睡來唔錯,左手碗突然痛,游水500m,大圍食吉野,老馬轉院,晚淥雲吞三個人食,手痛食消炎藥.

昨晚夜馬無賭,瞓前見老馬whatsapp有up day,於是留句問候說話,希望佢能夠覆我,可惜到12點鐘都係無反應.

一覺今早8點鐘,睡來唔錯,起來一切幾好,獨係左手碗痛,無晴晴又發炎?希望不用出絕招,食消炎藥啦.
 

起來洗個面,番熱木耳漿食,然後食早餐,早餐麵包又忘記買,為有腸仔煎蛋加兩角月餅.

餐後辦妥一切事務又10點鐘,昨無睇集楚漢,係時候mytv追番集.
看完上網望吓啲澳元,蝕到呀媽唔認得？,見喱輪彈番啲,睇吓到期日,原來係明天,不如轉番落活期,明天睇過或者減持些.
搞掂後又12點鐘高清台楚漢,看完楚漢諗吓老馬,唉!都係唔好懶,去運動吓游水,執好游水嘢一點半鐘出門.
過到泳池1點45分,鎖好單車,大劑咁多學生既?

再埋到入閘口,大鑊水運會,要3點半才有得游?

無偈?坐埋一邊諗吓無得游去邊呢?後來睇見閘指示牌箭咀,著住綠色嘅?咦?可以入場啵?再望真個水運會牌,掉....只不過大池停開放.
嗱淋入場,上到池1點多啲鐘,行舞雷公遠副池,稍熱身即下水,100,100游,游佢500m,兩點40分夠數走人.
返回更衣室,呀王見到我笑,因為太耐無來,沖完個涼,泳友巴士佬到,話呀王打鑼揾你呀,吹陣水3點鐘老婆放工來電,咁就大圍食吉野啦.
離開泳池趕去大圍吉野家,老婆以經到咗,每人食個下午飯餐,老婆話今晚個仔同新抱有節目,今晚會唔食飯,不如包雲吞喎?好你話事.
坐咗好一陣然後買餸,見759又7,8,9折?又貢入去昅吓,結果買咗包芝士辣麵15.8蚊,方包9.9蚊同芝士脆片8.1蚊,合共33.8蚊.
 
再行街市,在買期間,見麥記有位,又入去每人食杯軟雪糕,偈夠腳再行.
行轉街市買有杮子6隻10蚊,荷豆拼秀身菇10蚊,瘦肉20蚊,雲吞皮5蚊,芥蘭5蚊,韮菜2蚊,合共52蚊.

游完水大累,同老婆推著單車,C狗的行回家,途中陳成來電,話老馬轉咗去沙田醫院喎,話明天去探佢,好,到時電聯啦,返回自己街市買2蚊韮菜返歸.
回家放下買來菜料,唉!睇吓隻手,實在好痛,腫起來,撳吓都痛,手指發力都痛,看來都係要食粒,我隻萬試萬靈消炎藥.

 

開機諗住寫我今日卜,唉!實在太累,寫不到兩隻字,要梳化瞓陣覺.

老婆煮雲吞我瞓覺,瞓醒寫陣卜開飯,有雲吞有淥芥蘭,三個人食.

瘦身菇,瘦肉韮菜雲吞

 

老婆蠔油芥蘭.

今餐盛惠37蚊

飯後再望吓隻手,都係要食粒消炎藥.