睡來唔錯,鼻水點點耳嗚輕輕.無聊行轉週邊,三人大家樂,行轉惠康買零食,晚飯4人食.

昨晚早早11點零鐘都瞓,夜所一劑,便瞓到6點半鐘,老婆返工醒咗陣,就瞓返到7點半鐘,收音機賴床0805起來,老婆留下字條,衫要晾,咁就晾到身水身汗,梳洗搞早餐,咁就開包楊協成黑豆奶,起初還以為黑豆奶黑色?原來一般無樣?

餐後洗埋啲嘢,辦埋個稱心還大事,上網又見到佢,相薄當年今日,4年前今日流程,當日上午去咗大埔醫院探萬昌.
0956量血壓145/76-56右手再量118/71-54,唉!嘥氣,新抱蒲頭,跟住個仔亦蒲頭,上網到11點鐘,無無聊一於出街行吓.
落到街又唔想踩單車,就走咗去大樹菠蘿樹下坐,坐咗輪行前,見條村路鋪得好靚?黑色防滑面好新淨?從未行過入去?入去一行,原來通上豐盛苑.

又試行上去睇吓,行到尾原來可以落去沙田頭村?未行過一於冒險行吓,行咁耐咁多村屋,竟然一隻狗都未見過?落到去經常經過的休憩公園,

揾個人影都無,鬼咩?一滴風都無?地勢低一個谷底,經過都走人.

穿過平時踩單車隧道,就係曾大屋遊樂場,

又走入去坐吓,還好有啲風.

坐咗輪1243離開,走去博康邨行吓,太耐無來,商場街市都幾旺吖?行陣都走.
回家都差不多兩點鐘.個仔在家又砌佢啲至愛模型.上陣網1520老婆返,齊齊大家樂下午茶.
星期六人流都幾旺,難得搭到張三吉位,稍等個仔才到,老婆29蚊餐,我就奶朱米粉豆冰26蚊餐,老婆又騎刧我杯豆冰,話我咳咳喎?個仔就36蚊餐.吃過坐夠返歸.
我同老婆就惠康買早餐麵包,結果買咗67.5蚊嘢.街市買5蚊菜芯返歸.

回家1722,個仔砌佢至愛模型,老婆電腦遊戲,我就手機+電視.
1913老婆煮飯,我就電腦上上網.

2005老婆處理好菜料,有菜芯,夜香花,瘦肉,雞蛋隻同比目魚.

2040飯熟開飯,有香煎比目魚,蠔油淥菜芯,蛋花夜香花滾瘦肉.

4個人食1夜返留湯飯餸.

有點夢,鼻武士耳續嗚,電力故障無水游,踩轉城河身水汗,食大家樂買餸返,

昨晚無網可上,早早10點零都關機去瞓,夜所一劑就瞓到今晨6點半鐘醒,發咗個夢,夢有人打電話過我,說他是思捷,但諗極都估不到是誰?只諗起80年跟著我做事一班後生仔?但個名字確係認識的,最終都係諗不起就醒LU.醒後收音機半睡賴床,一賴就8點幾9點起來.

唉!鼻武士有覺瞓,耳就續嗚,梳洗搞早餐上網食,網上一睇?威龍FB中毒,遭勒索0.28 bitcon購買解密軟件解密喎?哈!又會咁唔好彩?
上輪網餐後辦妥一切事務1006量血壓138/75-56.上網到1111關機休息.
瞌陣眼睏1點鐘執嘢去游水,單車過到泳池1223,大鑊咁多泳客企晒門口?一望烏燈黑火拉埋閘?個牌寫著,電力故障暫停開放.

無偈為有單車踩轉城河當游水,一踩1359到孖橋,陽光曬到甩肺,嗱嗱淋踩前橋底,這裡坐坐休息.

坐輪唞夠1426返歸.

返歸1510,一身大汗,唉!都好耐無試過流咁多汗,祙祙汗飲番杯冰凍柚子蜜,上住網等老婆返.
1530老婆返,齊齊大家樂下午茶,老婆26餐我29餐,

吃過坐夠街市買餸.
買有夜香花一包10蚊,薯葉兩扎7蚊,瘦肉15蚊同蕃茄4隻7.5蚊返歸.

