睡來還可,阿茂整果占,與老婆入馬場,攞4襟針,賭馬執37,晚飯6人食.

昨晚12點前都瞓,一覺今晨6點零都醒,去個所又係瞓不返,捱咗好耐還是耳筒收音機下瞓,瞓不著賴至8點半鐘起來,洗面搞早餐,鮮奶麥皮+衛星包食,老婆亦瞓醒,餐後量血壓138/80-52,食過今早藥上網,寫下今早事便辦大事,大事依然唔掂?
事敗又10點多啲鐘,老婆用咗部腦遊戲,為有看電視,見昨日買啲新會柑還未剝皮,於是兩公婆齊齊剝,剝咗皮啲肉點算呢?食又酸?掉又嘥,不如學人做果占啦,一搞12點半鐘,果肉搞掂,還差未煲加糖,但今日賽馬,婦女銀袋日,入場有紀念襟針送,但老婆又話要去,於是暫時停下,回來再搞.

老婆要去又唔肯踩單車,無偈,為有同佢搭程火車前往,過到馬場1點半鐘,入場攞過襟針,每人一個,見又幾靚啵?見還有票兩張,決定同老婆行多轉,即時出閘,彎過巴士另邊入口,行個大運攞埋兩個襟針,一共有4個咁多.
拿後走去wifi繽紛天地踱馬仔,攞襟針行了轉,又企咗輪,對腳又攰又痛,於是兩公婆坐響行人梯級度,我就踱馬仔,老婆手機遊戲,本來約咗華仔一同單車進場,於是至電過佢,問佢在那裡?原來還在途中,話佢知我位置後,便賭我馬仔,見隔鄰電視觀眾席有位,於是坐響度睇馬兼踱馬.
第4場20蚊買條連贏及位置Q4搭5,他媽的中隻冷,輸隻大熱門,跟住華仔到,說襟針派晒喎,得派張卷喎?要日後才有得攞喎,華仔走後,我就叫老婆來坐,我就企響則邊踱馬仔,第五場無賭,到第六場又20蚊買條位置Q一拖二,結果中隻大熱胆,腳就影都無?兩場輸我40蚊,唔鬼賭,費事買貴紀念襟針,都諗住走人,都係找找華仔,傾兩句同老婆合照張馬場照走人.
離開馬場行去火炭搭火車,去到御龍山莊見有大乜樂,同老婆先醫醫個肚,每人食個下午茶餐,老婆雞髀餐28蚊,我就五香肉丁麵餐26.5蚊.
 
食過坐夠便火車走人,同老婆大圍下車,行轉大圍買餸,見街市檔有隻肥貓,又玩吓先,菜就買有泥鯭魚10蚊,彩椒7蚊,豆腐4蚊,搭程返歸.

回家5點36分,馬還有場未跑,於是乎又踱條Q買吓,就大熱門搭小妹,4搭5正Q及位置Q20蚊買,哈!結果跑第1同第3,可惜跑不出正Q,買時16倍,跑出結果得97蚊,都好唔洗輸,除本執番37蚊.
 9803

				戶口結存 06-NOV-2016		$421.40
9805	06-11-2016 13:58	沙田 星期日	連贏位置Ｑ	4 場    4 嫡愛寶 + 6 超凡夢想 $10	$20.00
9808	06-11-2016 15:04	沙田 星期日	位置Ｑ	6 場    6 首飾大帝 拖 1 小奇妙 +            3 幸運七星 $10	$20.00
9811	06-11-2016 17:51	沙田 星期日	連贏位置Ｑ	11 場  4 怪獸家長 + 5 經典帝國 $10	$20.00	$97.00

 馬跑完老婆在煲柑果占,搞掂得嗰樽仔,還好不用嘥,入樽後寫我今日blog.
夜7點半鐘煮飯,料有豆腐,生菜,彩椒,魚胶,豆卜,脆皮腸仔,龍蝦頭同泥鯭魚.



生菜釀豆腐龍蝦湯煲,

清湯生菜釀豆腐煲,

龍蝦湯浸泥鯭,

煎釀彩椒脆皮腸.

9點10分開飯,6個人食兩夜返留飯餸.