收blog友揮春,相當好瞓,打風一樣天氣,血壓終於回落,行馬尾運贏137元,大圍食麥記,晚飯4人食.

昨日整日在家執頭執尾,未出過門口,等到3點鐘,老婆又話公司團年飯,而其他又話今晚不回來食,於是乎得我一人,為有獨自煮麵食,到夜啲友回來,開信箱才收到blog友 may may 寄給我的迷你揮春,may may真係好有愛心,揮春唔簡單,好有心思,續隻人手做成,多謝 may may.

昨晚如常12點前都瞓,一覺6鐘老婆醒,我都醒,外便打風一樣,砰砰聲的風,去個所後就瞓不返,為有又笠耳筒,咁就一瞓就9點半鐘.
賴近10點鐘起來,風勢依然勁,煲點水洗面搞早餐,餐後以經10點40分,量血壓135/71-55,咁都好啲,上陣網辦埋個大事又11點半鐘.
上陣網12點鐘關機看電視,唔開電視唔知有馬跑,一直唔識賭的我,去到第4場,投注10蚊位置Q,大熱門搭告東尼隻輸咗,到第5場,泥地都打算唔賭,見告東尼隻8落飛,於是乎又整10蚊大熱門又搭告東尼隻玩吓,投注時有21倍,開跑啦,結果跑出正Q,本來21倍位置Q,竟然得番157元,都好總算收吓錢.

9606	06-02-2016 14:31	沙田 星期六	位置Ｑ	4 場    4 將譽 + 11 領驫 $10	$10.00
9609	06-02-2016 15:01	沙田 星期六	位置Ｑ	5 場    6 勁開心 + 8 帶寶來 $10	$10.00	$157.00

以經3點鐘,老婆放工係都要過大圍,火車站內等埋一齊過大圍喎,大圍老婆選擇食麥記,一包一餐33蚊,坐夠就行街市,唉!好似不用錢的,人多過行花市, 幾咁困難下才行了出來,買有紅瓜子半斤20蚊,福字揮春一個13蚊,餸夾一個10蚊,壓薯蓉器一個12蚊,搭程火車返歸,再上惠乜買盒餅36蚊返歸.
回家以經6點幾鐘,夜煮飯,料有前日外賣魽魚豆腐煲仔35蚊,長椰菜3.8蚊,火腿同蝦米.



火腿蝦米煮長椰菜.

外賣魽魚豆腐煲,好多料,味道唔錯,有埋個瓦煲,35蚊非常抵食.

4個人食1夜返留飯餸.

夜瞓失眠,老婆放假,血壓高,老婆搞衛生,娛樂城下午茶,晚飯蕃薯蘿蔔糕兩人食.

昨晚搞兩搞成1點半至瞓, 結果就大鑊失眠,瞓唔著到兩點幾,笠個耳筒聽歌,調較佢半粒鐘,半粒過去還是未能瞓著,再較1小時依然一樣,除下耳筒還是一樣,就係咁捱到天光8點鐘,聽千禧年代.
9點鐘放假老婆瞓醒,我亦爬起來,唉!夜瞓的代價,失眠.

起來搞早餐食,餐後量血壓153/76-58又高,餐後上陣網,搞掂一切,10點58分再量145/78-58,低番些少,心心不憤11點20分再量,138/74-55咁都好啲,老婆搞衛生清潔廚房,我就看電視.

 搞掂都兩點幾鐘,同個女三人過娛樂城下午茶.

個女找數121蚊.
 
 茶後買餸,人頭擁擁處處都咁多人,昨晚失眠未瞓過,腳又痛,真係好唔想行,兩母女又買衫,運運噩噩的跟住行.

 足知返歸都6點半鐘,買來有759鮮奶兩盒20.8蚊,湯圓兩包26蚊,百佳蘋果9個29.7蚊,柑12個17.6蚊,豆腐鯰魚煲仔35蚊,豬扒骨23蚊.合共152.1元,還是個女付錢.
 
返歸佢又唔食,佢又唔食,買來的為有入雪柜,夜又唔覺太肚餓,同老婆不如食番薯,蕃薯得兩條,唔夠食,於是乎加蘿蔔糕,加隻蛋.
 
蛋煎蕃薯
 
 蛋煎蘿蔔糕.

兩個人食,又鹹又甜,認真唔夾,為有食完蘿蔔糕才食蕃薯.

睡來麻麻,血壓高,家居改革,下午茶大乜樂,晚飯人齊食,蘇打泡腳.

喱輪撞鬼血壓高到不得了,為有試吓網上蘇打泡腳,燒熱水加兩湯匙蘇打粉,泡佢半小時.

這晚12點前都瞓,唉!可惜撻極唔著,1點多鐘個仔同新抱澳門返,同個女大談澳門食蠔有蟲事,搞到我成2點才瞓著,一瞓今早8點鐘醒,去個所回來瞓不返,為有千禧年代聽人發up風.

聽完成10點多才起來,天氣暖咗些,煲點水洗面,辦埋大事才搞早餐,吃後以經11點36分量血壓165/85-59,又高得人驚,12點多再次142/82-60咁都好啲.
新抱同個女先瞓醒,12點多兩個前後腳返工,心諗去游水好定整屋企些少嘢呢?昨日游咗水都係唔去,郁手做埋過年好過,先搞我個層板架,一搞成3點鐘,老婆放工來電,我話做緊嘢,回來再算.

