夜瞓早醒,睡來麻,整朝看奧運,游水600m,大圍拮嘢買餸,麥記雪杯,晚飯5人食.

昨晚看陣奧運12點多啲鐘都瞓,一覺晨早5點多便醒,瞓不迥望住老婆返工,無偈,為有笠隻耳筒聽歌你瞓,半醒下賴到8點起來,夜瞓早醒,睡來麻.

起來個女返工,洗面搞早餐,開電視看奧運,餐後量血壓136/73-57,食過今藥辦大事,辦妥又9點05分,今日事看奧運兼上網.
看完奧運寫陣blog12點鐘,萬昌來電,一傾成半粒鐘,1點多啲鐘去游水,過到泳池1點21分,更衣室搞掂一切,上池稍熱身,1點34分下水,1條氣游佢600m,2點07分起水走人.
更衣室搞掂一切,至電個老婆,老婆話要買洗衣液又要買牙膏,咁就過大圍啦,同呀王吹吹水,便過大圍.
過到大圍拮野,老婆還未到,找好位坐了好一會,老婆才到,平時一樣每人食個飯,老婆21我22,由於冷氣失靈,靠部柜機,食得我大汗淋漓,吃過坐夠買餸.
 
行轉街市到雞寶,又遇見食蕉珍,一路傾兩句,話渣住啲航運點喎?我話跌得咁殘渣住佢啦,煤炭股近都升番啲啦,行到麥記老婆又話要食雪糕,咁就入去食杯坐吓.
 
吃過坐夠,繼續買其他,買埋洗衣液同牙膏,老婆又要踱步回家,無偈,為有推著單車,城河學校邊而行,平時一樣踱到石櫈平台,例坐陣休息夠,又繼續踱回家.
回家6點多啲鐘,買來有牙膏4支16蚊,洗衣液41蚊,紅莧菜兩扎12蚊,芝士兩包25蚊同瘦肉15.8蚊,合共109.8元.

回家老婆處理買來菜料,我就上網寫今日blog.
8點17分煮飯,料有紅莧菜12蚊,多春魚14.2蚊,瘦肉15.8蚊,茜芹半棵4.5蚊.
 
茜芹炒肉片,

 香煎多春魚
 
莧菜滾瘦肉,
 

 
 9點05分開飯,5個人食1夜返留湯飯餸,今餐盛惠46.5蚊

火都嚟,睡來麻麻,整朝看奧運,樓下大乜樂4人下午茶,晚飯5人食.

昨晚買齊餸,兩隻嘢唔食,雪柜又有個好大包既荷葉飯,咁就無煮飯,老婆叫個女番熱三個人食,由於荷葉飯好大包,番熱有難度,個女就用隻鑊,大兜水,一隻大不锈鋼碟來載住番熱,我話不要用大碟,就咁用蒸架來蒸得啦,誰知個女唔聽堅持用大碟載住來蒸,唉!蓮蓬一樣咁大的碟阻擋著熱力,幾時才蒸得熱呀?佢話蒸架會散跌瀉,我話咁就用隻細碟蒸啦,佢老味吖,係都唔聽我講,一怒之下我掉下細鋼碟,唔鬼理佢.

到番熱後開飯,我解釋過佢聽,咁大隻碟阻隔住好嘥煤氣呀,佢話細碟唔夠裝,我話可以番熱後轉大碟吖,佢話不如放落鑊炒,我話係吖,直接重慳煤氣,佢又話都熟的不如就咁凍食,掉,唂鬼氣,都唔鬼食,老婆叫幾次,我都話唔食呀,倒咗佢啦.
結果這晚乜都無食過,10點零鐘都上床瞓,一覺5點零便醒,半睡半賴到8點多鐘起來,開電視看奧運直播,才洗面搞早餐食,餐後量血壓121/74-56,吃過今早藥,上網寫下昨晚啲唂氣事,辦埋個大事9點50分,續看直播奧運.