回家1707老婆處理蕃薯葉,我就上網寫寫blog,

5點多鐘老婆處理好蕃薯葉,又來要電腦,唉!你用到夠.2007老婆煮飯,
2057老婆飯熟開飯,有腐乳煮蕃薯葉,蒸鯇魚腩,蕃茄薯仔瘦肉湯,4個人食1夜返留湯飯餸.

鼻水收耳續嗚,整朝上網,游水600m,食大家樂,上惠康,晚飯5人食.

昨晚未及10點鐘我都瞓,太累一覺0414醒,去個所後鼻水又來搞搞震,係咁睇住5點多老婆醒返工,以為無得瞓啦,誰知呻吓祙吓又瞓返,咁就瞓到0815醒,都無謂賴床起來.

睡來算可以,耳續嗚鼻水收,梳洗搞早餐上網食,餐後0933量血壓146/73-54,右手133/72-52唉!朝朝都係咁嘥氣,食過今早藥,辦埋件事洗埋啲嘢又0955.諗咗陣?出街好定繼續上網好?唉!等陣會去游水,都係繼續上網,一上11點多點,關機唞唞.
1點鐘還是執嘢去游水,出門前都感覺好似有點嘢漏帶?落到聶前拍拍個後袋,果然忘記帶銀包,為有又折返攞銀包.
過到泳池1330,更衣搞掂一切,池面熱身,1337下水,埋頭慢游600m,1423夠數走人,更衣室搞掂一切都走,有時候真係難明,上斜撐樓梯,喘氣喘到呀媽唔認得?唉?游水600m就無問題?
離開返回屋企樓下1516,見到佢企定定,頭岳岳,行近啲又唔走?再行近啲都係唔走?足知都係要走,萬物都係總有一日會走.

拍完照返歸,老婆已經回來,稍後就齊齊大家樂,老婆28蚊燒鴨餐又有髀?我就札肉雞絲河餐29蚊都唔錯.

吃過坐夠上惠康,買有麥方包9.9蚊,三支裝優惠豉油23.8蚊,利川咖哩醬13.9蚊,特價香蕉5蚊,謂個印花8.9蚊買個桃哈多焦糖粟米條,合共61.5蚊

回家1702老婆處理家務,佢busy我就寫寫blog.
5點多啲鐘個仔返,1740老婆又來追要用電腦,唉!你用到夠.
1925老婆煮飯,個女又話上來食,2020老婆退下熱廚房,由我來頂上,煎個韮菜蛋.
2150開飯,有咖哩雞,蒸鯇魚同韮菜煎蛋,5個人食1夜返留飯餸.

睡來唔鐘,鼻滲滲,老婆放假,踱公園過宜家,行得要命,食大快活,買餸返,晚飯4人食.

昨晚12點前都瞓,夜所一劑就瞓到今早0745醒,鼻算無事,輕微滲滲,以經柯彌吉帝,收音機賴陣床,8點多啲都起來,洗面搞早餐上網食,老婆放假亦以起床.

上輪網餐後0923量血壓146/77-53右手134/75-52辦妥一切事務,老婆又用咗部腦,10點多鐘一定出外走走,老婆又唔願行,唉!你唔行我行,老婆才跟住來.
1049來到這裡,以經一身汗.



有點風坐咗好一會,傾咗好大堆家事,老婆都係嗰句,你放下唔好理喎?好.

熱得犀利,又走來瀝源橋亭坐,坐不到一陣,老婆又嗌熱要入商場,

結果過橋走來城市廣場坐,坐坐吓諗起?不如過宜家睇有乜好idea?


坐然起行,1234來到宜家,嘩!好辛苦,老婆又行得快,行得我氣來氣喘,由其上樓梯,喘得要C,心諗遲早心臟一拿玩完.

宜家之大,行吓坐吓我都捱不住,無收鑊離開都1400,老婆叫肚餓,咁就踱瀝源揾嘢食.

