鼻無事有覺好瞓,夢太準,老婆放假,早午大家樂,晚餐個女搞,人齊食一餐,贏馬383,夜成員生日切蛋糕,

昨日鼻水非常嚴重,呻足一整天,11點多鐘瞓,睡前都有點驚,歌仔塞耳set下一小時瞓,還好不覺都瞓著,一覺天光0600醒.
發咗個夢,(夢見我同個工友開工,兩人在鋸床鋸甲板,鋸出來件板不對90角度,跟住有人告訴我,說屋企人找我,於是腰間找電話,太耐無用,摷咗好一會才摷到出來,咁就出現媽媽,)咁就醒咗LU.
醒咗連除上網,揾周公解夢,周公解夢大全這樣說如下.
(老年人夢見已經過世的母親，是身體衰退的體現，表示做夢人日常生活中的幼稚心理防御機製正在退化，我們常說的“老小孩”，就是老年幼稚心裏防御機製退化的表現。)
醒來鼻無事,只是小許鼻水滲滲,同昨日簡直天淵之別,真係開心中奬.
難得無事,一於賴床到夠,收音機下矇矓到9點鐘才起來.,嗱淋洗面記下今早事.老婆放假亦起床.今日咁開心不如出街去飲茶,老婆話個女晏啲上來喎,咁就樓下大家樂啦.
大家樂老婆30餐我25餐,鼻無事真開心,於是至電過華仔分享吓,兼夾講啲網上發現的,周公解夢過佢聽,收線後又search吓個夢,原來夢見打電話過老母係咁樣.
(夢見打電話給媽媽，預示著運勢不錯，在交友方面會有好事發生，你的煩惱也會有朋友替你分憂，或真心關心你的身體等等，這種朋友是很難得的，要學會好好的珍惜才是。)
嘩!此乎真係好準啵?
餐後行惠康,長者日有折都無嘢買,老婆話煲湯,咁就街市執咗有紅蘿白,粟米,洋葱,同蕃茄合共27.5元返歸.
回家由於換聶關係,又要落一層樓,唉!個大大個壞雪柜還響度,房署已貼了告示叫清走,點解啲咁自私,咁都會安樂,香港人大陸人???
返歸都1139,新抱蒲頭在早餐,老婆處理煲湯,昨晚新抱件120蚊燒豬手舊骨,老婆叫打碎煲湯,老婆過份担心,又話咁又話點斬?結果比我打得碎碎.

一點多鐘傾盆大雨,一路到兩點多鐘,雨差不多要停,老婆叫下午茶,是但啦,我同老婆先行,新抱稍後.
落雨以為大家樂會多人,但又唔係?稍等新抱,老婆26蚊餐,新抱就紮肉雞絲河29蚊,我就紮肉肥牛餐29,

明顯同昨日個豬扒河差得遠,料同河都少得多.
吃過夠新抱走先,我同老婆上惠康.同個女買嘢.,買有免冶牛肉32.9蚊,意粉兩包25.8蚊.早餐麥方包9.9蚊,買完街市買份三色椒9蚊返歸.

回家1620,老婆又要咗部腦,我就搞我手機,6點多鐘,啲友陸續返到,今晚佢哋作主,由個女來煮,我就閃埋一邊度馬仔,話就話個女煮,又嘛個老工人來協助.
2100開餐人齊6個人食.

食就我最快,餐後我賭馬,跑馬終於開齋,執番口孖寶383元.

0657

27-06-2018 20:27

跑馬地 星期三

孖寶

5 場    1 幸福分享 6 場    7 月追越風 $10

$10.00

$383.00

下來我就無再買,夜成員生日,切蛋糕生日快樂.