相當好瞓,腳還在痛,整日在家,新抱放假,明星下午茶,報名連州三天,晚飯三人食.

昨晚右膝依然未掂,還是扯住痛,飯後食粒消炎藥,好可能游水拉襯,這晚依然12點前都瞓,一覺今早9點醒,手機賴床到10點鐘才起來,腳還是戚戚痛,熱水洗個面,搞早餐食,餐後量血壓138/78-51,食今早藥,腳還在痛,為有又食粒消炎藥,跟住辦大事,搞掂又11點鐘.
上陣網又12點鐘,看電視,個女瞓醒,1點多鐘新抱放假亦瞓醒,無耐個女出門返工,新抱好突然同我講,去飲下午茶囉?我話約咗你奶奶報名旅行喎,我話都可以.
好快又3點鐘老婆放工來電,咁就同新抱出門搭車過大圍,落到樓下落起微微雨,出到馬路燈位,幾條交警在指揮車輛,原來交通燈失靈,遠處馬路成個大0隆,相順爆水管卦?落著雨急腳過車站,上到月台,新抱還未知個奶奶在等,話佢知才愕晒然,過到大圍先去匯景探吓團,又好啵,兩個職員得一個客,不用等,探過團資料,見個團還有大把位,以經3點幾,下午茶無乜時間,都係無謂報住,趕去下午茶先,大圍最近明星酒樓,就去明星.
行幾步過到去,都還有些茶客,嗱淋開茶點嘢食,新抱點嘢食,剔咗6個,坐吓傾吓好快又4點幾,個場新裝修夠光猛,點心都唔錯,好過富臨,新抱找數168元,又唔係貴啵.

離開酒樓落雨,新抱要出葵芳,老婆得一把遮,比過佢用,我同老婆就返回大圍街市,買10蚊豬骨,然後返回匯景報名,又係剛才位男仔,都無其他選擇,就揼鎚連州三天團費499+保險63*2=1124元,離開匯景火車返歸.
回家都5點半鐘,老婆處理今晚餐餸,我就上網寫今日blog,夜我來隔夜餸煮個飯.
 
豬骨蘿蔔煲

 個女回來三個人,滾住食.