無偈,老友有心,都多謝之至,同老友吹輪水才返歸.

 回家又砌過,個女個柜比我妙手回春,哈!又幾穩陣,勝過以前多多,打鐵趁熱,換埋早前吊柜粒香雞拉爆羅司,一搞近9點鐘,我執架生,老婆同個女就搞清潔,唉!忙咗一日,我隻腳又發作,又腫又痛.

太過夜無煮飯,拿住支拐杖趌跛跛落商場揾樂哥開餐,9點鬆啲鐘,樂哥都收水牌,好彩都趕得切,最後我們三人,特別肚餓要加飯,臨收爐廚房賣剩尾,送菜兩碟.