睡來唔錯,屈屈在家,新抱傾輪家事,食大家樂,外圍坐坐雨又到,晚飯4人食.

昨晚飯後如常上網,youtube見到佢,犀利?10歲女打鼓可以咁勁?又手痕下載來玩吓,一搞11點幾鐘才瞓,瞓不入眼為有又歌仔塞耳瞓.

一覺今晨臨天光,個鼻些少鼻水,稍呻吓就瞓返,一瞓就今早0840醒,手機賴陣床9點鐘都起來,梳洗搞餐上網食.餐後1042量血壓141/78-57右手131/80-57,辦妥一切事務又11點鐘,望吓外便落雨.新抱放假蒲頭,我都關機坐窗前玩手機.
新抱突然開聲講家既事,我話無所謂,但求夜間有張床,就乜都無所謂,至於點改變動,你哋揸主意啦,我都一把年紀,講乜都係無用,你哋主意啦.
傾咗輪竟然1點多點鐘,唉!都忘記去游水?索性等老婆返.一等3點多鐘老婆返,稍後同老婆落大家樂,大家樂老婆29熱狗餐,我就29河粉餐,

新抱來電叫同佢買餐,買後老婆街市買埋菜,拿埋外賣先返歸,我就麥記坐等老婆回來.
老婆回來傾咗陣家事,老婆又叫著要走,咁就上惠康行個圈,無嘢啱買獨買5蚊特價啤梨走人,離開好唔想返歸住,就外圍行吓,又走去棵大樹菠蘿度望吓?棵龍眼樹長滿晒龍眼,

好想嚐吓甜不甜?太高無辦法,於是找來一隻像燒烤义的鈎仔,可惜太短為有用力一抛,嗰然跌下幾粒,同老婆嘗吓,又甜啵肉都算厚,可惜再抛連鈎都掛咗樹上,唉!若果童年年代,龍眼早以清光.離開諗住球場仔坐坐傾傾偈?可惜雨勢又快殺到,老婆又追著叫返歸.
回家4點半鐘,個仔以放工回來,新抱正執什佢間房,我就上網寫寫blog上上網.
2009老婆飯熟開飯,唉!屢勸不改,依然大大碟,吃過小碗飯我都坐埋一邊,嗱淋出埋篇blog收工.