睡來唔錯,落雨天整日在家上網,食麥當奴,晚飯三人食.

昨晚11點多都瞓,夜所兩劑便瞓到今晨0640醒,收音機塞耳賴住瞓,半瞓下倫敦BCC,特朗普又噏得又噏,話中國學生大多數都係間碟,哈!看來這個世界有排亂.8點鐘舊日足硛林沖,原來係中日混血嘅?聽到8點半鐘都起來.
雨續落,梳洗木耳上網食,餐後辦妥一切事務1023量血壓128/71-54,百無聊賴至電華仔吹水,新抱蒲頭,原來放假,同華仔吹輪水,瞌陣眼,無所事事又繼續上網.
一直去到3點鐘老婆返,老婆又22蚊買舊鯇魚?老婆搞掂一切,問聲新抱下午茶,唔去喎?又話今晚不用預佢兩喎?
唔去就同老婆落商場,不如食老麥喇,來到玻璃全部矇晒?哈!裡便一定凍到七彩?入到去一望嘩!吉了了,同老婆講麥當奴趕客都似?同老婆還是一包一餐一汽水40蚊.

冷氣實在太凍,同老婆食過都走.
出都來商場,剛啱遇著個車長買砧板?條車長好搞笑,拿住塊砧板問?車長買有無得平呀?哈!當正自己係明星?個女人笑笑口話無呀,車長好詼諧,大概賣個女人後生卦?特別口花花,搞到企響旁邊啲人都笑?成交後賣個女人教怎樣開新砧板不會爆裂?條車長又搞笑,話無記性?隊個電話埋去錄音?聽賣既講?話要用豆腐擦塊砧板?又用鹽擦過才浸水喎?真係未聽過?

聽陣同老婆都走,不用買餸,落雨天無地方可行就返歸.
回家只不過4點鐘,老婆電腦我電視,5點多個仔返,稍後兩公婆出街,夜都諗住煮飯食,誰知個女又話上來食,問有乜餸?老婆話得舊魚咋.
到個女上到來,老婆話個女唔食魚?不如食大家樂?我話要食你哋去啦,老婆見我咁講,就無出聲,我就話點呀?我煮飯啦.
咁就1938開火,鉄兜煮飯,料就鯇魚一舊,午餐肉半罐,三隻雞蛋,2018開飯三個人食.

飯後果個女切埋最後哈蜜瓜.