2月24日失眠,膝痛,新冠兩日無人C,煎年糕,食大家樂,惠康,晚石門恆勝聚.

2023/02/24   星期五   晴

昨晚如常早瞓,湯水多,夜所兩0427醒就瞓不返,捱輪5點多鐘,為有平板煲劇,6點鐘收機瞌返陣,7點多鐘醒手機賴,新冠以來竟然連續兩日無人C?

9點鐘起床,新抱B以返學,如常烚水搞早餐,0949早餐.

餐後辦埋件事睇電視.

1200諗起無人問津既椰汁年糕,就等我來炮製吓佢,煎完一劑又一劑.咁煎法係咪好啲呢?

1342老婆斷食開餐.1410母女買有外賣返,話個B放學,個B有個要好同學菲菲病咗喎?無返幾日學,掛住菲菲掛到喊喎?重係豪喊嗰隻?搞到個老母唔知點算?後來至電過菲菲,去佢沙田圍個公園見面,玩到家陣才返.

衰豬一回來又打劫嫲嫲一隻蛋,天氣暖咗?見慣個B穿到大大嚿,有點縮水感覺?

話咁快又3點幾鐘,老婆問落唔落街,又好一於行吓?唔行唔知對膝還在痛?落到街才醒起無電話,又要老婆代返歸攞.

老婆到差不多成4點鐘,齊齊商場大家樂,大家樂依然收4點半鐘,但依然有7%客,我就吉列魚柳包餐,老婆又齋飲杯熱檸水.

吃過坐夠上惠康,28級梯還是續級上,係咁易行吓,昅吓啲行情價錢,老婆就買份比目魚28蚊走人. 

回家1700,個仔以回來,個B鬼咁開心同個老豆玩,我就講句你重唔瞓晏瞓,哈!被佢老豆一句,就乖乖的入房自己瞓,我都自己房上網,平板寫寫今日blog.

好快1815係時過石門,恆勝友聚,過到石門1838,什少離開自己屋邨,原來石門係咁旺?還以為出咗旺角?

望兩望才找到富臨皇宮,上到去1841,好快便找到要找的枱,4條友以經到咗,跟住陸續到,一共8條友,

1981年恆勝建築工友

講吓又話42年,退休的退,在職的還在拼,講吓舊史,講吓目前,

吹輪水又9點多啲鐘,散band,

AA制,永森薟咭找數,每位三百元,當我拿起銀包,江仔一聲我份佢比埋,哈!咁就多謝晒,以後多啲聚都無所謂,2123離開,馬鐵返歸都2155.

生涯(24)源盛建築公司1984/05/08~1984/09/15

1984年5月15日離開鉅成,揾食艱難,乜都要做,以前世界花園位同事介紹下,去到老遠港島黃泥涌峽道,黃泥涌水塘公園下車,要行成好幾拾分鐘,才到地盤做份跟測量幫工,建成後就係今日(陽明山莊).

又遠又要行,重係做份最低層工作,即係測量跟尾學徒,孭工具通山跑.

公司名稱叫源盛建築,係份判頭工,承判沉箱同地基工程,月薪2400元,車費同飯錢每日15元,一做就4個多月,9月15日完工解僱.

四個多月,做份跟尾測量仔,難忘事就無乜?

沉箱未做過,測量未做過,總算見識過經緯儀,叫做認識吓,讀書少三角幾何計數,要學簡直難過登天,為有杪寫下記吓學吓?沉箱工程運作叫做見識過.

好快4個多月,公司所做部份沉箱地腳工程完成就解僱,補回一個月工資就拜拜.

生涯(23)鉅成建築公司1983/01/02~1984/05/15

1982/12/19離開友聯船廠,失業咗12日,就偉成世界花園拍擋馬良揾人?就係咁入咗清水灣道,檳榔灣一地盤,公司名叫鉅成建築公司,老總雷強,管工馬良,我就墨斗王,月薪3000元.

地盤無須打椿,從地腳做起,就係咁做到1984年5月15日,就完工遣散.

期間難忘事實在太多,公司細細,架構細,工友老總玩到打成一片.

學會簡單經緯儀

由於地盤斜坡而建,全統開線有難度,老總借來測量用經緯儀,由此學會簡單用鏡來開線.

地頭蟲

地頭關係,無奈請村內一條靚仔,返工時返時不返,不特止還佢來彈墨,佢還惡過我?佢話我彈唔得呀咩?地盤怕佢搞事,無奈.

