睡來尚可,北上經羅湖,睇牙第三次,行轉中心城,回程落馬州,晚飯三人食,

昨晚12點前都瞓,一覺6點鐘又醒,去個所就瞓不返,似乎習慣成自然,瞓不返為有耳筒聽歌仔瞓,今趟似乎不靈,聽極都瞓不著,一直矇矓到7點多鐘,轉聽收音機新聞,8點鐘手機賴床,whatsapp到覆吓留言,玩吓手機9點鐘起來,天陰有點涼,老婆放假亦瞓醒.

起來煲點水洗面刮刮啲鬍鬚,空肚木耳漿,搞好早餐同老婆兩份食,餐後量血壓116/73-56,又會咁低?食過下早藥辦大事,事後10點16分再量130/67-53.
成日收到雅虎電郵,話我被人入侵,谷鬼氣改咗密碼佢,電郵好耐無用過,更換密碼,搞餐懵才成功,搞掂又10點50分,係時候要出門,北上搞我第三次棚牙.
同老婆還是火車上,11點50分上水同個侄會合,今日玩吓嘢,又試吓從羅湖過關,平安夜過關超多人.

福田口岸搭兩個站便到,羅湖要搭7個站,

來到會展站12點45分,

商場內這間食點嘢,

叫咗4樣嘢82蚊,啲嘢認真差,又凍又唔好食,自此一次.

吃過坐夠係時間上醫務所.
2點多啲鐘上到去,稍等便輪到,試完一輪牙托,繼續處理隻杜牙根,

瞓響度太耐起身,差點企唔穩?又要照X光,我都矇查查,

前後搞咗粒多啲鐘,我就係咁先,輪到老婆,陪老婆坐咗陣,

我都出去睇吓個侄,個侄在接待處都瞓著,同個侄吹吓水.
大約4點40分老婆都出來,話以經約好下次時間,搞掂後等埋個侄新抱,關燈關門走得.
離開大約5點鬆啲鐘,見時間還早,個侄見我問過家樂福,於是乎帶我倆去行吓,途中見有好多單車隨處放,由其街頭街尾都有?個侄話係出租單車,踩到邊放低嘟個QR曲就算交妥車喎,又係微訊支付喎,不過按金就300元,都係微訊支付喎,實在好先進好方便,係可惜無單車徑,人人踩上行人路.

 大約15分鐘來到中心城.

 商場好大,個侄帶領下,都無時間睇,

一直行去家樂福.

家樂福獨行副食品區,貨就睇其他,有些係貴過香港,同老婆行了兩轉,

一掃就一袋,

到比錢,又會咁橋?同上次人人樂超市一模樣49.9元

時間關係以經6點12分,個侄帶領下,一直沿商場行去會展地鐵站,過咗安檢,我才知個侄同侄新抱同我拜拜.
地鐵站內買票,發生小插曲,老婆排正對內地青年男女後便,內地人似乎有點生手,見佢買票搞咗好耐吓,佢入咗成10多元,看來剩較遠車程?買後離開,輪到老婆,老婆兩個站兩蚊,入過兩蚊後,誰知跌出兩個膠牌票,照計一個應該剛才兩位男女,我正四維望之際,他們以經找到來,於是問句他們?佢兩好開心?但兩膠牌一模樣,無法識別你同我,後來位男的,利用入閘時看顯示,一入8蚊是他們的,老婆入閘後,我就行免費通道,又會咁橋?當我們落扶手梯時,又見佢兩迎面而上,大概佢倆搭錯電梯卦?突然又見面，大家都好笑容，亙相自然打起招乎來,揮手過後，有種好微妙好温情感覺。
兩個站好快到福田口岸,過關又快,無乜人,順風順水回到家7點55分.
買來的有燒鴨一隻15.8蚊,蝦皮11.51蚊,豆卜4.37蚊,甜麻花3蚊,素雞4.94蚊,豆干4.23蚊,山東大餅3蚊,千張3.05蚊,合共49.9元

回家個仔已經回來,立即煮飯料有南瓜,雞蛋,外賣燒鴨同蝦皮.

外賣燒鴨

南瓜蝦皮蒸水蛋,

8點半鐘開飯,三個人食.