40年代末就在這裡誕生,出世時好肥,像一團粉糰好大冧,人就稱我花名叫冧孩,家鄉四邑話,冧孩即係好大冧蘇蝦咁解,但本地話叫成爛蟹,自始街坊朋友仔叫我做爛蟹.
屋企住地下,我們是包租的,家裡有個爺爺,父親,母親,家姐同哥哥,一個妹細我五歲,
爺爺是個船塢技工,在Dockyard船塢工作,從事補爐工人,即係船鍋爐鐵工匠,船塢是維修英國艦維主,即現時(添馬艦),爺爺獨自住一張床位,食飯時分開食,到開飯老媽子便裝開過佢食,一張枱仔,坐響床食,爺爺好鍚我們,好多時放工,帶有芝士同蛋糕過我們食,大概船上拿回來卦?又常買好多生果,大多都是下價生果,以前生活水準低,有生果食已經算富裕,每當家姐教做功課,勞氣打到七彩,他一定撐著維護我們.
屋企住地下,我們是包租的,家裡有個爺爺,父親,母親,家姐同哥哥,一個妹細我五歲,
爺爺是個船塢技工,在Dockyard船塢工作,從事補爐工人,即係船鍋爐鐵工匠,船塢是維修英國艦維主,即現時(添馬艦),爺爺獨自住一張床位,食飯時分開食,到開飯老媽子便裝開過佢食,一張枱仔,坐響床食,爺爺好鍚我們,好多時放工,帶有芝士同蛋糕過我們食,大概船上拿回來卦?又常買好多生果,大多都是下價生果,以前生活水準低,有生果食已經算富裕,每當家姐教做功課,勞氣打到七彩,他一定撐著維護我們.
我家有個大天井,爺爺退休後飬咗好多家擒,雞,鵝,鴨不在話,連兔仔都有,最心刻係隻白色大閹雞,好大隻,大隻到我擒上去都能支撐一陣,這係我最難忘一回事.
爺爺70歲就爆血管走LU,當年醫院好黑暗,聽講去到好惡劣,要瞓走廊喎?老豆一怒之下,從醫院搬回屋企,請西醫回來看,說係時候要走喎?咁就安排好一切,穿好壽衣躺在廳處,做好一切準備儀式,我們一家就跪在爺爺面前,日已繼夜的等,在等其間,見佢右手不停的慢慢提起,提到有90度高,便慢慢放下,如是者都忘記多少天?
終於走了,就在廳入棺正寢,出殯時場面浩大,因為以前做落好多乜會同鄉會卦?有好幾支隊樂隊,擔晒大燈籠,老豆就買水,沿著門口右轉出石水渠街,跟住皇后大道東,跑馬地方向,兜個大圈,我們跟住哭哭啼啼,樂隊就D喱嗒喇回來,之後安葬在和合石.
爺爺70歲就爆血管走LU,當年醫院好黑暗,聽講去到好惡劣,要瞓走廊喎?老豆一怒之下,從醫院搬回屋企,請西醫回來看,說係時候要走喎?咁就安排好一切,穿好壽衣躺在廳處,做好一切準備儀式,我們一家就跪在爺爺面前,日已繼夜的等,在等其間,見佢右手不停的慢慢提起,提到有90度高,便慢慢放下,如是者都忘記多少天?
終於走了,就在廳入棺正寢,出殯時場面浩大,因為以前做落好多乜會同鄉會卦?有好幾支隊樂隊,擔晒大燈籠,老豆就買水,沿著門口右轉出石水渠街,跟住皇后大道東,跑馬地方向,兜個大圈,我們跟住哭哭啼啼,樂隊就D喱嗒喇回來,之後安葬在和合石.
很少聽你講爺爺。
回覆刪除你家姐你常說她口頭禅，若要人似我，除非二個我。
细妹是衝動派，冲杯茶，茶未凍，櫈未暖又話要走人，成家人，係你才和她傾二句。
哈!N年事,呀爺走我才11歲,邊識咁多,記得嘛低吓囉.
刪除記得嗰時拜山就淒涼,搭火車從紅磡排隊到尖沙咀,擠迫到滿地祭品,我哋比大人從窗口掟入,去到和合石,撐到山頂才拜次山,怕怕.
雖然你大我十幾廿年, 但睇你童年時, 生活質素比我果時富裕好多,真幸福!
回覆刪除係呀,老豆係判頭,又係包租,至少住都唔駛憂,嗰時真係一家八口一張床架.
刪除等我有時間都寫下英國的Dockyard啦，有一個近我屋企。
回覆刪除哈!Dockyard?以前英國佬太古我都做過好幾年,做到佢摺埋.
刪除將能夠記起的依稀點滴，用文字紀下，很好很好
回覆刪除金寶叔能文能武真的令人敬佩
咪笑我啦,胆粗粗寫咋,自己知自己事,哈!極限.
刪除支持你呀！我係你忠實粉絲
刪除哈!多謝,我會努力.
刪除我以前住上環都見證一次出殯時場面巨大場面,因棺木在三樓要搭竹棚,由四人橋夫抬下地下,所以整條馬路要封三天.
回覆刪除係呀,以前係咁響企搞掂.
刪除