一覺天光鼻無事,行轉公園過禾輋,食過雪糕食意樂,禾輋回程買餸返,晚飯老婆主老婆煮,4個人食,鹹蛋有蟲.

昨晚飯後睇咗佢,全美一叮狗狗,好精彩,11點半鐘都瞓,好好瞓,一覺0635醒,鼻全無事,些少鼻水下收音機賴床,矇矓到8點半鐘起來,老婆放假以醒,在手機賴床.
起來左鎖骨博位有點痛,外便下雨,梳洗搞早餐上網食,老婆起來搞佢早餐食,上陣網急不及待要辦事.0955量血壓131/69-48,唉!老婆放假,刮刮老年無剃鬍子,新抱同個仔蒲頭,個仔放假喎?個仔外賣麥記早餐兩公婆食,我就同老婆街街.
過往一樣行來這裡坐,貪佢人少少夠清靜,落雨天更加無寜靜,誰知走來條老野,部機開到大大聲,唱埋啲祖國藝術歌,整個環境比佢破壞晒,唉!為有走頭另覓地方.

來到這裡,又輪到佢?腰間押著鄧麗君到,又係大大聲,還好係路過,好快鄧麗君便離遠而去.

歌聲走後老婆大叫,原來佢草龍,大大條在揾食卦?

草龍離開後又繼續沿城河邊前行,來到看台,棚以經搭好,又準備每年一度龍舟節,

時晴時雨,又要走入隧道避避.

行吓避吓,1300終於來到禾輋,實在太累,麥記食杯雪糕坐吓,食完杯雪糕累得交關,終於瞌著咗.

兩點鐘走來意樂下午茶,閒日來幾好,來到便有位,老婆食pizza39+咖啡9蚊,我就吉豬餐配沙律28蚊,合共76元.

吃過坐夠回程,還是踱過行人天橋過瀝源.
瀝源商場見到佢,全場所有貨品8% off 唉!又玩數字遊戲,同天氣一樣,時折時巴仙,驟眼以為全場貨品8折,好彩呀叔醒目,問聲原來係9.2折,又學會8個巴仙等如9.2折,還好無銷費,唔係就尷尬.

離開繼續回程,經過佳寶,瀝源街市,咦?裝修完畢開張LU,

看來又多個街市兢爭.離開繼續沙田街市,百佳,好運商場,才市廣場搭程車返歸.
回家6點鐘,買來有蕃茄薯仔12.5蚊,菜芯5蚊,特價鱈魚柳8.9蚊同瘦肉20.9蚊.

回家老婆立即處理今晚餐餸料.

我就上網寫陣blog,2034老婆搞掂餐飯,有免冶煎鱈魚柳,淥菜芯同蕃茄薯仔瘦肉湯,4個人食,一夜返留湯飯餸.

飯後果啤梨.

吃過早點擦牙,誰知擦擦吓,見到廚房鹹蛋兜內有隻鹹蛋?膠袋內有好幾條蟲郁吓郁吓.
嘩!嚇C人,嗱淋叫聲老婆入來睇吓.由於擦緊牙唔搞住.誰知老婆嗱淋紥住個鹹蛋膠袋口,我話紮乜鬼吖,掉落垃圾桶,連垃圾桶個膠袋一起掉啦.
擦完牙都係咪搞,嗱淋刮淨埋嗰4隻鹹蛋放雪柜,唉!蟲好可能蒼蠅飛來產卵.