行得我要C的來到商場,諗住吉野,誰知下午茶未夠鐘,唞順條氣過大快活,老人咭買餐老婆29餐,我就23餐,適逢大暑,每位客送西瓜一舊,嘩!又甜又冰.

吃過坐夠行商場,順住一路返回廣場搭車返,買有楊協成黑豆漿7.5蚊,洗手液40蚊,芝麻梳打13.9蚊,奶鹽梳打兩包11蚊,

惠康三黃雞49.9蚊,勝瓜7.5蚊,洋葱3蚊同韮菜2蚊.

回家1729,老婆處理買來菜料,我就上網寫寫blog,
1940老婆煮好飯,4個人食.

耳筒壞了,鼻武士柯彌吉帝,同老婆食麥記,與華踩轉孖橋,晚飯5人食.

昨晚飯後youtube睇到佢林俊傑?乜水我唔識?牌頭就我想和你唱,似乎好嘢,咁就一睇,相當好嘢,制作,搞笑,氣氛,熱閙,陪唱,相當精彩,還有感人故事,好好睇,還未還睇完以經11點半鐘,都係咪搞瞓覺,臨瞓前耳筒壞了?聽到講不到,為有找個新耳筒才瞓.

一覺今晨0635醒,嘩!真係柯彌吉迎帝,個鼻竟然無事?同昨日比真係想C,少許鼻水滲滲,輕祙吓收音機賴床,倫敦BBC,聽完8點鐘,舊日足跡,車婉婉,唉!我都起床.

梳洗搞早餐,見今早咁好?就整件蛋冶食,打開電腦便顯示當年今日,原來去年今日同老馬入石仔嶺探萬昌,於是分享吓有關人士.
上網寫兩寫,?電話響華來電吹水,講咗好多昨晚介紹佢睇嘅我想和你唱啲精彩嘢,哈!他竟然全套睇晒,相反我還未睇完,一傾又0932.

    餐後辦妥一切事1015量血壓129/75-57還就繼續上網,去到11點鐘,都係唔得,要走出行行吓,出門前至電過華仔,睇吓佢搞邊科?話在樓下修單車喎?見橫掂公園都係坐,不如過去吹吓水.
正當出門口,見鄰居大開中門,見X太蒲頭,X太最近大病,才昨晚回來,唉!病痛既嘢都身同感受,就同佢傾吓偈,慰問一番然後過隆享找華仔.
沿途經幾個垃圾站,都見一大堆棄傢俬,傢俬重靚過我屋企板枋.

1210來到,原佢在邨後度修,真係服咗佢幾錢人工幾錢部單車?

佢修我坐吹水,一坐兩點幾鐘,佢終於修妥,我亦係時候走人,回程到大圍?不如大圍睇有乜啱買,過到大圍行個圈,佳寶5蚊買抽薯仔,但想買一公升豆漿就無?

買完薯仔回家1435,著電腦寫寫blog,3點鐘個仔同新抱返,
3點多老婆返,話佢知新抱單嘢,了解後個仔落街買下午茶個佢兩公婆食,我同老婆就落街食麥記.
麥記兩個特價餐48蚊.

吃過坐夠街買菜,節瓜兩隻5.5蚊返歸.
回家老婆電腦我就瞌眼睏,實在太累,瞌醒1737華仔來電叫踩單車,嘩!好唔想去,實在太累,見又無所事事,是但啦又同你踩轉.
過到去平時等去開地方,大家一齊到,咁就向孖橋方向踩去,一路聊一路踩,1828踩到孖橋,

休息吹吹水.傾咗陣偈,佢老婆電話就到,哈!聽佢噏,原來佢老婆瞓著咗才出來踩單車,哈!追魂call,係時要走,返回起步點就各自返歸.
返回樓下1922個女來電,上來食飯喎?
2105飯熟開飯,5個人食.

     

晨早鼻水,耳嗚,腳痛,難測難料,難忍下又坐公園,食大家樂,晚飯老婆煮4個人食.

昨晚youtube完11點鐘都瞓,夜所兩劑就瞓今晨0555醒,還以為6點幾鐘,拍拍老婆原來還早,老婆返工我個鼻又料,鼻水湧現,唉!越呻越嚴重,唔呻又唔得,一直捱到0745,廁紙都用光為有起來.