驚險

地盤進行期間,有次一單位落石屎,老友管工愛親力親為?走去執石屎面,下欄嘢有女工做,我就在監管落石屎,眼見老友執面地方一潭水?大鑊?應該在下沉?什至會塌都似?嗱淋叫停,連忙同執面老友,釘板木工我,三人走入下便樓內加固,幾驚加固期間頂不住塌下,咁就死得人多?都諗住萬一失敗揾0隆匿逃生,結果成功加固。

愛玩老總

地盤張麻雀枱就一定,一稍為閒啲就開枱打不停,老總愛玩愛熱閙,週時收工陪佢去尖咀沖涼揼骨,當年我還住在白田四區半山,夜麻麻12點鐘車我到城門河盡頭,自行上山回家,村路街燈昏暗,遇著個唔生銹睡袍女人,夜麻麻放狗?還以為撞鬼?嚇得我不敢行,久久才返到家。

又節日幾個家庭,去老總粉嶺村屋家庭樂,玩遊戲,當年大家子女差不多大,還記得我個女玩匙羹雞蛋遊戲,喊住口同我講無可能做到的喎?

又有次佢連同泥水判頭,管工幾個員工齊齊去韓國旅行,去滾去食皇帝餐,留低我一個人主理地盤。

野味

有次村民捕獲野味,果子狸幾百蚊買下來,當時在籠內,用棍搞吓佢,嘩!兇猛到胡胡聲?村民代為宰殺劏淨,事後話對眼爆咗喎?聽講最值錢最補對眼,懷疑劏時被偷走?

果子狸我上司老友老馬主理,佢用個皮蛋缸來煲藥材,唉!皮蛋缸受熱點可以同瓦煲比呢?結果煲煲吓爆裂漏,唉!我都忘記後來點收科lu?

公屋

當年老友老馬公屋入伙,裝修時我去過,眼見對下又在興建公屋,差不多建成入伙,心諗若果能伸請到這裡就好囉。

結果心想事成?當時所做地盤差不多完工,地盤剩餘材料啱晒,又對面爛尾地盤有些磁磚,更加啱用,又得老總幫忙,運輸,泥水,油漆師傅幫手粉飾,得以順利入伙。

完工遣散

1948年5月15日地盤終告完工,地盤一眾員工全部無得留低遣散,而我亦告失業。

新年快樂

恭喜   恭喜

 

1月21日,年30,睡可,中藥湊效,食大家樂,上惠康膝痛,輸馬10蚊,晚飯4人食.

2023/01/21   星期六   晴   18C

昨晚人齊團年打邊爐,搞到11點多鐘瞓,夜所一就今晨7點鐘醒,睡來唔錯,發覺個仔還未返工.嗱淋叫老婆再call,才起床擒擒陸出門返工.

出院以來失眠尿頻未好過?經過連續8劑中藥補身,明顯開始湊效.

手機賴床0840起床,氣温18C暖咗,如常烚水搞早餐,0927早餐.

餐後新抱B老婆陸續蒲頭,11點鐘兩婆媳齊落街買餸,個B就響企劃畫,我就同華仔電話吹水,才知今日跑馬.

老婆瞓捩頸都好多天,都未痊癒?回來又煲粉葛湯,新抱搞清潔拖地,個B就繼續劃劃,問佢橙紅色條係乜?佢話條魚喎,咁都有幾成?好過亂咁來,亂咁畫.

兩點鐘個仔已經放工返,兩點多鐘三口子出街,去到3點鐘老婆叫落街行吓?本來都唔想去?唉!是但啦.

落到大家樂見無乜客?就入去坐吓,無乜好食,就叫個31蚊炸髀餐,老婆就7蚊要飲杯檸水,餐後見馬跑到尾二場,手痕整10蚊孖寶玩吓,頭關要隻頂頭大熱,尾關要隻全場最冷.

下注後上惠康,28級梯上,膝痛上來好勉強,惠康買有西蘭花兩隻9.9蚊,石班魚柳56蚊,紅葉生菜20蚊,剛才街市買,買後返歸.

回家1702嗱淋早點沖涼,涼後睇埋尾場跑馬,輸埋.

輸埋上網寫寫blog,1815三口子返,老婆處理佢餐斷食飯.

2059開飯4個人食.