一看又整個上午,今日全城運動日,所有康樂設施免費,唉!免費嘢都係唔好搞,安在家中等老婆返好過,到兩點鐘老婆返,老婆回來還是網上遊戲吓.
2點多鐘問聲老婆,今日不用買餸,淥麵食定點呀?老婆還是要出街食,是但啦,屈響企成日,出去行吓都好.
大乜樂超多人,還好找到個對號位,每人食個下午茶餐,吃過傾輪偈都要走,同老婆行去平時最好風地方坐,但今日似乎無乜風,同老婆坐吓傾吓,講吓昨晚件事,坐咗陣見有人燒街衣,灰燼四起,唉!都係返歸好過.回家4點多鐘,老婆又上網遊戲,6點多鐘趕走老婆去處理今晚餐餸.
夜早點7點鐘我來煮飯,昨日料有菜心5蚊,花蒼魚仔20蚊,冰鮮雞半隻14.5蚊,冬菇同魚肚.

 冬菇魚肚蒸雞,
 
麵豉蒸花蒼,
 
灼淥菜芯,

8點鐘開飯,5個人食1夜返留飯餸,今餐唔計冬菇魚肚,盛惠約39.5元.

睡來唔錯,老婆放假,行轉文化博物館,歷源下午茶,晚無煮飯.

昨晚出埋篇長長blog又成11點半鐘,還好12點前都瞓,夜所一劑就瞓到今早7點多醒,見老婆還在瞓?拍拍佢原來係放假,賴床8點多鐘起來洗面,新抱亦瞓醒在返工.
洗完個面上陣網,老婆亦起床,我就搞早餐,上住網食,

餐後量血壓123/73-54,食埋今早藥辦大事,辦妥一切10點多啲鐘,老婆用咗部腦遊戲,我為看電視,看奥運直播開幕.
老婆網上遊戲停不了,叫極出街都話等多10分鐘,唉!話之你唔出就算數,去到12點鐘才話出街喎.
天時暑熱,時間以經咁晏,不如就近近哋歷史博物館,記免費又有冷氣,優哉悠哉行下坐吓好過.
落到城河邊,什少見榕樹咁近距離.
 
 話咁快來到文化博物館.
 
 星期六有免費節目,可惜係粵劇,折子戲喎,無興趣.
 
 成3點半至開場,啲婆婆一早以經等緊入場,

同老婆行吓坐吓望吓,在強勁冷氣下坐到2點半鐘才離開.

諗住行去希頓商場揾嘢食,過到去任何食市都滿爆,難揾食下,繼續向前,一直來到城市廣場,響應奧運又搞搞嘢.


 
一直要去到歷源,拮嘢才有位,食我們下午茶餐,每人食個飯餐.
 
吃過坐夠就買餸,買有菜心5蚊,冰鮮雞29蚊同花蒼魚仔20蚊返歸.

回家原來電話響我唔知?報晒料說今晚唔食飯喎?咁就無偈,為有全部入雪柜.
今晚無煮飯,番熱雪料食算.

睡來唔錯,耳鳴覆診完,走轉旺角街市,三人樓下大乜樂,晚飯3人食.

昨晚11點鐘都上床瞓,理得電視we we wa wa,好快便瞓著,須然不是一覺天光,但都瞓到今早8點鐘醒,起來個女又返工,新抱又在裝備,為有左閃右被用最快最簡單,來洗面同搞早餐食,8點多啲鐘,個女同新抱前後出門,餐後量血壓141/79-50,食過今早藥便上網,寫下我今早事.
搞掂辦埋件大事9點10分,上陣網9點半鐘,係時出油麻地,我耳鼻喉科覆,落到車站一等,成20多分鐘才有車到,10點半就應診,真有點心急.
出到油麻地中央郵政局下車以經10點20分,嗱淋行去街市街而下,一轉入街市街,第一張長櫈,以經有幾條道友,正在啪針上電,光天化日咁都得?再行過一張,有條道友蝦米咁爛響地,都唔知係咪C乜咗,另條道友坐響長櫈處若無其事,

由於趕時間都無暇再望,急腳的往下走,還好舊年來過,好快便找到油麻地耳鼻喉專科,樓舊聶慢等咗好一會才上到10樓.
 
