相當好瞓,老婆放假,整朝上網,下午茶禾輋,行商場兼買餸,晚飯6人食.

昨晚搞兩搞差不多成1點鐘至瞓,一覺今早近8點鐘醒,手機賴床到10點才起床,老婆放假瞓醒在廳,洗個面搞早餐,老婆話要食糉,咁就煎幾片廣西家鄉糉,全糯米極為黐刀,若不是雪硬咗,否則更難切.
 
搞掂煎好同老婆兩份食.

餐後量血壓154/73-55,食今早藥,開埋個大11點半鐘再量131/72-64,咁都好啲.
個女瞓醒,上陣網12點鐘醒起居要費到期,於是交費,電費502元,水費725.5元.
同老婆各自上網到2點鐘,係時候外出行吓,還是搭程車過禾輋,過到禾輋先行吉豬,10蚊雞個瓦罉,真係好抵,可惜屋企還幾隻.

 離開吉豬更上一層,喱間嘢食個下午茶餐,兩人55蚊
 


餐後行商場,商場買有洗衫袋27.8蚊,胡椒粉9蚊,咖哩醬兩包10蚊.
 
 行完禾輋以往一樣,踱過瀝源,行到759又踱吓,759無折水靜河飛,無買嘢下踱去沙田街市,鹹水魚依然無,無嘢啱買下,10蚊買半斤魚胶,4.5蚊買舊豆腐,便搭車返歸,回家街市買斤西洋菜12蚊返歸. 

 返歸6點鐘,個仔已放工回來,手痕又家居改革,喱輪愛看yautube聽歌,於是乎叫埋個仔幫手,電腦換上大芒26寸.
一搞成8點多鐘才煮飯,個女同朋友回來,叫落大乜樂火鍋?我話大乜樂吖?不如斬半斤义燒上來,煮多兩粒米重好啦.
外賣义燒40蚊

 

 蒸水蛋

 

魚胶豆卜滾西洋菜.

煎釀豆腐.

隔夜蘿蔔.

 6個人食夜返留飯餸.