夜唔咳早來咳,有水唔敢游,睇醫又爆棚,759食車麵,行轉藥房無N10,買支頂擋42,晚飯5人食,輸馬60蚊.

喱輪咳到無覺好瞓,昨晚還是早早11點零上床,瞓得幾多得多?一瞓兩點鐘醒,去個所燈光火著,全屋著晒,抽氣都著埋,都知新抱未瞓,本來想關些無必要燈,但諗吓若果出來要用?又關又開仲衰,?都係關咗個抽氣算.

在廳坐陣係咁咳?見到個廚房門關著,唔通空氣引至我咳?嗱淋回房打開個窗,掉轉個頭向窗瞓,哈!結果一覺今早7點鐘醒,真係空氣有關?

瞓醒就大鑊喇,醒咗就開始來料,咳到呀媽唔認得,好辛苦,即時好想睇醫生,似乎晚上唔咳,現在才來補數,喉嚨癢唔咳唔得,兼夾鼻水同稀痰,不停又呻又吐,唉!好辛苦.

賴陣床嗱淋起來在廳坐唞氣,唞陣才洗面搞早餐食,餐後8點14分量血壓141/81-68,食過今早藥,上網寫下今早事,8點47分咳同鼻水痰,叫做收歛些,才無咁辛苦,辦完每日大事才9點15分,開始今日事上網.
上陣網10點多鐘,超眼睏坐埋一邊看視恰眼睏,12點40分諗吓?咁咳法點呢?家庭醫生嘥氣啦,諗吓不如輪政府街症,於是摷個電話打去,沙田區爆棚喎?叫遲個鐘再打過來,唉!又係嘥氣,於是網上摷吓有乜成藥啱食,一摷佢特強N10,似乎寫的症狀中晒,好過睇醫生吖?

1點多老婆返,例牌上網打陣機,2點多係時候同老婆街街,今日個仔放假,還在床瞓,睬佢都儍同老婆出街.
老婆堅持759食車麵,咁就小巴過市心,老婆今日出粮出支票,咁就銀行對現先,銀行細細,條龍短短,本應好快,好衰唔衰遇著個伯父問長問短,唉!佢問點解無生果金條數喎?個職員話佢知要22號才有,又問幾時打薄才有,又問若果唔打住,限期幾耐?職員話唔打最多30條數,條伯父講極唔明,3個月?半年?職員好無奈為有點點頭算,條龍老婆排第三,結果都要等咗好耐.
搞掂才759食車仔麵,以往一樣,三餸麵餐兩位54.4元,
 
在吃其間同枱隔鄰,來了兩個細細粒後生女,嘩!犀利三餸米粉餐要食加底,米粉多到不容下,要特別加碗湯,唉!我無加底碗麵都食唔晒,可見後生可畏.
坐夠開始找我咳良藥,由好運商場揾,到新市廣場,踏破藥房無N10,為有求其揾支撐住先,

屈人錢賣62.5元,藥房仔賣42元,

若是假藥我無話可說,唔係毒藥就算.
買完支咳藥水就買餸,卜佳買下兩包特價啤梨,紅的7.9蚊,青的5蚊雞,離開卜住行近街市,見好多人看熱閙我又行近八吓先,原來長毛擺檔,坐咗陣都見有幾個人薟名支持,咦?睇真啲有警察嘅?重係兩個咁多,買完件豆腐埋去聽吓,原來長毛啲義工報警,話比人义頸,有個重話被拳擊添,

離開是非地搭程車回家,樓下街市買斤菜心9蚊返歸.
買有兩啤梨紅7.9青5,菜心9蚊,豆腐4.5蚊,韮菜2蚊
 
回家剛好6點鐘,老婆處理今晚餐餸,我就上網寫今日blog,一寫7點半鐘,今晚國際騎師賽,又刨吓馬先.
7點45分來煮飯,料有昨日燒肉,菜心,豆腐,半隻冰雞同韮菜.
 
蒸鹹雞,

 燒肉韮菜煮豆腐,
 
蠔油灼菜心,

 9點12分開飯,5個人食1夜返留飯餸.

飯後賭馬又輸我60蚊.