老婆回來我亦剛好搞掂,同老婆大乜樂下午茶,我就熱狗餐24蚊,老婆烏冬餐26蚊,老婆話明天放假,見橫掂攤開工具,不如返歸做埋另邊個層架.同機頂盒改位.

 返歸前買20蚊齍,回家繼續開工,6點多個仔放工返,老婆就煮飯,一做成9點鐘才起貨,個仔幫手執架生,老婆就善後,

搞掂成9點幾才開飯,個女剛好返到,一同開飯.
有栗子抆雞

齍鹵味

4個人食,1夜返留飯餸.

夜繼續蘇打泡腳.

睡來麻麻,賴床9.5,血壓高,整朝上網,氣温10度,游水800m,拮嘢飯餐,晚餐雞焗飯,兩個人食.

昨晚個blog出問題,留言出啲唔出啲,有些更掉落垃圾箱,好彩臨關機時發現,於是乎回覆埋佢,至搞兩搞成2點鐘才瞓得.
夜咗難入睡,到瞓著5點多又醒,好不願下離床去個所,回來又瞓不返,望住老婆返工,為有笠個耳筒,半昏下到8點多,千禧年代地鐵撥款,唉!寧為玉碎,不作瓦全,若我都係咁,個家就散得,聽來都無謂,起來以經9點半鐘.
煲點水洗面搞早餐,早餐依然無麵包,鮮奶麥皮加幾片消化餅食算,餐後量血158/81-64又係高,食過今早藥,上陣網辦埋個麻麻大事,以經11點鐘,再度量個血壓156/82-68都係高,無眼睇,望吓晒晾間個温度計得10度,極度寒冷.

上輪網又12點鐘,看陣電視一點多鐘,一於去游水,執齊行裝落到街風大大雨粉粉,去到單車場,雨越來越密,大鑊點呢?諗咗陣c 就c,一路踩雨就越大,加快腳部踩到池13點33分,件羽絨都濕晒.
更衣室熱身,聽見游完水泳客講水好凍,都打咗個突,上池風大細雨,池一遍霧煙,拾足温泉仙境一樣,嗱淋跳下水,嘩!嗰然水凍,成身雪包住一樣,已經醒目挨池邊游,搏命游佢50m,心諗求其游佢幾個塘算,好彩50m後,身體還可以,一路游到500m,見頂得住,決定游夠800m,游完嗱淋返回更衣室,沖個大熱水涼,水猛夠熱正,沖完個涼坐陣,老婆以經來電,還是大圍食嘢兼買餸.
過到大圍老婆以在拮嘢等緊,每食個飯餐42蚊,同老婆呻輪家庭事就買餸.
天寒地凍人頭擁擁,行轉街市買有800g自發粉22蚊,蘇打粉8蚊,759七折蜜糖30蚊,惠乜生命麵包10.8蚊,特價冰雞18.5蚊,分頭返歸,老婆火車我踩車回家.

夜煮飯料有冰鮮雞半隻9蚊,長椰菜.

 長椰菜雞絲煲仔飯
 

 
 同老婆兩個人食.

飯後無偈,喱輪血壓什高,為有跟網上一試.
 

相當好瞓,血壓高,個仔週年過澳門,阿茂又整餅,今日又超凍,晚糯米飯三個人食.

近排個blog有點問題?留言出啲唔出啲,更有啲掉咗落垃圾箱,所以有些留言答遲咗,多多見諒.

 
昨晚吃完個火鍋還是看youtube,到12點鐘廚房忙碌,連牙都無擦便瞓,一覺今早8點半鐘醒,又賴床玩手機,賴至10點鐘才起來,老婆留下字條叫晾衫,有無搞錯又係我,跟住電話到,老婆叫晾衫,鵝佢一輪我都收線,.

外便下著雨,煲點水洗面晾衫之際,新抱出來洗面,佢話等佢來晾喎,好,餋成良好習慣,係時候學會放低弄我早餐,無麵包為有淥個媽咪麵,沖杯朱古力食,餐後量個血壓151/80-61又係高,食埋今早藥,開埋個大又11點鐘.
上陣網見blog友整香蕉蛋糕,哈!橫掂落雨斯濕,又有香蕉,參考吓網上資料,我又來阿茂整餅,自發粉,雞蛋,香蕉,油同糖,感覺份量.
 
整餅其間個仔兩公婆出門,話過澳門玩兩日喎,唔講唔知原來明日結婚週年,時間真快,咁又一年,個仔出門後,我再量量血壓139/80-61,咁都好啲.
繼續整餅,全部料先後打成漿,加點食油.

落鑊蒸佢廿分鐘.

1點10分蛋糕蒸好,麻麻哋,香蕉多過粉,發不起,

食落又幾好,甜度蕉味都OK,相信明天會更好.
 
3點鐘老婆放工來電,我話落雨又凍不去下午茶,回來食我制的香蕉蛋糕算.

老婆回來我都要摷番件鎮山之寶,超級大羽絨穿,同老婆講橫掂無買餸,不如煮糯米飯囉,老婆就浸下材料.
夜早點煮飯,料有冬菇,糯米,火腿,瑤柱,蝦米,臘潤腸各一同長椰菜.

8點未夠以經開飯,都好耐無試過咁早食飯.
臘味糯米飯

灼烚長椰菜



三個人食啱啱好.