新apps玩一餐,睡來還可,架塊層板好放嘢,游水不成屈在家,樓下大乜樂,晚飯煲粥炒米,4個人食.

昨晚還是12點鐘都上床瞓,但臨瞓裝咗個新apps,又幾過制吓,於是又研究咗好一輪,我諗都成1點至瞓,半夜鼻水塞鼻醒過,但好快又瞓返,但好快5點鐘又塞醒,呻輪鼻水笠隻耳筒,半瞓下到8點鐘,賴床到9點半鐘才起來.
全屋番晒工,太陽超猛,嗱淋晒晾間,張衫晾去陽光下,搞掂才洗面,鼻塞變鼻水,又呻不停,弄早餐鮮奶麥皮,搽塊麵包上住網食.
望吓啲澳元先,哈!昨晚9點鐘爆升,有錢賺LU,52元咁多啦,餐後量血壓137/77-57,食今早藥,拿個手機辦大事,辦完又10點半鐘.
百無聊賴又家居改革,加塊層板放吓嘢都好,一搞又一個上午,

又12點幾鐘,執好架生清潔好,都係去游水.
搞兩搞成1點幾鐘才出門,單車踩出無耐?C無帶銀包?唔怕還有散銀,誰知一數得7.5蚊,無辦法為有掉頭踩番屋企,諗吓咁猛太陽,又晏咗成咁?唉!都係唔游,鎖好單車返歸.
回家坐陣老婆以經返到,佢上網遊戲,我就看電視恰眼瞓,恰至3點鐘,突然好大風,個天黑晒,看來大風雨殺到?果然落咗場雨,不過好快就停,同老婆落大乜樂食下午茶,老婆23我24,

吃後行轉惠乜,買咗份特價香蕉6蚊走人.
回家4點多鐘,老婆處理今晚餐飯,煲粥炒米粉喎,老婆煲落雞粥,夜點米粉又唔肯炒,無辦法為有我來炒個無料米粉,4個人食1夜返留粥留米粉.