人就係咁,明明企我後便,到10樓時就閃身佔我前便,唉!是但啦,排隊登記都要爭,付過60元掛號,便一傍等叫名.

診所冷氣好勁,差點頂佢唔蒲,在等其間有條細路,不停身邊走來走去,又擒高爬低,簡直超百厭,討厭之極,旁人見到都口噏噏,被之則吉,再留意吓佢老母,根本拉佢唔住,喝,閙,嚇,罵全無用,全程要觸住佢雙手,唉!睇見佢老母就辛苦.


11點05分叫到名,11號聽力測試室,
 
以往一樣,聽到聲音揚手示意,右耳跟住左耳,大約5分鐘以經測試完畢,問句測試師?大概無問題卦?佢話好平穩喎?
完事又大廳等叫名,個百厭星依然活躍全廳,不久姑娘叫名上一層,11樓等見醫生喎.
以為上咗層見唔到條百厭星,誰知無耐條百厭星都上埋嚟,見佢走過來,又試吓撩吓佢,哈!佢睬你都儍,一點都唔怕人,同佢老母傾兩句,問佢有無兄弟姊妹,佢話一個都C啦,問佢有無去啲特殊學校呀,佢話排緊隊喎,唉!真戥佢辛苦.
12點鐘終於輪到見醫生,係盧女醫生,都係一樣,同儀器睇過耳鼻喉,略講過情況過佢知,佢話聽力測試係左耳高音差小小外,其他無事,可以不用再來睇喎.
我話現在還小許耳鳴啵?我又鼻敏感,佢話我哋唔睇鼻敏感,你去睇普通科喎,我話瞓覺時喉嚨位對上,吞口水時略為壓住佢會痛,佢話鼻水倒流囉,比鼻敏感噴劑過你噴,我話同上次嗰隻藥一樣?佢話係呀,我話都還有,但都唔得,都無噴LU,佢話要連續一星期以上才有效喎?之後問要不要吖?我話還有不用LU,跟住為有唔該走人,離開同個百厭星說句拜拜,便離開油麻地診所,
來到廟街榕樹頭12點21分,

時間唔湯唔水,去邊處好呢?都好耐無行過上海街,就沿著上海街而上.沿途好多賣廚房用具同不锈鋼具,又五金鋪,五金鋪望吓啲價錢,一點都唔平宜,好快來到果欄附近,真係唔多覺有間咁古舊紅磚屋,又行個圈望吓,原來係油麻地戲院辦事處,真係好有歷史.

再行哈哈,流鶑處處,竟然望住我微笑,唉!須然我幾拾歲,但一點都睇唔上眼,再行就到朗豪坊,目的地到旺角街市.
 
由奶露臣街海鮮行起,海鮮還是不及大圍平,略行過吓便穿過亞皆老街嗰邊,最多生果賣一條街,肚餓起來,就櫻桃5蚊買兩隻麵包頂頂先,吃後就看乜平生果買,行轉又行轉,足知抽到一手都係走人.

太陽超猛無蓋巴士站,又要我等成十多分鐘才有車,離開時1點45分,
還好巴士冷氣夠,返歸都兩點15分.
買來有龍眼22蚊,黃香蕉7蚊,紅香蕉8蚊,麥方包10蚊,蒜頭9蚊,合共56元.
 
回家老婆在網上遊戲,個仔放假在家,兩點多鐘還是要消費,就樓下大乜樂,三人每人食個下午茶餐,個仔35蚊,老婆25,我25元合共又85元.

