屋邨一天遊,北潭涌保良局渡假村,晚飯三人食.

瞓到7點賴到8點起來,洗個面食埋早餐辦埋個大事剛好8點55分,今日情況可以,耳嗚差不多,鼻水依然,但不太嚴重.

今日屋邨一天遊,北潭涌保良局渡假村,係時樓下空地報到,排好隊點好名,9點20分人齊上車,旅遊車分4部,我同老婆第三部,未上車以經每人一袋禮物,一個揼骨鎚,上車原來香港旅遊巴坐位咁Q窄,坐下身都難轉,好彩路程不太遠,話咁快半小時便到.

 

袋內好豐富,有通粉,餅乾,米粉,塑膠食具,袋仔同個揼骨鎚.

半時車程來到北潭涌渡假營,4車分頭活動,我車就生態認識,講輪生態教做黏土,做隻朝潮蟹,我隻做來唔錯卦?

 

之後生態介紹,認識樹木,認識完開飯,渡假村飯堂,10人一圍,菜式唔錯,好味道,有蠔油雞翼,京都骨,支竹抆魚腩,肉碎蒸水蛋,甘菇扒上海白菜,還有粟米羹,特別肚餓,食咗兩碗飯,餸都掃清光.

 

飯後自由活動,

 

 同老婆行夠坐夠,又打乒乓波又打康樂棋.

 好不容易才到3點鐘,重要時刻抽獎,好幸運老婆先中個普通奬湯料包,我從來無抽奬命,今次都打定輸數,點知最後6個大奬,我抽中了,係一包銀耳,好開心又食又拎.

 

抽奬完畢個旅程就此結束,旅巴返回屋邨4點半鐘.

20元位旅程,回家曬曬啲戰利品

回家後單車過大圍買餸,買方有包8蚊,娃娃菜5.5蚊,豆卜5蚊,腐竹11.9蚊,劑魚10蚊.

 今晚餐料有娃娃菜兩棵4蚊,雞髀菇半條2蚊,腐竹食半6蚊,豆卜食半2.5蚊,蝦米,冬菇,劑魚10蚊.

 冬菇豆卜抆腐竹

 蝦米浸娃娃菜

 鹽焗劑魚.

 三個人食,今餐唔計蝦米冬菇,盛惠24.5元