睡來可以,整朝上網,下午茶三文冶,踱公園返,木耳漿,晚飯5人食.

昨晚飯後還有幾場馬未跑,心思思下結果10蚊都無賭,跑完馬出埋編blog,攞埋睡眠三寶,差不多12點都瞓,一覺今晨6點鐘又醒,去個所都唔知係咪慣咗,瞓不返?耐性到唔知幾時才瞓返.
一瞓就8點多啲鐘醒,手機賴床到9點多起來,洗面攪早餐,鮮奶麥皮同饅頭食,上網寫下今早事,9點54分量血壓134/72-58食過今早藥後,手機辦大事,事畢又10點15分,今早事上網.

一上又11點多鐘看電視,1點半鐘老婆返,例行上網玩遊戲,兩點多鐘係時候外出行吓,諗住過禾輋商場,誰知落到街送車,不如過尾深食公司冶.
過到尾深搭枱坐陣,好快有個單對單對號位,同老婆合力食個公司三文冶30蚊,吃後坐陣見隔離枱來了個上年幾女人,同個呀伯答訕,女人說從火炭行來這裡下午茶,嘩!咁犀利啵?個呀伯話以前火炭爛地一塊,遠無人煙,無人住,話有間叫渣甸染廠,嗰時響度做喎,染廠污染得好嚴重喎?講兩講話今晚六合彩多寶喎,要去買喎?聽見佢咁講,數來六合彩睇都唔睇,哈!不如去買番張.
坐言起行,同老婆行去投注站,中途老婆話要去廁所,我就行吓,哈?見間食市又會咁設計?認真失敗,下截露晒睇?咁情況係人行過都望吓,好心就揾嘢遮吓佢啦.老婆到齊齊過投注站,由老婆來排隊來買,
 
買後便開始我們每日節目行超市.
順住卜佳,沙田街市,過瀝源雞寶,跟住759,行轉買有以下啲嘢,有火鍋四寶15.8蚊,雞肉10蚊同鮮奶兩盒18蚊,合共43.8元.
 
 買後同老婆踱公園而返,行到大帳篷又坐吓休息,見兩個單車客,嗰件戰衣花姿招展,成個專業車手一樣,但有點疑惑?何解個坐位較得咁低?好奇埋去望吓,嘩?原來係出租單車,衣著咁專業,車就?
離開大帳蓬行到來勁秋大喇叭,大媽女高音,離遠鼓聲嘭嘭響,望真啲?原來出到電子鼓,怪不得咁勁,坐陣試吓手機影相功能,同老婆又繼續歸途,來到公園尾聲行人天橋,以經日落黃昏.
 
回家以經6點10分,老婆續佢網上遊戲,我就處理中午浸下的救命藥,紅棗木耳薑,壓力煲下半小時,攪爛入樽慢慢食.

跟手就煮我今晚餐飯,全是雪柜料,有自醃豬腩肉,昨日北京菜心,福民買的素雞同豆干,隔幾日既蕃茄同三隻雞蛋.

一切準備就緒,8點05分開火,

有蕃茄蛋,

素雞煮醃肉,

豆干炒菜心,

9點鐘開飯,連隔夜湯,5個人食1夜返留飯餸.