睡來唔錯,大學生思維,小萍果世界,游水600,老婆放2點半,下午茶樓下大乜樂,晚飯兩人食.

昨晚12點前都瞓,一覺6點鐘醒,老婆在返工,去個所回來就瞓不返,為有笠隻耳筒瞓,之後就迷糊到9點鐘,轉聽收音機千禧年代,聽到啲大學生咁思維?所以我講無錯,千奇唔好係又講,唔係又講,大家都是中國人,分分鐘一面屁.
 http://programme.rthk.hk/channel/radio/player_popup.php?pid=1063&eid=347888&d=2016-03-16&player=mp3&type=archive&channel=radio1#

聽完啲大學生言論,成10點鐘才起來,煲點水洗個面,番熱木耳漿食,上陣網食早餐,餐後量血壓141/78-57,食今早藥,見旅行回來至今,膝頭還在痛,都係食粒消炎藥,藥後辦大事,辦完11點半鐘,再量次血壓129/73-57.咁都好啲.
搞掂一切又開始我每日工作上網,上輪網便上youtube睇吓有乜嘢啱睇?,哈!早輪Beyond隻喜歡你,風摩全國,各省各地用佢方言來唱,哈!今次就紅遍國內小萍果,流行程度好多國家華人喜慶節日都有跳同唱,哈!今次連莫斯科都有,重係好大規模,冰天雪地下又唱又跳,跳的唱的全是俄羅斯人,可見幾犀利?
https://www.youtube.com/watch?v=RCuZK3Eavjg
看輪youtube望吓個鐘,嘩?乜1點鐘?嗱淋執嘢準備去游水,出門前新抱瞓醒,原來今日放假,出了門口竟然忘記帶鎖匙,見新抱在廁所,都無謂打擾佢,諗住游完水老婆都有鎖匙?去到攞單車,掉?才醒起無鎖匙點攞車呀?唉!諗住都係唔去游.
返到屋企,新抱開門,諗吓?都係去游,至多游少兩個塘,攞了鎖匙,過到泳池2點02分,嗱淋更衣,上池稍熱身,2點12分下水,埋頭係咁游,一游600m,2點44分起水走人.
更衣室搞掂一切,望吓個電話,老婆以經來電幾次,話放2點半鐘喎,唉!鬼知你咩?叫回來樓下大乜樂喎,好.
同呀王吹陣水走人,離開泳池竟然下雨,無偈,為有冒雨踩回家,好在雨勢不大,係雨密啲啫,過到大乜樂3點半多啲鐘,老婆同個女在等,三人三個下午茶餐合共77蚊,吃後今晚得我同老婆食飯,無須買餸便返歸.
回家4點半鐘,同老婆又各自開工,佢遊戲我寫blog,寫陣blog醒起老婆手機,新轉儲值咭生效還未登記做賬戶,於是幫佢登記,搞掂後7點多啲鐘,隻仔同隻女出街,我就來煮飯,料有三文魚頭一隻20蚊,蕃茄兩隻,薑,干葱,蒜頭.





8點鐘飯餸搞掂,開飯同老婆兩個人食.

飯後果還是柑桔梗.