睡來可以,耳嗚癒8,9,老婆放假,踱城河,坐文化,希頓食麵,超貴一田,晚飯三人食.

昨晚平時一樣12點前都瞓,一覺今晨6點鐘醒,瞓不返手機賴床,老婆放假無耐亦醒,同樣手機賴床,我youtube佢遊戲,一賴成10點鐘起來,一切良好,鼻水少許,耳嗚由嚴重回復起初9成,深信都係鼻敏感影響,証明食黑豆浸醋係無效.

起來洗面老婆以經開工遊戲,早餐為有我來,

餐後量血壓139/78-54,食今早藥,見澳元稍回,又加小許注,之後手機辦大事.
事後見好耐無去過沙灘,諗住叫老婆去趟清水灣,誰知又唔制,唔制叫出街,又話打緊機唔停得,唉!唔行算,為有睇電視,追埋套紅高樑大結局,到睇完大結局,老婆又話睇埋午間新聞,結果邊度都不用諗.
成兩點鐘同老婆出門,唉?去邊好呢?公園行得多,不如行城河,看能否見到條五爪金龍?行到去上次見過的位置,金龍就無囉,魚就見好多條,睇輪魚仔游弋,便過橋文化博物館.
 
 過到去哈?原來星期二閉館,無偈?為有門口李小龍像下櫈坐,風涼水冷好舒服,坐咗好耐,見遊人陸續來到,還是搲晒頭,模門釘.
 
涼夠坐夠同老婆就行去希爾頓,都好耐無來過,同老婆還是去常吃的茶餐廳,餐廳裝過修,靚得多,價錢還是差不多,老婆就牛雜河27蚊,我就雲吞麵25蚊,無記錯未裝修前24蚊?客唔多坐得舒服.

坐夠便行一田,每次來都係得個睇,實在太貴,同老婆入去行個圈,嘩!啲嘢貴到無朋友,屋企還有些旺菜未食完,半邊都係賣3.3蚊,喱度同樣大,賣到30蚊,榴槤細細個一秤100多元,你咪理劏的劏不停?,唉!睇來嘥氣,跟本不是我們行.
離開超貴一田,城市廣場都不用行,便行去沙田中心,諗住麥記食杯雪糕歇歇腳,又鬼咁多人,無位無偈,為有繼續走,行轉百佳無嘢買,便落沙田街市.
哈,哈今回有得坐,門口石櫈坐,坐正隔鄰吸煙的女人,好彩風向不是我邊,又見對面呀伯分金同味,與雀同享,佢食啖時雀食啲.

坐咗好耐,成5點鐘老婆買兩件豆腐9蚊,做冰豆腐喎?便離開市廣場巴士返歸.
 回家都5點半鐘,老婆續開工佢遊戲,我就準備今晚餐餸,誰知一攤開,訊息到佢唔食佢又唔食,為有臨時抽起部份回雪柜.

今晚餐為有一田要30蚊的,而我就3.4蚊既旺菜,白果,魚蓉燒賣,西芹,粉絲半包,蝦米同煙肉.
 
有粉絲燒賣蝦米煮旺菜,西芹炒煙肉,同煮點飯,撈埋隔夜三文魚飯來炒.

  又成8點半鐘開飯,三個人食.