夜瞓早醒差,牙痛鼻水咳痰痊癒8,9%,老婆放假會佢友,踩轉城河買餸返,晚飯三人食.

昨晚飯後出埋編blog,便youtube聽歌仔,都諗住早點瞓,結果被啲英文老歌吸引著,越聽越回味,搞到早瞓變夜瞓,其中係佢最經典.

夜夜才瞓著,一覺5點多便醒,瞓不返為有笠耳筒,唉!結果耳筒都幫不上,歌仔重覆又重覆,捱到7點轉收音機,bbc新聞,聽輪8點多鐘起來.

起來洗面搞早餐,老婆放假早餐搞兩份,

吃過早餐,今日感覺良好,昨晚還有鼻水,咳同痰,今早無晒,牙痛亦大有好轉,只輕微點點,看來痊癒9成,痛苦咗好幾日,總算捱了過去.
餐後以經9點04分,量血壓128/74-58,食過今早藥,上網寫下今早事,便辦大事,辦埋個極差大事又10點鐘.
瞓唔好關係,11點鐘棄網看電視,半瞓半看到12點鐘,差點瞓著漏看羋月傳,看完1點多鐘,老婆約咗工友飲茶喎?咁你就去到夠,我就淥個麵食.
 
2點多鐘去邊處好呢?諗吓不如踩轉單車,運動吓都好,然後回程買餸都好,單車城河馬鞍山方向踩,唔踩唔知身體差,踩兩踩腳攰兼氣喘,明顯體力唔夠,3點鐘踩到孖橋,

有太陽但不太猛,坐下又玩吓手機,
 

 坐咗輪回程,諗吓對面肯定單車多,都係沿來時條路回程.

行車踩到馬場,老婆來電,說與友飲完茶,正在石門火車走喎,咁就不如大圍會合買餸啦.
由於老婆火車我踩車,於是埋頭係咁踩,老婆來電幾次都費事接,一口氣踩回大圍4點啲鐘,老婆以經在等,咁就一同買餸,行轉街市發現有新嘢,叫貴族南瓜12蚊斤,話洗淨連皮蒸好食喎?

行轉街市買有茄子5蚊,紅蘿蔔5蚊,蕃薯5蚊走人.
老婆愛踱路,推著單車城河學校邊走,途中觀景台又坐吓,

返回單車場,由於要買麵包,又走入商場,攰攰哋又大乜樂坐吓,然後超市買磅方9.6蚊,街市買個洋葱3.5蚊返歸.

回家6點鐘,老婆處理菜料兼煲落個雜菜湯,

我就累得要C梳化瞓陣覺,夜7點多啲鐘煮飯,
簡簡單單腐乳蒸茄子

老婆煲的粟米雜菜湯,



7點50分開飯三個人食.