唉!今鋪唔賴身體,要賴就冷氣,無開幾日鼻就好幾日?確係日同個人一樣又盟又塞.

梳洗鼻就繼續呻,搞早餐上網食,上輪網辦妥一切,0926量血壓129/75-53,鼻水似乎有點收,繼續萬無目的上網,又悶又鼻水,真係好辛苦,11點鐘一於離開出便走走.
落到街騎上單車一踩,唉!原來隻腳在痛,提不盡為有就住踩,近近哋還是平時坐開嗰度,坐下諗吓嘢,玩吓手機,聽吓歌,睇夠youtube,又瞌輪眼睏,一坐成三粒鐘,屁股都痛埋,兩點鐘離開返歸.

回家兩點半鐘,唉!日日如是,個鼻又咁樣?真係想C,百無聊賴不如寫啲嘢,有用又好無用又好,又寫下我的回憶,一寫3點多鐘老婆返,買有雞蛋一排30隻25蚊,鯇魚一舊15蚊.
老婆搞掂一齊,就齊齊落大家樂醫肚,房間就閂咗門,又睇吓係咪個仔放假大昏迷?嗰然,拍醒個仔,我同老婆先行落大家樂.
以經4點鐘,大家樂又會旺得咁交關?足知找到張吉枱,老婆牛角包雞翼餐29,我就至低食燒鴨米餐28蚊,又會咁正,有隻翼髀,

個仔稍後到牛角包雞翼通粉餐39蚊.
吃過坐夠個仔先行回家,我同老婆街市買兩扎紅莧菜8蚊扎同2蚊韮菜返歸.
返歸5點鐘,上陣網老婆又來要電腦,我為有手機玩歌仔,今鋪玩佢,Imagine真係精彩架,7點鐘老婆煮飯,我又來寫陣blog.
2035老婆飯煮熟煮,有冬菜蒸鯇魚腩,韮菜煎蛋,炒紅莧菜,

4個人食1夜返留飯餸.

睡來唔錯,有點夢,悶到人癲,踩轉城河時晴雨,食老麥,煮飯4個人食.

昨晚無所事事11點零鐘都瞓,夜所一劑便瞓到今早8點鐘醒,鼻無事,看來都係身體差影響,收音機千禧年代,楊岳橋講取締民簇黨,唉!嘥氣.

0817起來梳洗早餐無麵包,為有淥個麵煎隻蛋,上住網食,

華仔來電吹輪水,辦妥一切事,1021量血壓125/72-51,上輪網11點鐘,唉!心情唔多好,乜都無興趣,悶得我要死,一於走出去行吓.
落到街走去議員辦事去處昅昅,睇吓有無電器回收?嗰然來緊個8月10日有,之後拿部單車踩去城門河,唉!真係唔踩唔知腳痛,原來左腳膝頭屈太起痛?大概昨日游水過勞卦?無偈,為有就住踩去近近哋,就係平時同老婆坐開地方坐.

坐輪似乎落雨咁款,又踩去瀝源橋個亭坐.

坐夠就踩去盡頭石船度坐.

坐到1314回程,途中對岸有人放搖控船,又停吓望陣.

然後繼續返歸.

回家1345上輪網,見啲N年朋友whatsapp到,又傾輪舊舊史,whatsapp輪3點幾老婆返,齊齊落街下午茶,唉!大家樂食到無得食?食麥記啦,兩個餐49.5蚊,杯奶茶又會咁大杯嘅?老婆話篤錯咗大杯喎?

吃過坐夠行轉惠康,買舊麵包9.9蚊,街市買兩條節瓜5.5蚊返歸.

回家1715老婆電腦,我就手機+電視,6點鐘個仔返,帶了些凍肉返.
經已7點多鐘,老婆還在電腦,唉!今餐就等我來煮啦.
料有瘦肉,節瓜,金沙骨,彩椒同蝦米,

料醃好切妥開火,

一煮2045開飯,金沙骨煮彩椒,節瓜滾瘦肉,4個人食1夜返留湯飯餸.