馬會130週年賽馬日,兩公婆單車取紀念筆,禾輋食麵,呀信屋買米買蜜糖,晚煲粥炒麵兩人食.

馬會130週年我又有份,重係四張免費入場,入場送限量紀念筆送一支,於是說服老婆單車踩轉去攞筆,老婆跌過兩次怕怕,見有筆派,勉為其難話至此一次喎.
於是早點12點鐘出門,慢踩去馬場,沿途要瞻前顧後,昅住老婆有沒PK.

結果12點45分安全到達馬場,可能太早關係,入場人不太多.

 順利進場各獲筆一支.

 還有兩張票,事不而遲立即離場,行個大運再進場,去攞第二次筆,剛離開,見進場人仕,拿的是券,大劑,可能筆已派畢,改派換領券,都無偈?兩公婆行了個大運回來,真的獲換領券兩張,其餘兩張得來較幸運,換領券要等到四月中,去投注站才有得換.

 

行了兩轉真係索氣,行上看台高高有遮蔭處休息.

  

看完第二場賽馬,唞順條氣,同老婆返回地下繽紛
天地上網賭馬.

 

 來到坐定定諗咗場,哈!手機還未登入,以聽見鐘聲響,第三場已開跑,還好可以慳番,在家電腦面前都唔識買,何況手機螢幕細細,資料又少咗,更加唔識賭,不賭也罷.
離開前行行,感受一吓強國啲豪勢,排晒隊買紀念品,又拍吓啲花絮.

扮騎師拍個照.

 拉吓頭馬,威水吓.

 我也過引吓.

 離開馬場2點半鐘,同老婆踩去禾輋醫肚.

3點鐘到禾輋,同老婆選擇食麵,兩位52蚊.

 麵後例行公事行商場,禾輋商場阿信屋又有折,行咗個圈都無嘢啱買,便單車過瀝源.

過到瀝源先行沙田街市,見有白蜆好大份,有兩分,於是問聲幾銀份,佢話35比晒你,比晒我?莫非兩份?再問?原來真的,成交兩大份走人,公証磅磅吓,嘩!5斤重.

 真大劑,抽住行去佳寶同呀信屋.

 買後單車一大藍返歸.

 回家都6點鐘,呀信屋買咗109.3蚊,米就屋企還有,但有人話硬似生米喎?襯有折又買包另牌子試吓,5公斤9折,折實40.4蚊,蜜糖7折折實29.4蚊.

其他沙田街市白蜆35蚊,芽菜2蚊,佳寶脆薯乾8.3蚊,腸仔兩包10蚊,自己街市韮菜2蚊,麵餅兩個8蚊.

白蜆烚半,無沙隻隻開口,極鮮味.

 蜆湯及半蜆肉煲粥

 

芽菜韮菜蜆肉炒麵.

 兩個人食,今劑飽飽,白蜆食半17.5蚊+芽菜2蚊+韮菜2蚊+麵餅8蚊,盛惠29.5沅

有錢蠔仔粥,無錢就蜆仔粥.

白蜆另半處理好放雪柜.慢慢食.