鼻水難眠,大市跌甩肺,老婆電腦我手機+電視,下午茶麥記餐,晚舊同事聚會.

11月係我倆老同月生日,我以經事先聲明,唔好搞嘢,唔會出街食飯,點不知都係要,無謂傷感情為有去.吃餐途中呀偉送咗盒咖啡同盒圓肉紅棗茶,而兩姊弟就負責找數.

餐飯就10點鐘食完,返歸沖涼寫埋篇成12點鐘才瞓,什少出夜街,就算早早返,始終有點唔慣,終於瞓著,去到半夜去個所回來,唉!鼻水又殺到,又塞又水,極度難頂?嚴重到要坐床邊係咁呻,真係好想去啪粒傷風藥,大呻小呻,呻咗好耐,終於瞓返,就係咁瞓到今早0743醒,收音機賴床,0808起來.

起來床頭一大堆廁紙,梳洗搞早餐,依然麥精溝麥皮,兩蛋一芝士夾麵包,預老婆份,上網寫下今早事.

0955老婆瞓醒早餐,我就寫下今早事,望吓個市,嘩!美股昨才微升,恆指竟然跌成4佰幾點?唉!真係無得玩?無眼睇辦我今早事.
辦事其間原來去年今日,係張些菲林照轉做數碼照,於是發放過有關人士分享吓.
以下其中一張,是我1993年理公大學平頂禮時所拍.又25年前既事.

事畢1112量血壓過,唉!155/81-58痴線既?又12點鐘收市恆指跌成626點,嘥氣.
12點多老婆家務,又我來上上網,新聞見單咁嘢?俄羅斯16歲哥哥救弟弟被棕熊殺C,又另單悲劇,腹痛救醫變植物人,原來家庭來得咁傳奇?唉!希望佢大步檻過,活得開心啦.上陣網1點多鐘,老婆又來候電腦,唉!讓你玩過夠.
兩點多鐘係時候下午茶,今日記得食麥記,16蚊個餐超抵食,老婆16我16加個薯條6蚊,合共38蚊.
吃過各自手機過引,whatsapp又傳來無厘頭片,話係墨爾本發生喎?又等我來search吓,果然剛剛發生,條黑人追斬警察,最終被槍擊倒地,

墨爾本燒車斬人
一坐就4點鐘,個市亦收,唉!總督香煙,由頭跌到尾,頭都唔岳吓?恆指跌632點,持有的衰晒lu.
返歸老婆街市買嚿鯇魚30蚊,買扎西洋菜6.4回家.回家我就第時寫陣blog,由於今晚要出油麻地與舊同事聚會,今日篇blog為有到此為止.