夜瞓早醒,睡來麻麻,右手掌痛,與華踩轉城河,無賭馬食樓下大乜樂,電腦砵不起,晚飯6人食.

昨晚出埋編blog成12點多啲鐘,兼夾呀偉上來開飯,搞兩搞成1點鐘至瞓,瞓至5點多醒,去個所後就瞓不返,耐性下矇矓下瞓返,今晨近7點鐘醒,老婆放假在瞓,見瞓不返便手機賴床,7點半鐘還是起來,洗個面個女瞓醒返工,見還早上網寫陣blog.
老婆還在瞓,為有搞住早餐食,鮮奶麥皮,煎兩隻蛋,衛星包兩舊,

餐前量血壓127/74-49,新抱返早,嗱淋出門,吃過早餐食過今早藥.,辦埋個極差大事又9點34分.
上陣網對眼實在頂唔順?為有攤響梳瞓陣,10點40分電話響,原來華仔,傾兩句不如踩轉單車吹吓水,見11點鐘,踩轉回來12點睇羋月轉剛好.
於是坐言起行,老地方乙明對面公園等,過到去華仔以經在等,咁就開始向馬場方向進發,邊踩邊吹水,一直去到划艇會,嘩超多人,搞邊科?又不是端午節,又會咁多不同人種扒龍舟?





停留咗陣便繼續向孖橋進發,

孖橋實在太曬,於是踩過些少,剛巧有張櫈有遮蔭,便坐下吹水,

講吓政冶,講吓時下年青人心態,好似昨晚保良籌款,個仔同個家姐講歌星,話大陸歌星係又嗌唔係又嗌,所以鄧紫棋至紅到不得了,又話韓紅唱歌都係靠嗌喎?
唉?香港時下年青人,一提大陸內地以經好反感,喱啲嘛係風氣囉,傳媒一面倒報道,又睇埋粗口橫飛乜生果晚報,曲都拗番直,連支那嗰句話都說啱,不是侮辱同貶意?唉!真係拗都無謂,不要話同人拗,連我自己仔女講多都無謂.
吹輪水以經12點幾鐘,係時候回程,沿來時條路折返,返歸以經1點多啲鐘,羋月傳做完,大概要mytv睇LU,老婆在上網遊戲,唔夠瞓兼夾踩完單車超累,有馬跑都無心去賭,望住個電視賽馬,在梳化恰著,一瞓成3點多啲鐘醒,同老婆落街行吓,不想行遠,就樓下食乜樂,老婆熱狗餐25蚊,我就雞翼炒麵餐24,

吃過坐夠,行惠乜,買咗啲即食麵41.9元,

街市買個洋葱2.8蚊同生菜5.5蚊返歸.

回家老婆處理今晚餐餸,我就睇跑馬,馬尚有兩場未跑,係時候賭番兩場,唉?誰知開機電腦砵不起機,於是乎係咁亂撳,結果從開砵起就不能上網LU,搞咗輪唔得,個仔來搞,我就睇跑馬,結果個仔搞番掂,都以經尾場,本應能買得及,但見隻巴基之星響度,不如慳番.
寫輪長長的謬論blog又7點多鐘煮飯,料有生菜,洋葱,多春魚,鹹雞半隻同雞蛋.
 
 廿分鐘雞熟,

 老婆斬雞,

香煎多春魚,
 
洋葱炒蛋,
 
 雞汁灼生菜,

 9點半鐘開飯,五個人食一留飯餸.
 
 飯後果柚子.