啪粒neoZep止鼻水,整朝在家鼻水收,大圍買餸,揾食市集,晚飯4人食.

昨晚睇完場歐洲國家杯,英國對克羅地亞,剛好12點鐘,幾天來鼻水嚴重,無晒辦法?為有又啪粒neoZep才瞓.

可能藥力影響,一覺今早7點多鐘醒,鼻水全無,難得舒服懶得起床,半睡下賴到0845才起來.老婆已瞓吃過早餐在廳過坐,話今日要去練習喎?我才梳洗搞早餐,老婆又來叫住洗鼻,唉!洗就洗啦.

搞掂上網食早餐.
0939老婆出門,餐後0950見今早還是丁丁鼻水?決定食多粒neoZep.辦妥一切事務,唉!看來都係寒底居多,沖杯薑母黑糖茶飲吓.

上輪網又一個上午,1250老婆返,還買有排蛋27蚊,回來坐不到一陣,又來候電腦,唉!你用到夠,我量血壓,唉!量佢兩次差距鬼咁大,141/76-54,119/69-54嘥氣.
1425下午茶兼買餸,老婆話要買好多嘢喎?咁就過大圍,過到大圍原本諗住食漁米,但見到開咗好耐吓叫揾食市集?老婆話過去睇吓喎?睇咗輪種類多多,大排檔一樣,老婆話試吓喎?好,咁你話事食乜,選擇咗食米線,兩位76元.我就覺得麻麻.

吃過坐夠街市買餸,趌跛跛行轉,好多時我都係出便等,腳痛都唔敢多行,

慢行兜咗個圈,老婆又話要中興買臘腸,我話你去買,我出火車站出口等你.
等咗好陣子老婆才到,便齊齊火車返歸.
回家1710老婆再上惠康買麵包同買芹菜,我就上網寫寫blog,老婆回來總共買咗187.9元.買有洗手液45蚊,洗潔精29蚊,腐乳7蚊,鹹蛋5隻10蚊,雪藏排骨20蚊,魚胶12蚊,臘腸同潤腸117元,涼瓜拼紅蘿蔔10蚊.

2048開飯三個人食,一夜返留飯餸.