相當好瞓,手已痊癒.整朝上網看楚漢,跑馬唔識賭,大圍大乜樂,天氣涼,晚飯4人食.

昨晚12點鐘瞓,一覺今早8點鐘,睡來唔錯,稍賴起來,左手碗第三粒消炎藥下好咗好多,起來洗個面以經急不及待要開大,昨晚茜芹雪梨蘋果汁,果然皇恩大瀉,見去得咁清,來個上磅一磅,一磅無多無少140磅.

空肚番熱木耳漿食,吃後弄我早餐,煎隻蛋加條腸仔鮮奶麥皮食,吃後量血壓129/75-53,加藥後似乎好得多,食我基本藥,左手碗三粒消炎藥後,好咗好多,還有些少微痛,穩陣見都係食多粒.第四粒消炎藥.

 搞掂一切事務10點多啲鐘,昨日走雞集楚漢,係時要追番.一睇就兩集,連下星期一嗰集都睇埋.

已經12點鐘,攤唞陣一點鐘馬又跑,唔識賭下,一睇又5場,10蚊都無買又3點鐘囉,老婆放工,咁就大圍大家樂下午茶兼買餸.
過到大圍大家樂,老婆已經在等,4人枱隔鄰坐著兩個年青人,一個女一個男性打扮,男性打扮坐得衰過人,枱仔細細,佢張椅打斜來坐,整張枱佔了4/3,真係好想出聲叫佢坐好啲,但見長枱無人,兼夾冷氣風口,索性走為上著,長枱食得舒服.
在食其間,有兩個後生妹坐我隔鄰,大既自由行卦?二話不說拿出豆腐花,一個就碗仔翅同麵包,係咁食,哈!我又好有興趣?睇吓你們食完怎樣?哈!還好食完包妥拿走,尚算有點良心.
天氣涼短打的我,有點頂不住,看來要換季穿長的,同老婆食完個餐,都嗱淋離開行街市.
行轉街市買有紅莧菜4.5蚊,半隻南瓜4.5蚊,瘦肉11蚊走人.
回程行到大圍火車站,嘩!落起幾粒雨來,都係咪攪?叫老婆搭程火車,我就飛快踩車回歸.

 

回家以經5點半鐘,個仔已放工,而馬仔還有一場,還是齍睇無買.

 夜點煮飯料有,紅莧菜4.5蚊,瘦肉11蚊,荷豆2.5蚊,南瓜一舊仔1蚊,白飯魚一包食半5蚊,雞蛋三隻3蚊,牛肉少許.

新嘢靚鉆32靚刀48,係唔同.

 南瓜荷豆炒牛肉.

 白飯魚煎蛋

 

紅莧菜滾瘦肉.

 

 4個人食一夜返,留湯餸,今餐唔計牛肉大約27蚊

飯後吸吓隻手,4粒消炎藥,看來經已痊癒.