相當好瞓,左手碗痛,胡亂上網整朝,游水800m,車衣斷路,麥記三人餐,晚飯4人食.

昨晚夜夜才來寫blog,足知12點鐘前搞掂,出埋篇又長又噚blog才瞓,一覺今早9點半鐘,相當好瞓,無賴床起來,鼻感耳鳴同昨日差不多,獨係左手碗無晴晴痛,痛來無力,拿些較重東西都唔掂,其實昨日以經開始,今早較嚴重,都見怪不怪,關節不是這裡,便那裡痛.

起來洗面弄早餐,上住網食,餐後量血壓129/78-65,辦埋大事又10點40分,又開始我每日事上網.
胡亂上輪網又12點幾鐘,關機去游水.
1點未夠出門,單車去到行人隧道,上斜之際,一轉波大鑊甩鍊,又要搞到手指黑卒卒,還好都搞掂.過到泳池1點08分,什少咁早到,又同職員肥仔吹下水,吹水其間,見另職員在更衣室門口,正阻止位上年紀女仕進入,男更衣室豈能女人進入,個女人話我個孫在內不懂喎?而則邊有位上年紀男仕添,但又唔入來,唉?真係唔知搞邊科?吹陣水我都上池.
早來遲上池稍熱身,成1點45分下水,泳客少太陽不猛,好好游,諗住一條氣游佢800m算,誰知500m鼻涕差不多谷出鼻，無偈為有停下,稍唞再游多300m夠數走人.
更衣室辦妥一切,又同呀王吹水, 講起剛剛件事,咁就大把更衣室趣事,吹輪水老婆電話到,說屋企發生大事喎,話跳制喎?話車車吓衫突然扑一聲,全屋無晒電喎,後來叫食蕉上來,屋外打番制,現在無事喎,又會咁大劑?回來再睇啦,又話要沙田中心食麥記喎,好.
吹輪水係時候過麥記會老婆,過到去原來個女都來,咁就買餐佢哋話事,兩餐一包59蚊,吃後又話要食雪糕,再來三杯雪糕31蚊,合共90蚊個女比錢.
 
餐後兩母女街街,我就獨自返歸,返歸其間我又貢吓百佳,見特價啤梨又平又熟,又執佢三包,跟住街市買舊豆腐4蚊走人,返回自己街市買扎通菜返歸.
買來有通菜4蚊,豆腐4.5蚊,啤梨三包15蚊.
 
回家5點40分,上陣網老婆同個女返到,老婆問可否插電續車,當然未得啦,再跳制嘛大鑊,經我一睇燈胆個頭還在內便,一插嘛又斷路,燈胆頭拿回出來,車得.

寫輪blog成7點半鐘煮飯,有通菜,冰鮮雞半隻,豆腐一件,二次荷葉一塊.



荷葉蒸雞,

乾煎豆腐塊,

腐乿通菜,

又成8點40分開飯,4個人食1夜返留飯餸.

飯後果啤梨.