吃過坐夠行惠乜,還是我說不才0消費走人,又轉戰7仔,唉!我都無眼睇,老婆又消費61元甜筒,我就賴響商場坐,老婆見我唔行,就叫仔先拿雪糕回家,之後坐陣街市買點菜回家.
回家4點45分,買有節瓜兩條5.5蚊,白豆3蚊,齋鹵味20蚊,合共28.5元.

回家續寫我今日blog,老婆就坐響梳化恰眼瞓,寫到咁上下,問句老婆做乜咁攰呀,無機遊戲嘛恰眼瞓喎,唉!嗱淋寫番咁上下便比過你玩.
看電視唔知時間,原來8點鐘,嗱淋煮飯,料有節瓜,白豆,蝦米,煙肉同鹹蛋.
 
8點40分開飯,個衰仔才說,忘記說老婆今晚唔食飯?唉!嘥氣.
煙肉煮白豆.

 外賣齋鹵味
 
蝦米鹹蛋滾節瓜



 三個人食.
 
 飯後果,龍眼同紅蕉.

睡來麻麻晨早醒,整朝上網,交屋租,中午落九C,食大乜樂,個仔渡假返,晚餐外賣薄餅餐,5個人食,夜生日快樂.

昨晚早早出埋篇blog,飲了少許梅酒,睇完城寨英雄10點半鐘,we we wa wa未出,我已經都瞓,一覺4點多鐘醒,去個所就瞓不返,真大鑊?無偈為有笠隻耳筒,聽著歌瞓,矇矓的5點多感覺老婆返工,就係咁矇矓又到8點鐘,個女返工我都無阻佢,就賴到8點半才起來.

睡來麻麻,洗面搞早餐上住網食,餐後量血壓119/69-54,今早藥,辦埋大事又10點鐘,今日事上網.
上輪網11點多鐘,恰陣眼睏又12點多,交居要費屋租,交過屋租1點鐘,呵可邊度都不用去,傾盆大雨.
看電視到兩點鐘老婆返,老婆例牌上網遊戲,大概3點鐘問聲老婆點呀?才肯關機落街行吓,落雨私濕,還是樓下大乜樂,大乜樂每人食個下午茶餐,老婆25我28蚊,
 
吃過坐陣,又看吓快餐上的人生百態,看見一幕令人感慨事情,餐聽中央來了一家人,兩個老人家,一個媽咪,三個小妹妹,一個媽咪照顧晒,大女約6,7歲好活躍,穿著對有轆鞋滿場飛,二女細少少坐定定,似乎最乘一個,第三個似乎係弱智,一個媽咪買餐捧餐騰來騰去,大女須然活躍但好生性,要乜攞乜幫足忙,第三個當然會紐計,倒瀉嘢不在話,勞煩呀姐清潔,又哭又嘈,激得個媽咪,整個小妹妹抱去一旁一角,又要個呀公來安撫,唉!幾時都係難為女人.
坐夠離開,行吓惠乜,無嘢啱買,難得落到街,吸吓新鮮空氣,就邨外圍行吓,落雨地方有限,不久以經要返歸.
回家4點40分,諗起對樂其皮鞋,2004年2月6日499元買,由於買得過大,一直未穿過,去年2月個仔結婚,諗住穿一晚咁多,唉!原來鞋唔穿會自動爛,鞋籠腳墊下完部霉晒,當日墊了厚厚紙皮,終完成使命,今日摷回出來係時掉得.

掉鞋後上網寫今日blog,老婆就坐響梳化恰眼睏,問聲佢做乜?佢話無電腦用麻恰眼瞓喎?唉!草草寫埋,比過你用到夠.

6點多啲鐘,個仔同新抱南丫島渡假返,再夜點個女返,買有外賣薄餅餐,

夜點8點40分開餐,飲杯身體健康.

餐後成員生日,生日快樂,身體健康.